កុមារៗ និងអ្នកចូលរួមបង្ហាញស្នាមញញឹមក្នុងកម្មវិធីថ្ងៃទី១បុណ្យភូមិមានជើងនៅប្រាសាទកោះកេរ

នៅព្រឹកថ្ងៃទី ២១ ខែវិច្ឆិកា ឆ្នាំ ២០២៥ កន្លងទៅនេះ មហោស្រពសិល្បៈ «បុណ្យភូមិមានជើង» បានចាប់ផ្តើមប្រារព្ធហើយនៅក្នុងទឹកដីខេត្តព្រះវិហារ ដោយពិធីបើកដំបូងបានរៀបចំឡើងនៅបរិវេណប្រាសាទកោះកេរ ដែលជាសម្បត្តិបេតិកភណ្ឌពិភពលោក។

ក្នុងនោះដែរ កម្មវិធីដំបូងនៃ មហោស្រពសិល្បៈ «បុណ្យភូមិមានជើង» បានចាប់ផ្តើមតាំងពីព្រលឹមវេលាម៉ោង ៦ ព្រឹក ដែលជាកម្មវិធី “រត់ចម្ងាយខ្លី” នៅជុំវិញប្រាសាទកោះកេរ ជាការរត់រួមគ្នាដើម្បីសន្តិភាព និងសិទ្ធិកុមារ ក្នុងទិវាកុមារពិភពលោកឆ្នាំ ២០២៥ ដែល មហោស្រពសិល្បៈបុណ្យភូមិមានជើង បានសហការរៀបចំជាមួយនឹង UNICEF Cambodia។

កម្មវិធីរត់ចម្ងាយខ្លីនេះ ទទួលបានការចូលរួមយ៉ាងច្រើនពីសំណាក់ ថ្នាក់ដឹកនាំខេត្ត រដ្ឋបាលស្រុក កុមារៗសិស្សនិសិត បងប្អូនប្រជាពលរដ្ធ ស្ថាប័នពាក់ព័ន្ធ និង ឡេឡេប្រាង្គ (យុវជនស្ម័គ្រចិត្ត)សរុបចំនួនមិនតិចជាង ១០០០នាក់ពោរពេញដោយស្នាមញញឹម។

ចូលរួមទាំងអស់គ្នាសម្រាប់ ថ្ងៃទី ២២-២៣ វិច្ឆិកា នៅឯវិទ្យាល័យ ជា ស៊ីម ត្បែងមានជ័យ ខេត្តព្រះវិហារ ដោយមានសកម្មភាពជាច្រើនដូចជា សម្មភាពអប់រំនៅភូមិ UNICEF ល្បែងកំសាន្ត សិល្បៈបុរាណ របាំ តួត្លុក ពេទ្យសិល្បៈ និងតន្រ្តីសម័យ៕