ព័ត៌មានជាតិ

ចាប់ខ្លួនមេការសំណង់ជណ្ដើរយន្ត ស៊ីដាច់ប្រាក់ជាង៨ម៉ឺនដុល្លារ

បានផុស

៣ years មុន

នៅ

ថ្ងៃសុក្រ ៩ កក្កដា ២០២១

ដោយ

បុរសម្នាក់ ត្រូវបាននគរបាលព្រហ្មទណ្ឌកម្រិតស្រាលរាជធានី ចាប់ខ្លួនបញ្ជូនមកអយ្យការអមសាលាដំបូងពាក់ព័ន្ធនិងបទល្មើស « រំលោភលើទំនុកចិត្ត »ស៊ីដាច់ប្រាក់លក់ជណ្ដើរយន្ត៣គ្រឿង មានទឹកប្រាក់ជាង៨ម៉ឺនដុល្លារ។

ជនសង្ស័យឈ្មោះ ឈុន មករា អាយុ៣៦ឆ្នាំ ជាមេការសំណង់ជណ្ដើរយន្ត និងលក់ជណ្ដើរយន្ត នៃក្រុមហ៊ុនជប៉ុន អ៊ឹមស៊ីលិហ្វ ស៊ីលូសិន។ ប្រភពព័ត៌មានពីសាលាដំបូង បានឲ្យដឹងថា ការចាប់ខ្លួនឈ្មោះ ឈុន មករា ធ្វើយោងតាមពាក្យបណ្ដឹងរបស់លោក shinghiko toyoshi ជានាយកក្រុមហ៊ុន អ៊ឹមស៊ីលិហ្វ ស៊ីលូសិន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពាក្យបណ្ដឹងបានបញ្ជាក់ថា កាលពីថ្ងៃទី១៣ ខែមិនា ឆ្នាំ២០២០ ក្រុមហ៊ុនបានប្រគល់សំណង់ជណ្ដើរយន្តឲ្យ ឈុន មករា ដើម្បីដំឡើងឲ្យអតិថិជនឈ្មោះ ប្រាក់ ហម ជាមួយនិងការទូទាត់ប្រាក់រួចគ្រប់ចំនួន ប៉ុន្តែ ឈុន មករា មិនបានបង្វិលប្រាក់ចូលក្រុមហ៊ុនទេ។ លុះដល់ថ្ងៃទី២៨ ខែមេសា ឆ្នាំ២០២០ ក្រុមហ៊ុនបានប្រគល់សំណង់ជណ្ដើរយន្ត លក់ ទិញ ឲ្យការិយាល័យក្រុមហ៊ុន ធីធីស៊ីវីអ៊ឹមផត ដោយមានការចុះកិច្ចសន្យាប្រគល់ប្រាក់ជាបន្តបន្ទាប់ពីអតិថិជនមកឲ្យឈ្មោះ ឈុន មករា ដែលជាមេការផ្នែកលក់ ប៉ុន្តែឈ្មោះនេះមិនបានបង្វិលប្រាក់ចូលក្រុមហ៊ុនទេ ។

បន្ទាប់មក នៅថ្ងៃទី១១ ខែសីហា ឆ្នាំ២០២០ ក្រុមហ៊ុនតាមរយៈ ឈ្មោះ ឈុន មករា បានលក់ជណ្ដើរយន្តឲ្យអតិថិជនឈ្មោះ ប៊ុន ហៃ ដោយមានការចុះកិច្ចសន្យាលក់ ទិញ និងប្រគល់ប្រាក់ជាបន្តបន្ទាប់ពីអតិថិជន ហើយឈ្មោះ ឈុន មករា បានប្រមូលយកប្រាក់ពីការលក់ជណ្ដើរយន្តទាំង៣គ្រឿង មានតម្លៃសរុបចំនួន ៨៣ ៧៣០ដុល្លារ ទុកជាប្រយោជន៍ផ្ទាល់ខ្លួន ទើបប្រធានក្រុមហ៊ុនប្ដឹងមកសមត្ថកិច្ចនិងតុលាការតែម្ដង។ ឥឡូវនេះតំណាងអយ្យការកំពុងសាកសួរជនសង្ស័យនៅឡើយ មិនទាន់មានការសម្រេចក្ដីនៅឡើយទេ៕

អត្ថបទ៖ មករា