KPT+

សកម្មភាព ៤ យ៉ាង ធ្វើឲ្យមុខចាស់មុនអាយុ

បានផុស

៤ years មុន

នៅ

ថ្ងៃអង្គារ ២ សីហា ២០២២

ដោយ

អាកប្បកិរិយាដែលយើងធ្វើជារៀងរាល់ថ្ងៃ តាមពិតអាចធ្វើឲ្យមុខរបស់យើងចាស់ជាងអាយុ បានយ៉ាងងាយ។ ជាពិសេសសកម្មភាពនោះ ក៏មានប្រតិកម្មខ្លាំងជាងគ្រឿសម្អាងដែលយើងប្រើទូទៅផងដែរ។

លោកវេជ្ជបណ្ឌិត Teeraphong Ratanukrom គ្រូពេទ្យផ្នែកសើស្បែក នាយកដ្ឋានវេជ្ជសាស្ត្រផ្ទៃក្នុង មហាវិទ្យាល័យវេជ្ជសាស្ត្រ Ramathibodi សាកលវិទ្យាល័យ Mahidol បានកំណត់អត្តចរិត ដែលធ្វើឲ្យមុខឆាប់ចាស់ជាងអាយុដូចខាងក្រោម៖

១ ទំពារស្ករកៅស៊ូជារៀងរាល់ថ្ងៃ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រសិនបើអ្នកជាមនុស្សម្នាក់ ដែលចូលចិត្តទំពាស្ករកៅស៊ូជារៀងរាល់ថ្ងៃ និងលើសពី ២០ នាទីក្នុងមួយថ្ងៃ វាអាចបណ្តាលឲ្យមានស្នាមប្រេះជុំវិញមាត់។ ប៉ុន្តែប្រសិនបើទំពាស្ករកៅស៊ូត្រឹមតែ ៥ នាទីក្នុងមួយថ្ងៃ វានឹងមិនបង្កឲ្យមានស្នាមជ្រួញជុំវិញមាត់ទៀតទេ។ តាមការណែនាំ គឺត្រូវទំពាស្ករកៅស៊ូរហូតដល់រសជាតិបាត់ ហើយបន្ទាប់មកស្ដោះវាចេញភ្លាមៗ។ កុំទំពាក្នុងរយៈពេលយូរ ហើយមិនគួរទំពាស្ករកៅស៊ូក្នុងមួយថ្ងៃ ញឹកញាប់ពេកទេ។

២ ទុកឲ្យស្បែកស្ងួត

មនុស្សដែលមានស្បែកស្ងួត ឬចូលចិត្តងូតទឹកក្តៅ រស់នៅក្នុងបន្ទប់ម៉ាស៊ីនត្រជាក់គ្រប់ពេលវេលា អាចបណ្ដាលឲ្យអ្នកមានស្បែកស្ងួត។ ជាធម្មតា ស្បែកមានស្រទាប់ការពារនៃពាសដែក ប្រសិនបើស្បែកស្ងួត វានឹងធ្វើឲ្យស្បែកប្រែជាសពព្រុស រហូតទៅជារលាក ហើយស្នាមជ្រៅក៏អាចបង្កើតបានដែរ។

៣ ធ្វើសកម្មភាពលើមុខច្រើនពេក

អ្នកដែលបង្ហាញទឹកមុខខ្លាំងពេក ដូចជាមុខញញឹម ខ្ទប់មាត់ជាដើម អាចធ្វើឲ្យសាច់ដុំក្រោមស្បែកយាធ្លាក់។ ដូច្នេះវានឹងបណ្ដាលឲ្យមានស្នាមជ្រួញកាន់តែខ្លាំងលើសមុន។

៤ ញ៉ាំយឺតហើយគេងយឺត

ការញ៉ាំអាហារពេលយប់ រារាំងការបញ្ចេញសារធាតុ Melatonin ដែលជាអ័រម៉ូនប្រឆាំងនឹងភាពចាស់ ហើយការគេងយឺត អ័រម៉ូនខឹងជាអ័រម៉ូនលូតលាស់នឹងត្រូវស្រក់តិច ការជួសជុលផ្នែកផ្សេងៗនៃរាងកាយ និងស្បែកត្រូវបានកាត់បន្ថយដែលធ្វើឲ្យស្បែកកាន់តែចាស់។

អនុសាសន៍ដើម្បីរក្សាភាពវ័យក្មេងនៃស្បែក និងការពារការរលាកស្បែក

-ប្រើឡេការពារកម្ដៅថ្ងៃជារៀងរាល់ថ្ងៃ។ ជ្រើសរើសប្រភេទដែលមាន SPF ចាប់ពី ៥០ ឬខ្ពស់ជាងនេះ។

-ការពារការបំពុលខ្យល់ ដោយថែរក្សាសម្អាតរាងកាយជានិច្ច។

-កុំពិសាគ្រឿងស្រវឹង ឬជក់បារី ព្រោះវាអាចធ្វើឲ្យមានស្នាមជ្រួញលើផ្ទៃមុខពីរ៉ាឌីកាល់សេរី៕

ប្រែសម្រួល៖ សាង ស្រីល័ក្ខ

ចុចអាន៖ទឹករមៀតមិនត្រឹមតែជួយដល់ស្បែក តែនៅមានប្រយោជន៍ច្រើនទៀត

ចុចអាន៖អាថ៌កំបាំងថែផ្ទៃមុខ ពីតារាកូរ៉េទាំង ៦ រូប ទម្លាប់ប្រើជាប្រចាំថ្ងៃខានមិនបាន