Connect with us

ព័ត៌មានជាតិ

អ្នកដំណើរបរទេស មិនទាន់ចាក់វ៉ាក់សាំងចូលមកកម្ពុជា ត្រូវតម្កល់ប្រាក់២ពាន់ដុល្លារ

បានផុស

នៅ

ក្រសួងសុខាភិបាល បានតម្រូវឱ្យអ្នកដំណើរជាជនបរទេសមិនទាន់ចាក់វ៉ាក់សាំងចូលមកប្រទេសកម្ពុជា ត្រូវតម្កល់ប្រាក់ចំនួន២ពាន់ដុល្លារ សម្រាប់​ចំណាយ​ទៅលើ​ការធ្វើ​ច​ត្តា​ឡី​ស័ក​រយៈពេល​១៤​ថ្ងៃ​និង​ការព្យាបាល​ជំងឺ​កូ​វីដ​១៩​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​​លោក ម៉ម ប៊ុនហេង រដ្ឋមន្ត្រី​ក្រសួងសុខាភិបាល​បានឱ្យដឹង​នៅក្នុង​សេចក្តី​ជូន​ដំណឹង​ចុះ​ថ្ងៃទី​១៦​វិច្ឆិកា​ថា ​អ្នកដំណើរ​ដែល​មិនបាន​ចាក់​វ៉ា​ក់ ​ឬ​មិនទាន់​ចាក់​វ៉ាក់សាំង​កូ​វីដ​-១៩​ដូ​ស​មូលដ្ឋាន​បាន​ពេញលេញ ហើយ​ធ្វើដំណើរ​ចូលមក​កម្ពុជា តម្រូវឱ្យ​យក​សំ​ណាក​ធ្វើតេស្ត​រហ័ស​រក​អង់​ទី​ហ្សែ​ន​កូ​វីដ​-១៩​នៅ​ច្រកចូល​ប្រទេស ហើយ​ត្រូវ​រង់ចាំ​លទ្ធផល​តេស្ត​នេះ​។ បន្ទាប់ពី​ទទួលបាន​លទ្ធផល​តេស្ត​កូ​វីដ​-១៩​អវិជ្ជមាន បុគ្គល​តម្រូវឱ្យធ្វើ​ច​ត្តា​ឡី​ស័ក​រយៈពេល​១៤​ថ្ងៃ នៅ​ទីកន្លែង​ដែល​កំណត់ដោយ​ក្រសួងសុខាភិបាល ឬ​អាជ្ញា​ធរមាន​សមត្ថកិច្ច និង​ធ្វើតេស្ត​ដោយ​ម៉ាស៊ីន PCR នៅ​ថ្ងៃទី​១៣ នៃ​ការធ្វើ​ច​ត្តា​ឡី​ស័ក​។

​លោក​រដ្ឋមន្ត្រី​បាន​បន្តថា ប្រសិនបើ​ទទួលបាន​លទ្ធផល​តេស្ត​កូ​វីដ​-១៩​វិជ្ជមាន អ្នកជំងឺ​អាចដាក់​ឱ្យ​ព្យាបាល ឬ​បញ្ជូនទៅ​កន្លែង​ព្យាបាល​ ដែល​អនុញ្ញាត​ដោយ​ក្រសួងសុខាភិបាល​។ អ្នកដំណើរ​ត្រូវមាន​ឯកសារ​កក់​សណ្ឋាគារ​ស​ម្រា​ប់​ការធ្វើ​ច​ត្តា​ឡី​ស័ក​។ ក្នុងករណី​ពុំមាន​ការ​កក់​សណ្ឋាគារ ត្រូវ​ត្រៀម​សាច់ប្រាក់​ចំនួន​២,០០០​ដុល្លារ​អាមេរិក​សម្រាប់​អ្នកដំណើរ​បរទេស​ ដើម្បី​តម្កល់​នៅ​ច្រកចូល​កម្ពុជា សម្រាប់​ធានា​ចំណាយ​ទាំងអស់​ពាក់ព័ន្ធ​នឹង​ការធ្វើ​ច​ត្តា​ឡី​ស័ក ក្នុងអំឡុង​ពេលធ្វើ​ច​ត្តា​ឡី​ស័ក​នៅពេល​មកដល់​កម្ពុជា​។

​​លោក​រដ្ឋមន្ត្រី​បាន​បន្តទៀតថា​ សម្រាប់​អ្នកដំណើរ​ជា​ជនបរទេស​លើកលែង​មន្ត្រីការទូត និង​មន្ត្រី​អនុវត្ត​គម្រោង​សហប្រតិបត្តិការ​ផ្លូវការ ដែល​កាន់​ទិដ្ឋាការ​ការទូត (Visa A) និង​ទិដ្ឋាការ​ផ្លូវការ (Visa B) និង​ក្រុមគ្រួសារ​ត្រូវ​ទទួលខុសត្រូវ​ខ្លួនឯង​ក្នុងការ​ព្យាបាល ក្នុងករណី​ឆ្លង​ជំងឺ​កូ​វីដ​-១៩ ឬ​មាន​ជំងឺ​ផ្សេងទៀត​។ ​លោក​រដ្ឋមន្ត្រី​បាន​បន្ថែម​ថា អ្នកដំណើរ​ជា​ជនបរទេស ត្រូវបាន​លើកទឹកចិត្ត​ឱ្យ​ទិញ​ប័ណ្ណ​ធានារ៉ាប់រង​សុខភាព​សម្រាប់​ព្យាបាល​ជំងឺ​កូ​វីដ​-១៩ ដែល​នៅ​កម្ពុជា​អាច​ទិញ​ពី​ការធានារ៉ាប់រង​រួមគ្នា​តំណាង​ដោយ​ក្រុមហ៊ុន​ធានារ៉ាប់រង ហ្វ​ត​តេ តាមរយៈ​គេហទំព័រ​https://ww w.for teinsurance.com/covid-19-insurance/4​។

​លើសពីនេះ ​លោក​​បាន​បន្ថែមថា ​ចំពោះអ្នកដំណើរ​ដែល​បាន​ចាក់​វ៉ាក់សាំង​កូ​វី​ដ១៩​ដូ​ស​មូលដ្ឋាន​បាន​ពេញលេញ ត្រូវ​ភ្ជាប់​មកជា​មួយ​នូវ​ប័ណ្ណ ឬ​វិញ្ញាបនបត្រ​ចាក់​វ៉ាក់សាំង​កូ​វីដ​-១៩ ដែល​បញ្ជាក់​ពី​ការចាក់​វ៉ាក់សាំង​កូ​វីដ​-១៩​ដូ​ស​មូលដ្ឋាន​បាន​ពេញលេញ និង​វិញ្ញាបនបត្រ​បញ្ជាក់ថា គ្មាន​ជំងឺ​កូ​វីដ​-១៩ (​តេស្ត PCR) ក្នុង​រយៈពេល​៧២​ម៉ោង​មុនពេល​មកដល់​កម្ពុជា ទទួលស្គាល់​ដោយ​អាជ្ញាធរ​សុខាភិបាល​នៃ​ប្រទេស​សាមី ឬ​ប្រទេស​សំណាក់​ចុងក្រោយ​មុន​ចាកចេញ​មកកាន់​កម្ពុជា​។

​លោក​រដ្ឋមន្ត្រី​បានបញ្ជាក់​បន្ថែមថា ​ពេលមកដល់​កម្ពុជា​អ្នកដំណើរ ត្រូវធ្វើ​តេស្ត​រហ័ស​រក​អង់​ទី​ហ្សែ​ន​កូ​វីដ​-១៩​នៅ​ច្រកចូល​ប្រទេស ហើយ​ត្រូវ​រង់ចាំ​លទ្ធផល​តេស្ត​នេះ​។ បន្ទាប់ពី​ទទួលបាន​លទ្ធផល​តេស្ត​កូ​វីដ​-១៩​អវិជ្ជមាន បុគ្គល​មិន​តម្រូវឱ្យធ្វើ​ច​ត្តា​ឡី​ស័ក​ឡើយ និង​អាចធ្វើ​ដំណើរ​ដោយ​សេរី​ទូទាំងប្រទេស​កម្ពុជា​។ ក្នុងករណី​ទទួលបាន​លទ្ធផល​តេស្ត​កូ​រីដ​-១៩​វិជ្ជមាន អ្នកជំងឺ​អាចដាក់​ឱ្យ​ព្យាបាល ឬ​បញ្ចូនទៅ​កន្លែង​ព្យាបាល​ដែល​អនុញ្ញាត​ដោយ​ក្រសួងសុខាភិបាល​។

​​លោក ម៉ម ប៊ុនហេង ​បាន​បញ្ជាក់ថា ​ចំណែក​អ្នកដំណើរ​ដែល​បាន​ចាក់​វ៉ាក់សាំង​កូ​វីដ​-១៩​ដូ​ស​មូលដ្ឋាន​បាន​ពេញលេញ ហើយ​កំពុង​ធ្វើ​ច​ត្តា​ឡី​ស័ក​នៅតាម​មណ្ឌល​ច​ត្តា​ឡី​ស័ក សណ្ឋាគារ ឬ​គេហដ្ឋាន​នៅ​ទូទាំងប្រទេស ត្រូវ​អនុញ្ញាត​ឱ្យ​បញ្ចប់​ការធ្វើ​ច​ត្តា​ឡី​ស័ក ប្រសិនបើ​ទទួលបាន​លទ្ធផល​តេស្ត​រហ័ស​រក​អង់​ទី​ហ្សែ​ន​កូ​វីដ​-១៩​អវិជ្ជមាន​៕

អត្ថបទ៖ សំអឿន​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ ម៉ោង មុន

ពលរដ្ឋ​មក​ទទួល​វ៉ាក់សាំង​ដូ​ស​ជំរុញ​ក្នុង​ខេត្តកោះកុង មិនទាន់​សម្រេច​ដល់​គោលដៅ​ចង់បាន​

ព័ត៌មានជាតិ៦ ម៉ោង មុន

ត្រីភាគី​ដាក់​តួលេខ​ប្រាក់​ឈ្នួល​ចុងក្រោយ​ជូន​ក្រុមប្រឹក្សា​ជាតិ​ប្រាក់​ឈ្នួល​សម្រេច​នៅ​ថ្ងៃទី​២១​កញ្ញា​ខាងមុខ

វប្បធម៌ ជំនឿ៦ ម៉ោង មុន

ពណ៌ផ្ទះហុងស៊ុយ​ ស្របតាមទិសទាំង ៨ ជួយទាក់ទាញសំណាងទ្វេដង

ព័ត៌មានជាតិ៧ ម៉ោង មុន

សពលោក ប៊ូ ឡាំ អតីត​អ្នកតំណាងរាស្ត្រ​ខេត្ត​រតនគិរី​ បាន​ដឹក​ពី​ប្រទេសវៀតណាមមកដល់កម្ពុជាហើយ ដើម្បី​រៀប​ចំ​ធ្វើ​បុណ្យ​តាម​ប្រពៃណី

ព័ត៌មានជាតិ៧ ម៉ោង មុន

រដ្ឋមន្ត្រី​ក្រសួងសាធារណការ​ ត្រៀម​ប្រើម៉ាស៊ីនទំនើប​ ដែល​អាច​ជំនួសមនុស្ស​ ក្នុងការចូលលូ​ លើកដំបូង​ក្នុង​ប្រទេស​កម្ពុជា

Sokha Hotels

ព័ត៌មានពេញនិយម