KPT+

ឱសថ ៤ ប្រភេទ ជួយបំប៉នស្បែក និងសក់ កាន់តែស្រស់ស្អាត

បានផុស

៤ years មុន

នៅ

ថ្ងៃព្រហស្បតិ៍ ៤ សីហា ២០២២

ដោយ

សម័យនេះគ្រឿងថែសម្រស់គឺងាយរកបាន ទាំងផលិតផលចិញ្ចឹមស្បែកមុខ ស្បែកដងខ្លួន សក់ ដល់ចុងក្រចក ហើយប្រើប្រាស់តាមវិធីផ្សេងៗគ្នា។ ទន្ទឹមនោះមានផលិតផល ខ្លះងាយស្រួលស្វែងនិងជាឱសថក្នុងផ្ទះជុំវិញខ្លួនយើងថែមទៀ់តផង។

១ អំពិល អម្ពិលគឺជាគ្រឿងផ្សំដែលត្រូវបានគេប្រើជាភ្នាក់ងារបំប៉នស្បែក អស់រយៈពេលជាយូរមកហើយ ព្រោះវាមានឥទ្ធិពលអាស៊ីដខ្សោយ។ វាជួយកម្ចាត់ជាតិកខ្វក់ចេញពីស្បែក និងជួយសម្អាតស្បែកថ្នមៗ។ ដូច្នេះហើយ អម្ពិលជួយមិនឲ្យមានសារធាតុកខ្វក់ ឬស្ទះរន្ធញើសឡើយ ជាពិសេសសម្បូរទៅដោយវីតាមីន C ខ្ពស់ ពេលប្រើសម្រាប់ខាត់ វានឹងជួយកាត់បន្ថយស្នាមអុចខ្មៅ ធ្វើឲ្យស្បែកភ្លឺថ្លា និងមើលទៅមានសុខភាពល្អ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២ រមៀត ឱសថក្នុងផ្ទះដែលគេស្គាល់ថា ជាអាថ៌កំបាំងសម្រស់ដែលស្រីៗប្រើតាំងពីបុរាណមក គឺជារមៀត។ រមៀតជាឱសថមួយប្រភេទ ដែលមានប្រយោជន៍ច្រើន អាចយកទៅធ្វើម្ហូបបាន ប្រើជារុក្ខជាតិឱសថ រួមទាំងជាជំនួយដល់ការចិញ្ចឹមស្បែកឲ្យមានភាពស្រស់ស្អាតផងដែរ។ នោះគឺដោយសារតែរមៀតមានសារធាតុ Curcumin ដែលមានការលូតលាស់ប្រឆាំងនឹងផ្សិត បាក់តេរី ដូច្នេះហើយជួយព្យាបាលជំងឺស្បែក និងកាត់បន្ថយការរលាកស្បែក។ រមៀតក៏កំចាត់ជាតិប្រេងលើសនៅលើស្បែក កាត់បន្ថយមុន និងធ្វើឲ្យស្បែកមុខរលោង។

៣ Aloe Vera ប្រទាលកន្ទុយក្រពើជា aloe vera ដ៏ល្អមួយ ជាមួយនឹងអត្ថប្រយោជន៍ដ៏ល្អ ដែលជួយបន្ថែមសំណើមដល់ស្បែកមិនឲ្យស្ងួត និងជួយស្បែកដែលរលាកដោយសារកម្ដៅថ្ងៃ។ លើសពីនេះ ប្រទាលកន្ទុយក្រពើ មានលក្ខណៈសម្បត្តិ ជួយសម្លាប់មេរោគ ព្យាបាលរបួស និងកាត់បន្ថយស្លាកស្នាមមុន។ ទន្ទឹមនោះ វាក៏ជួយផ្ដល់ជាតិទឹកដល់សក់ និងស្បែកក្បាល។

៤ ក្រូចសើច ប្រសិនបើអ្នកចង់ចិញ្ចឹមសក់ឲ្យទន់រលោង ខ្មៅ និងភ្លឺចែងចាំង ក្រូចសើចគឺជាជំនួយមួយទៀត ដែលមិនគួរមើលរំលង។ ដែលអាចត្រូវបានប្រើសម្រាប់គ្រប់ផ្នែកចាប់ពីឫស ស្លឹក ផ្លែ និងទឹក។ ក្រូចសើចជួយព្យាបាលជំងឺ និងពង្រឹងប្រព័ន្ធការពាររាងកាយ រួមទាំងអត្ថប្រយោជន៍នៃការចិញ្ចឹមសក់ និងស្បែកក្បាលផងដែរ។ ដោយសារតែ bergamot គឺសម្បូរបែប សារធាតុប្រឆាំងអុកស៊ីតកម្ម ជួយឲ្យសក់មានទំងន់ ទន់រលោង មានទំងន់ រារាំងការលូតលាស់នៃផ្សិត ៕

ប្រែសម្រួល៖ សាង ស្រីល័ក្ខ

ចុចអាន៖ទឹករមៀតមិនត្រឹមតែជួយដល់ស្បែក តែនៅមានប្រយោជន៍ច្រើនទៀត

ចុចអាន៖សកម្មភាព ៤ យ៉ាង ធ្វើឲ្យមុខចាស់មុនអាយុ