ព័ត៌មានជាតិ

លោកជំទាវស្ត្រីទី១កម្ពុជាបន្តចុះលើកទឹកចិត្តគ្រួសារទាហានជួរមុខ

បានផុស

៧ ខែ មុន

នៅ

ថ្ងៃសៅរ៍ ២០ ធ្នូ ២០២៥

ដោយ

ជំទាវស្ត្រីទី១កម្ពុជា លោកស្រី ពេជ ចន្ទមុន្នី ហ៊ុនម៉ាណែត បានបន្តចុះលើកទឹកចិត្តដល់គ្រួសារទាហានជួរមុខ ដោយបានថ្លែងកោតសរសើរភាពអង់អាចក្លាហានរបស់វីរៈកងទ័ពការពារទឹកដីពីសត្រូវឈ្លានពាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រីបានធ្វើដំណើរទៅជួបភរិយារបស់យោធិនមួយរូបដែលកំពុងមានផ្ទៃពោះ រស់នៅស្រុករលាប្អៀរ ខេត្តកំពង់ឆ្នាំ កាលពីថ្ងៃទី១៩ ខែធ្នូ ឆ្នាំ២០២៥ ដោយបាននាំមកនូវស្បៀងអាហារ និងរបស់ប្រើប្រាស់ជាច្រើនជូនដល់គ្រួសារយោធិន និងផ្ដាំផ្ញើដល់គ្រូពេត្យជំនាញឱ្យពិនិត្យដល់គ្រួសារកងទ័ពជាប្រចាំផងដែរ។ លោកស្រីបានបន្ថែមថារាជរដ្ឋាភិបាលកម្ពុជាបានយកចិត្តទុកដាក់ខ្ពស់លើពលរដ្ឋ និងគ្រួសារវីរៈកងទ័ពកម្ពុជា ដើម្បីធានានូវសុវត្ថិភាព ការហូបចុក និងសុខាភិបាល។

លោកស្រីក៏បានបញ្ជាក់ផងដែរថា៖ «ទោះក្នុងកាលៈទេសៈណា គ្រប់ពេលវេលា គ្រប់ទីកន្លែង រាជរដ្ឋាភិបាលដែលមានសម្ដេចមហាបវរធិបតី ហ៊ុន ម៉ាណែត ជានាយករដ្ឋមន្ត្រី តែងតែបារម្ភគិតគូរ និងយកចិត្តទុកដាក់បំផុតចំពោះសុខទុក្ខរបស់យោធិន រួមទាំងក្រុមគ្រួសារយោធិននៅទូទាំងប្រទេសផងដែរ»។

ជាការកត់សម្កាល់ ភរិយាសម្ដេចធិបតី ហ៊ុន ម៉ាណែត តែងតែបង្ហាញខ្លួនក្នុងកិច្ចការសង្គមដើម្បីលើកទឹកចិត្តជំរុញភាពក្លាហានរបស់ស្ត្រី និងក្មេងស្រី ក៏ដូចជាចូលរួមជានិច្ចជាមួយរដ្ឋាភិបាលក្នុងយុទ្ធនាការផ្សេងៗ។ ក្នុងការវាយប្រហារពីថៃជាលើកទី២លើកម្ពុជាលោកស្រី បានកៀងគរការចូលរួម និងផ្ដល់ជំនួយជាបន្តបន្ទាប់ទៅកាន់ពលរដ្ឋភៀសសឹក និងទាហានជួរមុខកម្ពុជាផងដែរ៕