នៅ អាមេរិក ក្រដាសប្រាក់ ២ ដុល្លារអាចដាក់ដេញថ្លៃក្នុងតម្លៃខ្ពស់ បើត្រូវតាមលក្ខខណ្ឌ

គេហទំព័រដេញថ្លៃរូបិយប័ណ្ណអាមេរិក (USCA) ប៉ាន់ស្មានថា ក្រដាសប្រាក់ ២ ដុល្លារមិនដែលប្រើប្រាស់ពីឆ្នាំ ១៨៩០ មក អាចលក់ចេញក្នុងតម្លៃ ៤,៥០០ ដុល្លារ ខណៈក្រដាសប្រាក់នោះមានប្រហែល ៥០០ សន្លឹក បើគិតពីឆ្នាំ ១៨៦២ ដល់ឆ្នាំ ១៩១៧ ។

គេហទំព័រដេញថ្លៃរូបិយប័ណ្ណអាមេរិក (USCA) បានរាយការណ៍ទៀតថា មុននឹងទិញលើសន្លឹកក្រដាសប្រាក់នេះ អតិថិជនក៏គិតទៅលើវិធីសាស្ត្របោះពុម្ព និងឆ្នាំផលិតផងដែរ ។

ដោយឡែកក្រដាសប្រាក់ដែលផលិតពីឆ្នាំ ២០០៣ ក៏ធ្លាប់លក់ចេញនៅឯការដេញថ្លៃនៅ Heritage Auction ក្នុងតម្លៃ ២,៤០០ ដុល្លារ ដែរ ។ ក្រោយមកគេលក់បន្តក្នុងតម្លៃ ៤,០០០ ដុល្លារ ប៉ុន្តែ Heritage Auction ប៉ាន់ស្មានថា វាអាចមានតម្លៃដល់ទៅ ៦,០០០ ដុល្លារឯណោះ ។

គួរបញ្ជាក់ថា ក្នុងករណីអ្នកមានក្រដាសប្រាក់ ២ ដុល្លារ ឆ្នាំ ១៨៩០ ដែលបោះត្រាពណ៌ក្រហម វាអាចលក់បានតម្លៃ ៤,៥០០ ដុល្លារ ហើយបើវាមានត្រាពណ៌ខៀវ ឬត្នោត អ្នកក៏អាចលក់បានរាប់រយដុល្លារផងដែរ អាស្រ័យលើអ្នកទិញ ៕

ប្រែសម្រួល៖ វារី

ប្រភព៖ USATODAY

ចុចអាន៖ វត្ថុប្រើប្រាស់របស់តារាល្បីៗ ដាក់ដេញថ្លៃតម្លៃវាល់លាន