Connect with us

ព័ត៌មានជាតិ

អ្នកនាំពាក្យពាណិជ្ជកម្ម ៖ ប្រេងសាំង​នឹងបន្តចុះថ្លៃថែមទៀត​ ក្រោយថ្ងៃទី ១០ មេសា

បានផុស

នៅ

អ្នកនាំពាក្យក្រសួងពាណិជ្ជកម្ម លោក ប៉ែន សុវិជាតិ បានប្រាប់កម្ពុជាថ្មី នៅរសៀលថ្ងៃទី ០៧ ខែ មេសាថា តម្លៃប្រេងសាំង និងម៉ាស៊ូត នឹងធ្លាក់ចុះថ្លៃបន្តិច នៅសប្តាហ៍ក្រោយ ពោលគឺក្រោយថ្ងៃទី ១០ ខែមេសា ឆ្នាំ ២០២២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ប៉ែន សុវិជាតិ បានថ្លែងដូច្នេះថា« ខ្ញុំអាចនិយាយថា ១០ថ្ងៃបន្ទាប់នេះ តម្រុយប្រេងសាំង និងប្រេងម៉ាស៊ូត នឹងធ្លាក់ចុះថ្លៃបន្តិចមកវិញ ខ្ញុំមិនថា ធ្លាក់ចុះប៉ុណ្ណាទេ តែបើតាមើលបម្រែបម្រួលថ្លៃមធ្យមភាគដែលយើងគិត ឃើញថាមានការថយចុះថ្លៃបន្តិច»។

មន្រ្តីជាន់ខ្ពស់រូបនេះបន្តថា នាពេលថ្មីៗនេះ មានក្រសួងពាក់ព័ន្ធ ដូចជា ក្រសួងពាណិជ្ជកម្ម ក្រសួងរ៉ែ និងថាមពល ក្រសួងសេដ្ឋកិច្ច រួមទាំងស្ថាប័នគយ និងរដ្ឋាករផង បានជួបពិភាក្សា និងវិស័យឯកជន ដើម្បីរកវិធានការសមស្របរវាងភាគីទាំងពីរ ធ្វើយ៉ាងណាឱ្យតម្លៃលក់រាយប្រេងបានសមរម្យជាងមុន។

សូមបញ្ជាក់ថា តម្លៃប្រេងសាំងធម្មតានៅកម្ពុជា លក់ក្នុង១លីត្រ ៥២៥០ រៀល ខណៈប្រេងម៉ាស៊ូត ៥៣០០រៀល ក្នុងមួយលីត្រ តម្លៃនេះលក់ចាប់ពីថ្ងៃទី ០១ ដល់ទី ១០ ខែមេសា។ នេះបើតាមប្រកាសក្រសួងពាណិជ្ជកម្ម៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម