ព័ត៌មានជាតិ

កសិករដាំល្ហុង១ហិកតា ទទួលបានផលចាប់ពី២០តោនទៅ២៥តោន

បានផុស

៦ years មុន

នៅ

ថ្ងៃសុក្រ ៤ ធ្នូ ២០២០

ដោយ

Sorn Phanith

ផ្លែល្ហុង ជាប្រភេទបន្លែនិងពេលទុំជាបង្អែម ហើយតម្រូវទីផ្សាររាល់ថ្ងៃមិនអាចខ្វះបាន ដោយកសិករយើងដាំក្នុងរយៈពេលខ្លីបានផលច្រើន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការបញ្ជាក់របស់លោក ទូច លី កសិករដាំដំណាំល្ហុងនៅស្រុកកោះធំ ខេត្តកណ្តាល បានរៀបរាប់ថា កន្លងមកដំណាំល្ហុងដាំ ក្នុងមួយហិកតាទទួលបានផលពី២០តោនទៅ២៥តោន ក៏ប៉ុន្តែមកដល់បច្ចុប្បន្ននេះ មានការប្រែប្រួលច្រើនដោយដាំ ក្នុង១ហិកតាបានផលតែ ១០ទៅ១៥តោនប៉ុណ្ណោះ។ លោក លី បន្តថា ដោយឡែកទីផ្សារផ្លែល្ហុងបើលក់ពីដើមដៃ បានថ្លៃ១០០០រៀល ក្នុង១គីឡូក្រាម ហើយពេលដែលសម្បូរអាចធ្លាក់ថ្លៃបន្តិចបន្តួច។

នៅក្នុងការបណ្តុះកូនល្ហុង ត្រូវប្រើរយៈពេល១ខែឡើងទៅទើបអាចយកមកដាំបាន ហើយត្រូវធ្វើការថែទាំដោយបោចស្មៅ ថែរក្សាគល់ និងស្រោចទឹកដាក់ជីផងដែរ ជាទម្លាប់ទូទៅនៅតំបន់ខ្លះ ដែលដាំតាមវាលទំនាប ដោយចាប់ផ្តើមដាំតាំងពីខែវិច្ឆិការហូតដល់ខែមេសា ទើបដើមល្ហុងទទួលបានផលផ្លែជាលើកដំបូងរហូតដល់ទឹកលិចចម្ការវិញ ឬបើទឹកទន្លេមិនឡើងមិនលិចទេ ក៏ដើមល្ហុងនៅតែផ្តល់ផលឲ្យកសិករយើងជាប្រចាំដដែល៕

អត្ថបទ ៖ កញ្ញា វ៉ាត

សូមចុចអាន៖ មៀន ប៉ៃលិន ដែលគេនិយមហៅថាផ្លែតាង៉ែន