KPT+

អស្ចារ្យ សមាធិអាចជួយធ្វើឱ្យលូតលាស់កោសិកាខួរក្បាលថ្មី?

បានផុស

៥ years មុន

នៅ

ថ្ងៃសៅរ៍ ៣០ មករា ២០២១

ដោយ

Sonya

ការធ្វើសមាធិមិនត្រឹមតែជួយធ្វើឱ្យចិត្តជ្រះស្រឡះ ខួរក្បាលស្រស់ថ្លាប៉ុណ្ណោះទេ ប៉ុន្តែថែមទាំងជួយឲ្យរក្សាភាពក្មេងវ័យបានយូរទៀតផង។

ការសិក្សាថ្មីមួយបានរកឃើញថា ការធ្វើសមាធិទៀងទាត់ជួយធ្វើឱ្យខួរក្បាលក្មេងជាងវ័យដល់ទៅ ៧ ឆ្នាំកន្លះ ចំពោះមនុស្សវ័យកណ្តាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមអ្នកស្រាវជ្រាវបានឲ្យដឹងថា ការផ្តោតអារម្មណ៍ខ្លាំង និងការសម្រាកនៅពេលសមាធិអាចជួយធ្វើឱ្យលូតលាស់កោសិកាខួរក្បាលថ្មី។ ពួកគេបន្ថែមទៀតថា ជាទូទៅការរួញខួរក្បាលឬភាថាសាមញ្ញថា ក្រញ៉ាញ់ខួរ ត្រូវបានផ្សារភ្ជាប់ទៅនឹងជំងឺបាត់បង់ការចងចាំ និងជំងឺទាក់ទងនឹងការចុះខ្សោយការចងចាំជាច្រើនទៀត។

អ្នកវិទ្យាសាស្ត្របានស្កែនខួរក្បាលបុរសស្ត្រីអាមេរិកចំនួន ៥០ នាក់ ដែលធ្វើសមាធិជាទៀងទាត់ និង អ្នកមិនធ្វើសមាធិសោះចំនួន ៥០ នាក់ទៀត។

ការស្កែននេះត្រូវបានបញ្ចូលទៅកម្មវិធីកុំព្យូទ័រ ដែលវិភាគទៅលើខួរក្បាល និងផ្តល់នូវអាយុពិតសម្រាប់ខួរក្បាលនីមួយៗផ្អែកលើស្ថានភាពរូបរាងជាក់ស្តែងរបស់ខួរក្បាល។ លទ្ធផលចេញមកគឺពិតជាគួរឱ្យភ្ញាក់ផ្អើល។

ជាទូទៅ អាយុរបស់ខួរក្បាលរបស់អ្នកមិនធ្វើសមាធិ និងអាយុពិតជាក់ស្តែងរបស់ពួកគេគឺដូចគ្នា ពោលគឺមនុស្សវ័យ ៥៥ មានខួរក្បាលអាយុ ៥៥ ដូចគ្នា។ ប៉ុន្តែចំពោះខួរក្បាលរបស់អ្នកធ្វើសមាធិមានអាយុក្មេងជាងវ័យ ដោយមនុស្សវ័យ ៥០ ជាមធ្យមមានខួរក្បាលអាយុប្រហែល ៤២ ទៅ ៤៣ ឆ្នាំប៉ុណ្ណោះ៕

ប្រែសម្រួល៖ សន្យា

ប្រភព៖ GREATIST

ចុចអាន៖ វិធីងាយៗដើម្បីធ្វើសមាធិមានប្រសិទ្ធិភាព

ចុចអាន៖ ទម្លាប់សរសេរកំណត់ហេតុផ្ទាល់ខ្លួន ផ្ដល់គុណសម្បត្តិមិនធ្លាប់នឹកដល់