ព័ត៌មានជាតិ
បេក្ខជនប្រឡងបាក់ឌុប ខេត្តបន្ទាយមានជ័យឆ្នាំនេះ មានសភាពស្ងប់ស្ងាត់ ជាងឆ្នាំមុនៗ
ខេត្តបន្ទាយមានជ័យ៖ បេក្ខជនប្រឡងសញ្ញាបត្រមធ្យមសិក្សាទុតិយភូមិ ខេត្តបន្ទាយមានជ័យ ឆ្នាំនេះ មានសភាពស្ងាប់ស្ងាត់ល្អជាងឆ្នាំមុនៗ ក្នុងនោះមានការពិនិត្យកម្ដៅបេក្ខជនមុនចូលបន្ទប់ប្រឡង។ ជាក់ស្តែងនៅមណ្ឌលប្រឡងវិទ្យាល័យ អូរអំបិល ចាប់ពីម៉ោង ៧ ព្រឹក មានបេក្ខជនចូលមណ្ឌលប្រឡងរៀងៗខ្លួន ដោយគ្មានភាពរញ៉េរញ៉ៃដូចឆ្នាំមុនឡើយ។
នៅព្រឹកថ្ងៃទី ២៧ ខែធ្នូ ឆ្នាំ ២០២១ នេះ លោក អ៊ុំ រាត្រី អភិបាលខេត្តបន្ទាយមានជ័យ បានចូលរួមបើកវិញ្ញាសា ដោយមានការចូលរួមដោយ លោក ហុឹល រ៉ាយ៉ា អភិបាលក្រុងសិរីសោភ័ណ ប្រធានមន្ទីរអប់រំ យុវជន និងកីឡាខេត្ត ភ្នាក់ងារប្រឆាំងពុករលួយ និងលោកគ្រូអ្នកគ្រូជាច្រើននាក់ទៀត បានចូលរួមពិនិត្យផងដែរ។
លោក អ៊ុំ រាត្រី បានមានប្រសាសន៍ក្រើនរំលឹក សូមបេក្ខជនប្រឡងទាំងអស់កុំលួចចម្លងគ្នា និងកុំលួចដាក់សំណៅឯកសារតាមខ្លួន ព្រោះប្រសិនអនុរក្ស ពិសេសអង្គភាពប្រឆាំងអំពើពុករលួយចាប់បាន នោះបេក្ខជននឹងធ្លាក់ដោយស្វ័យប្រវត្តិ។ លោកផ្ដាំបន្ថែម សូមបេក្ខជនរក្សាសណ្ដាប់ធ្នាប់របៀបរៀបរយ និងគោរពវិន័យឱ្យបានល្អក្នុងពេលប្រឡង និងសូមចូលរួមទាំងអស់គ្នាក្នុងការអនុវត្តវិធានការរបស់ក្រសួងសុខាភិបាល ៣កុំ ៣ការពារ ដើម្បីចូលរួមទប់ស្កាត់ជំងឺកូវីដ-១៩។
លោក ឈូ ប៊ុនរឿង ប្រធានមន្ទីរអប់រំ បានបញ្ជាក់ឱ្យដឹងថា ការប្រឡងបាក់ឌុបឆ្នាំនេះខេត្តបន្ទាយមានជ័យ មានមណ្ឌលប្រឡងចំនួន ៧ ក្នុងនោះមាន ១. វិទ្យាល័យសិរីសោភ័ណ ២. វិទ្យាល័យសម្តេចឪ ៣. សាលាបឋមសិក្សាហ៊ុនសែនសូភី ៤. សាកលវិទ្យាល័យ UME ៥. វិទ្យាល័យហ៊ុនសែនខ្លាកូន ៦. វិទ្យាល័យអូរអំបិល ៧. សាកលវិទ្យាល័យមានជ័យ ដោយមានបន្ទប់ប្រឡងមានចំនួន ១៩៩ និងបេក្ខជនប្រឡងមានចំនួន ៤ ៩៤៧ នាក់៕
អត្ថបទ៖ វ៉ាន់ ណាង
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត