ព័ត៌មានជាតិ
ក្រសួងសង្គមកិច្ច បន្តតាមដានពិនិត្យដើម្បីបញ្ចៀស នូវបញ្ហាមិនប្រក្រតីកើតឡើង ជុំវិញកម្មវិធីឧបត្ថម្ភសាច់ប្រាក់របស់រដ្ឋ
លោក ឈួរ សុបញ្ញា ប្រតិភូរាជរដ្ឋាភិបាល ទទួលបន្ទុកជាអគ្គនាយកមូលនិធិជាតិជំនួយសង្គម នៃក្រសួងសង្គមកិច្ច អតីតយុទ្ធជន និងយុវនីតិសម្បទា បានឲ្យដឹងថា មន្ត្រីជំនាញក្នុងខេត្តស្វាយរៀង ត្រូវបានទទួលការបណ្តុះបណ្តាល ស្តីពី ការប្រើប្រាស់អែប និងតាប្លែត កន្លងមកថ្មីៗនេះ សម្រាប់ការតាមដាន ត្រួតពិនិត្យ និងវាយតម្លៃ នៃការអនុវត្តកម្មវិធីឧបត្ថម្ភសាច់ប្រាក់ ជូនស្ត្រីមានផ្ទៃពោះ និងកុមារអាយុក្រោម ២ឆ្នាំ ហើយដើម្បីតាមដានពិនិត្យបញ្ចៀស នូវបញ្ហាមិនប្រក្រតីកើតឡើង ជុំវិញកម្មវិធីឧបត្ថម្ភសាច់ប្រាក់របស់រាជ្ឋាភិបាល តែម្តង។
ការលើកឡើងរបស់លោក ឈួរ សុបញ្ញា ខណៈពេលបើកកិច្ចប្រជុំ ស្ដីពី ការរៀបចំផែនការសកម្មភាពឆមាសទី ២ ឆ្នាំ ២០២២ និងវគ្គបណ្ដុះបណ្ដាលរំលឹកឡើងវិញ ស្ដីពី ការតាមដានត្រួតពិនិត្យ និងវាយតម្លៃកម្មវិធីឧបត្ថម្ភសាច់ប្រាក់ ជូនស្ត្រីមានផ្ទៃពោះ និងកុមារអាយុក្រោម ២ឆ្នាំ នារសៀលថ្ងៃទី ១៧ ឧសភា ឆ្នាំ ២០២២។
ពិធីនេះប្រារព្ធឡើង ដោយមានការសហការគាំទ្រពីអង្គការយូនីសេហ្វ ព្រមទាំងមានការអញ្ជើញចូលរួមពី លោក លោកស្រីប្រធានមន្ទីរ អនុប្រធានមន្ទីរទទួលបន្ទុក និងមន្ត្រីប្រតិបត្តិកម្មវិធីនៃមន្ទីរស.អ.យ.រាជធានី ខេត្ត ក្រោមវត្តមាន សុខ ប៊ុនថា អនុរដ្ឋលេខាធិការ នៃក្រសួងស.អ.យ. លោកឈួរ សុបញ្ញា ប្រតិភូរាជរដ្ឋាភិបាល ទទួលបន្ទុកជាអគ្គនាយកមូលនិធិជាតិជំនួយសង្គម និងលោកស្រី ឯក សុវណ្ណភារ: អភិបាលរង នៃគណៈអភិបាលខេត្តស្វាយរៀង ផងដែរ។
សូមបញ្ជាក់ដែរថា យោងតាមរបាយការណ៍របស់នាយកដ្ឋានសុខមាលភាពសង្គម នៃក្រសួងសង្គមកិច្ចអតីតយុទ្ធជន និងយុវនីតិសម្បទាបានបញ្ចាក់ថា ចាប់ពីថ្ងៃទី ៦ ធ្នូ ឆ្នាំ ២០២១ តទៅបងប្អូនគ្រួសារក្រីក្រ និងងាយរងគ្រោះពិសេស ដែលទទួលផលប៉ះពាល់ ដោយសារជំងឺរាតត្បាតកូវីដ-១៩ អញ្ជើញមកពិនិត្យឈ្មោះ ឲ្យបានត្រឹមត្រូវនៅតាមមូលដ្ឋានឃុំ-សង្កាត់រៀងៗខ្លួន ដើម្បីបន្តទទួលសាច់ប្រាក់ឧបត្ថម្ភពីរាជរដ្ឋាភិបាល ក្នុងសកម្មភាពជុំទី ៨ លើកទី ៣ គិតចាប់តាំងពីថ្ងៃនេះតទៅ។ ដោយឡែកគ្រួសារដែលមិនទាន់បាន ទទួលសាច់ប្រាក់ឧបត្ថម្ភពីរាជរដ្ឋាភិបាល ដូចព័ត៌មានខាងលើសូមរួសរាន់មកទំនាក់ទំនង ជាមួយអាជ្ញាធរមូលដ្ឋាន ដែលខ្លួនស្នាក់អាស្រ័យនោះ ដើម្បីទទួលបានអត្ថប្រយោជន៍ដែលរាជរដ្ឋាភិបាល បានផ្តល់ជូនជៀសវាងភាពមិនប្រក្រតីណាមួយកើតឡើង ដោយសារតែការខុសឈ្មោះ ឬអត្តសញ្ញាណណាមួយនោះ ដាច់ខាត៕
អត្ថបទ៖ វិមាន
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១៤ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម២១ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ