KPT+

ទឹកធ្លាក់ ៥ កន្លែងនៅ អាមេរិក ល្បីល្បាញស្រស់ស្អាតខ្លាំង និងជាប់ឈ្មោះជា ឋានសួគ៌លើដី

បានផុស

៣ years មុន

នៅ

ថ្ងៃព្រហស្បតិ៍ ១៩ ឧសភា ២០២២

ដោយ

បើនិយាយពីសហរដ្ឋអាមេរិក ជាប្រទេសមួយដែលមានតំបន់ទេសចរណ៍ល្បីៗ រមណីយដ្ឋានធម្មជាតិ និងសួនកម្សានជាច្រើន ដែលជាប់ក្នុងបញ្ជីនៃតំបន់ទេសចរណ៍ស្រស់ស្អាតបំផុត លើពិភពលោក។

ថ្ងៃនេះ កម្ពុជាថ្មី នឹងនាំអារម្មណ៍ប្រិយមិត្តទៅស្គាល់រមណីយដ្ឋានទឹកជ្រោះធម្មជាតិល្បីៗ និងស្រស់ស្អាតទាំង ៥ នៅសហរដ្ឋអាមេរិក។

១ ទឹកធ្លាក់ Niagara Falls នៅទីក្រុង New York

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Niagara ជាទឹកធ្លាក់ធំជាងនៅអាមេរិក និងបែងចែកព្រំដែនរវាង New York និង Ontario។ ឧទ្យានទឹកធ្លាក់ធម្មជាតិដ៏ធំនេះ លាតសន្ធឹងនៅលើផ្ទៃដី៤០០ ហិចតា មានបីផ្នែក គឺទឹកធ្លាក់ Horseshoe Falls ទឹកធ្លាក់អាមេរិក និងទឹកធ្លាក់ Bridal Veil Falls។ ដោយសារតែសម្រស់ដ៏ធំសម្បើមរបស់វា អ្នកទស្សនាភាគច្រើនបានអះអាងថា វាជា “ឋានសួគ៌លើផែនដី”។

២ ទឹកធ្លាក់ Yosemite នៅ California

ប្រសិនបើអ្នកចង់ទស្សនាទឹកជ្រោះ ដែលមានកម្ពស់ខ្ពស់បំផុតនៅអាមេរិក អ្នកអាចទៅទស្សនាទឹកធ្លាក់ Yosemite ដែលស្ថិតនៅក្នុងឧទ្យានជាតិ Yosemite National Park ជាមួយនិងកម្ពស់ ២,៤២៥ ហ្វីត វាក៏ជាទឹកធ្លាក់មួយក្នុងចំណោមទឹកជ្រោះដែលខ្ពស់បំផុតនៅលើពិភពលោកផងដែរ។ មិនត្រឹមតែកម្ពស់ប៉ុណ្ណោះទេ វាក៏ត្រូវបានគេចាត់ទុកថាជាទឹកធ្លាក់ដ៏ស្រស់ស្អាតបំផុតមួយ នៅសហរដ្ឋអាមេរិក។

៣ ទឹកធ្លាក់ Multnomah នៅ Oregon

Multnomah គឺជាទឹកធ្លាក់ដ៏ពេញនិយមបំផុតមួយនៅក្នុងរដ្ឋ Oregon នៃសហរដ្ឋអាមេរិក ជាមួយនឹងកម្ពស់ ៦២០ ហ្វីត ដែលមានទឹកហូរពេញមួយឆ្នាំ ជាមូយទេសភាពដ៏ស្រស់ស្អាតពេញមួយឆ្នាំ។ ប្រសិនបើអ្នកចង់ទស្សនាទឹកជ្រោះនេះឱ្យកាន់តែជិត អ្នកអាចទៅលើស្ពាន Benson នោះនឹងទទួលបានបទពិសោធន៍ថ្មីៗជាមួយនឹងទឹកធ្លាក់ Multnomah បាន។

៤ ទឹកធ្លាក់ Burney នៅ California

ទឹកធ្លាក់ Burney គឺគ្មានអ្វីក្រៅពីឋានសួគ៌ដែលពោរពេញទៅដោយបៃតង និងសម្រស់ធម្មជាតិ ដែលធ្លាក់ពីកម្ពស់ ២៦០ ហ្វីត។ ទឹកជ្រោះនេះ មានទឹកហូរពេញមួយឆ្នាំ ដែលអាចឲ្យអ្នកទៅលេងកន្លែងនេះបានគ្រប់ពេលវេលា និងរីករាយជាមួយអាងទឹកដ៏ជ្រៅនិងធំទូលាយ ដែលអនុញ្ញាតឱ្យយើងហែលទឹកដ៏រីករាយ ជាមួយពេលវេលាប្រកបដោយគុណភាពរបស់អ្នកនៅទីនេះ។

៥ ទឹកធ្លាក់ Palouse នៅ LaCrosse

ទោះបីជាទីក្រុងវ៉ាស៊ីនតោន ត្រូវបានគេចាត់ទុកថាជារដ្ឋនយោបាយ មួយក្នុងចំណោមរដ្ឋនយោបាយរបស់អាមេរិកក៏ដោយ។ ប់ូន្តែក៏មានកន្លែងឧទ្យានជាតិរាប់សិបកន្លែង នៅក្នុងទីក្រុងវ៉ាស៊ីនតោនផងដែរ។ ក្នុងនោះក៏មានទឹកជ្រោះមួយកន្លែងឈ្មោះថា Palouse ជាកន្លែងដែលធម្មជាតិ បង្ហាញសម្រស់យ៉ាងល្អបំផុត។ ទឹកជ្រោះនេះ មានកម្ពស់ ២០០ ហ្វីត ដែលធ្លាក់ចូលទៅក្នុងទន្លេ Palouse ។ នេះគឺជាកន្លែងមានទេសភាពល្អឥតខ្ចោះ ដើម្បីទទួលយកបទពិសោធន៍នៃទិដ្ឋភាពដ៏ធំទូលាយនៃទឹកជ្រោះ។ បន្ថែមពីលើការទស្សនាដ៏អស្ចារ្យ អ្នកក៏អាចរីករាយនឹងការបោះជំរុំ និងការឡើងភ្នំនៅកន្លែងនេះផងដែរ៕

កែសម្រួល៖ នាងតូច

ចុចអាន៖ប្រវត្តិបិសាចសមុទ្រ សាយរ៉ិន ស៊ីសាច់ជាអាហារ និងស្អប់មនុស្សប្រុសខ្លាំង