ព័ត៌មានជាតិ

ខេត្តព្រះសីហនុកំណត់យកថ្ងៃទី០១ ខែសីហា បើកយុទ្ធនាការចាក់វ៉ាក់សាំងបង្ការជំងឺកូវីដ-១៩ ជូនកុមារ និងយុវវ័យ

បានផុស

៥ years មុន

នៅ

ថ្ងៃព្រហស្បតិ៍ ២៩ កក្កដា ២០២១

ដោយ

រដ្ឋបាលខេត្តព្រះសីហនុ បានសម្រេចកំណត់យកថ្ងៃទី០១ ខែសីហា ឆ្នាំ២០២១ ខាងមុខនេះបើកយុទ្ធនាការ ព្រមៗគ្នា ដើម្បីចាក់វ៉ាក់សាំងបង្ការជំងឺកូវីដ-១៩ ជូនកុមារ និងយុវវ័យ ដែលមានចាប់ពី១២ឆ្នាំ ដល់ក្រោម១៨ឆ្នាំនៅទូទាំងខេត្តព្រះសីហនុ។

បើតាមលោក ឃាង ភារម្យ អ្នកនាំពាក្យសាលាខេត្តព្រះសីហនុ បានឱ្យដឹងនៅរសៀលថ្ងៃទី២៩ ខែកក្កដានេះថា«ពាក់ព័ន្ធនឹងយុទ្ធនាការចាក់វ៉ាក់សាំងបង្ការជំងឺកូវីដ-១៩ ជូនកុមារនិងយុវវ័យ ដែលមានចាប់ពី១២ឆ្នាំ ដល់ក្រោម១៨ឆ្នាំ គឺយើងនឹងធ្វើនៅថ្ងៃទី០១ ខែសីហា ឆ្នាំ២០២១ខាងមុខនេះ»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបានបន្តថា ដោយឡែកចំពោះចំនួនកុមារនិងយុវ័យដែលត្រូវចាក់មានប៉ុន្មាននោះ ក្រុមការងារកំពុងធ្វើការ។

គួរបញ្ជាក់ថា រដ្ឋាភិបាលនឹងចាប់ផ្តើមបើកយុទ្ធនាការចាក់វ៉ាក់សាំងដល់កុមារនិងយុវវ័យ ចាប់ពីអាយុ១២ឆ្នាំដល់ក្រោម១៨ឆ្នាំ នៅថ្ងៃទី១ ខែសីហា ឆ្នាំ២០២១នៅតាមរាជធានីខេត្តចំនួន៤រួមមានរាជធានីភ្នំពេញ កណ្តាល ក្រុងព្រះសីហនុនិងខេត្តកោះកុង៕

អត្ថបទ ៖ សំអឿន