មកស្គាល់ផ្លែឈើបុរាណមួយប្រភេទ ជំនួយថ្លើម រំលាយជាតិខ្លាញ់ និងបណ្ដុះសក់

ផ្លែកន្ទួតព្រៃដែលមានរសជាតិល្វីងពេលខាំហើយប្រែទៅជាផ្អែមពេលផឹកទឹក តាមពិតជាឱសថធម្មជាតិល្អសម្រាប់មនុស្សច្រើនមុខមិនគួរឲ្យជឿ ។

ជាទូទៅគេប្រើវាដើម្បីជួយសម្រួលក្នុងការរំលាយអាហារ ទ្រទ្រង់សុខភាពគ្រឿងក្នុង សម្រកទម្ងន់ដោយសុវត្ថិភាព និងអត្ថប្រយោជន៍ជាច្រើនទៀតរាប់មិនអស់ ។

បើយោងតាមការសិក្សាពីសត្វឆ្នាំ ២០១៥ បានបង្ហាញថាផ្លែកន្ទួតព្រៃអាចការពារជំងឺខ្លាញ់ក្នុងថ្លើមទោះបីយើងបរិភោគអាហារមានជាតិស្ករខ្ពស់យ៉ាងណាក៏ដោយ វាការពារសរីរាង្គពីបញ្ហាដោយការលើកកម្ពស់មុខងារប្រូតេអ៊ីនមួយចំនួនក្នុងរាយកាយ ។

ចំណែកការសិក្សាពីសត្វមួយទៀតក្នុងឆ្នាំ ២០១៧ បានបង្ហាញលទ្ធផលស្រដៀងគ្នាដែរ ថែមទាំងរកឃើញថាវាជួយសម្រកខ្លាញ់ក្បាលពោះយ៉ាងមានប្រសិទ្ធភាពនិងសុវត្ថិភាពទៀតផង ។ 

យ៉ាងណាមិញអ្នកសិក្សាបានឲ្យដឹងថា ថ្ងៃណាមួយគេនឹងពិសោធន៍ទៅលើមនុស្សជាមិនខានដើម្បីដឹងកាន់តែច្បាស់ជាងមុន ។ រហូតមកដល់ឆ្នាំ ២០២០ អ្នកស្រាវជ្រាវក៏បានធ្វើការពិសោធន៍លើស្ត្រីនិងបុរសម្ដង គេឃើញថាផ្លែកន្ទួតព្រៃជំនួយដល់ការលូតលាស់សក់កាន់តែល្អប្រសើរ និងដុះច្រើនទ្វេដងពិតប្រាកដមែន ។

លើសពីនេះផ្លែកន្ទួតព្រៃអាចជួយពង្រឹងប្រព័ន្ធការពាររាងកាយរបស់យើង ប្រឆាំងអុកស៊ីតកម្ម ជួយពង្រឹងសុខភាពពោះវៀន និងកាត់បន្ថយកូឡេស្តេរ៉ុល ព្រោះគ្រាន់តែមួយផ្លែតូចនៃកន្ទួតព្រៃមានផ្ទុកវីតាមីន C ខ្ពស់ប្រហែល ៦០០ ដល់ ៧០០ មិល្លីក្រាមបាត់ទៅហើយ ៕

ប្រែសម្រួល ៖ វារី

ចុចអាន ៖ អត្ថប្រយោជន៍របស់គ្រាប់ឈៀ ៦ យ៉ាង មិនគួររំលង