ព័ត៌មានជាតិ
ហុងកុងប្រើបន្ទប់សណ្ឋាគារជាង២ម៉ឺនសម្រាប់ទប់ស្កាត់កូវីដកំពុងផ្ទុះខ្លាំង
ទីក្រុងហុងកុងបានយកបន្ទប់សណ្ឋាគារជាង២ម៉ឺនសម្រាប់ធ្វើចត្តាឡីស័កអ្នកពាក់ព័ន្ធនឹងជំងឺកូវីដ-១៩។ នេះបើយោងតាមលោកស្រី Carrie Lam មេដឹកនាំទីក្រុងហុងកុងបាននិយាយកាលពីថ្ងៃសុក្រម្សិលមិញ ស្របពេលអ្នកអភិវឌ្ឍអចលនទ្រព្យរួមគ្នាដើម្បីកម្ចាត់នឹងវីរុសដែលកំពុងបំផ្លាញសេដ្ឋកិច្ចទូទាំងពិភពលោក។
លោកស្រី Lam បាននិយាយថា ម្ចាស់សណ្ឋាគារចំនួន២១កន្លែងបានបង្ហាញពីចំណាប់អារម្មណ៍ក្នុងការយកបន្ទប់របស់ពួកគេសម្រាប់ជាកន្លែងធ្វើចត្តាឡីស័កដែលចំនួនទាំងនេះលើសពីគោលដៅរបស់រដ្ឋាភិបាលដែលកំណត់បន្ទប់ពី៧ពាន់ទៅ១ម៉ឺន។
កន្លែងធ្វើចត្តាឡីស័កនៅហុងកុងបានឈានដល់ពេញសមត្ថភាព ហើយគ្រែអ្នកជំងឺនៅមន្ទីរពេទ្យពេញដោយអ្នកជំងឺពោលគឺរហូតដល់៩០%ទៅក្នុងនោះមានអ្នកជំងឺថ្មី ចាស់ និងធ្ងន់ធ្ងរថែមទៀតផង។
ចំណាត់ការនេះបានធ្វើឡើង ស្របពេលអាជ្ញាធរក្រុងហុកកុងបានរាយការណ៍ថា ករណីឆ្លងថ្មីបានកើនឡើងយ៉ាងគំហុកដល់ទៅ៦០ដងឯណោះក្នុងខែនេះ និងបន្ទាប់ពីលោកប្រធានាធិបតីចិន ស៊ី ជីនពីង បាននិយាយថា ហុងកុងត្រូវតែបង្កើនការងារដើម្បីទប់ស្កាត់កូវីដកំពុងរាលដាលខ្លាំង ហើយចិនក៏នឹងជួយដែរ។
អាជ្ញាធរបាននិយាយថា រថយន្តធ្វើតេស្តចល័តពីប្រទេសចិនបានទៅដល់ហុងកុងកាលពីថ្ងៃព្រហស្បតិ៍ ដែលជាផ្នែកមួយនៃវិធានការដើម្បីជួយក្រុងនេះក្នុងការធ្វើតេស្ត។
កាលពីថ្ងៃសុក្រ ម្សិលមិញនេះ ហុងកុងមានករណីឆ្លងកូវីដថ្មីហោចណាស់៣៦០០នាក់ជាមួយនឹងលទ្ធផលវិជ្ជមានបឋម៧៦០០នាក់ផ្សេងទៀត៕
ប្រែសម្រួល៖ វីរបុត្រ
ប្រភព៖ Reuters
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ