Connect with us

ព័ត៌មានជាតិ

មន្ត្រីផ្តល់ឈាមចាប់ផ្តើមចុះយកអំណោយឈាមនៅតាមស្ថាប័ន និងក្រសួងផ្សេងៗ ក្រោយជំងឺកូវីដធូរស្រាល

បានផុស

នៅ

មន្ត្រីមជ្ឈមណ្ឌលជាតិផ្តល់ឈាមបានចាប់ផ្តើមចុះយកអំណោយឈាមនៅតាមក្រសួង ស្ថាប័ន គ្រឹះស្ថានសិក្សា និងក្រុមហ៊ុននានានៅជុំវិញរាជធានីភ្នំពេញបន្ទាប់ពីស្ថានភាពជំងឺកូវីដ១៩មានភាពធូរស្រាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវេជ្ជបណ្ឌិត លី សុវិទ្យ អនុប្រធានមជ្ឈមណ្ឌលជាតិផ្តល់ឈាមបានមានប្រសាសន៍នៅព្រឹកថ្ងៃទី២០ ខែឧសភា
នេះថា បន្ទាប់ពីស្ថានភាពជំងឺកូវីដ១៩បានធូរស្រាល និងកម្ពុជាបានបើកប្រទេសឡើងវិញរួចមកមានក្រសួងស្ថានប័ន
គ្រឹះស្ថានសិក្សានិងក្រុមហ៊ុននានាបានធ្វើការទំនាក់ទំនងមកមជ្ឈមណ្ឌលជាតិផ្តល់ឈាមដើម្បីចុះទៅប្រមូលឈាមនៅតាមទីតាំងផ្ទាល់តែម្តង។

លោកវេជ្ជបណ្ឌិតបានបន្តថាការចុះទៅយកអំណោយឈាមនៅតាមទីតាំងផ្ទាល់នេះវានឹងផ្តល់ផលចំណេញច្រើនដល់ក្រសួងស្ថាប័នគ្រឹះស្ថានសិក្សានិងក្រុមហ៊ុនទាំងនោះដូចជាពួកគេអាចពិនិត្យសុខភាពនិងដូរកាតថ្មីពិសេសអាចទទួលបានអំណោយឈាមនៅពេលសាច់ញាតិខ្លួនមានតម្រូវការឈាមព្រោះថា មជ្ឈមណ្ឌលតែងតែរក្សាទុកឈាមប្រមាណ​២០ភាគរយនៃចំនួនឈាមសរុបដែលបូមបានពីស្ថានប័នទាំងអស់សម្រាប់ទុកផ្តល់ជួនពួកគាត់វិញផងដែរ។

លោកវេជ្ជបណ្ឌិតបានបន្តថាបើទោះបីជាកម្ពុជាមានស្ថានភាពឆ្លងជំងឺកូវីដ១៩ ធូរស្រាលនិងបានបើកប្រទេសឡើងវិញក៏ដោយក៏កាទទួលឈាមតាមរយៈសប្បុសជនដោយមិនគិតកម្រៃនិងដោយស្ម័គ្រចិត្តនៅមជ្ឈមណ្ឌលជាតិផ្តល់ឈាមហាក់នៅមិនទាន់មានការផុលផុសដូចមុនស្ថានភាពជំងឺកូវីដ១៩នៅឡើយទេដោយសារប្រជាពលរដ្ឋនៅតែមានអារម្មណ៍ខ្លាចនិងមិនមានអ្នកជំរុញដូចកាលពីមុនផ្ទុះជំងឺកូវីដ១៩ដដែលដោយសារប្រជាពលរដ្ឋមានការភ័យខ្លាចដែលធ្វើឱ្យចំនួនអ្នកមកបរិច្ចាគឈាមដោយស្ម័គ្រចិត្តមានប្រមាណ១០ភាគរយខណៈកាលពីមុនមានរហូតដល់ទៅ២០ភាគរយឯណោះ។

លោក វេជ្ជបណ្ឌិតបានបន្តទៀតថា ដោយសារតែចំនួនអ្នកបរិច្ចាគឈាមដោយស្ម័គ្រចិត្តមានចំនួនតិចបានធ្វើឱ្យកម្ពុជាមានការខ្វះខាតឈាមច្រើនសម្រាប់ជួយសង្គ្រោះដល់អ្នកជំងឺដែលត្រូវការឈាមជាចាំបាច់ព្រោះថាក្នុង១ថ្ងៃត្រូវការឈាមប្រមាណពី២៥០ទៅ៣០០ប្លោកដែលតម្រូវឱ្យមានអ្នកបរិច្ចាគឈាមជំនួសដែលមានរហូតដល់៩០ភាគរយដែលពួកគាត់ជាសាច់ញាតិក្រុមគ្រួសារនិងមិត្តភ័ក្តរបស់អ្នកជំងឺ ។

លោកវេជ្ជបណ្ឌិត សុខ ប៉ូ ប្រធានមជ្ឈមណ្ឌលជាតិផ្តល់ឈាមធ្លាប់បានលើកឡើងថា នៅឆ្នាំ២០២២នេះមជ្ឈមណ្ឌលជាតិផ្តល់ឈាមត្រូវការឈាមប្រមាណ១សែន១ម៉ឺនប្លោកសម្រាប់ជួយសង្គ្រោះដល់អ្នកជំងឺដែលត្រូវការឈាមចាំបាច់ដូចជាអ្នកជំងឺទាក់ទិននឹងការហូរឈាមតាមប្រដាប់រំលាយអាហារ ការវះកាត់ជំងឺបេះដូង គ្រោះថ្នាក់ចរាចរណ៍ការហូរឈាមមិនប្រក្រតីនៅមុននិងក្រោយពេលសំរាលកូន ជំងឺខ្សោយតំរង់នោម ការព្យាបាលថែទាំជំងឺមហារីក ពិសេសការដូរក្រលៀនដែលជាសេវាកម្មថ្មីមួយដែលត្រូវការឈាមច្រើន។

លោកប្រធានមជ្ឈមណ្ឌើជាតិផ្តល់ឈាមបានអំពាវនាវដល់សប្បុរសជន និងអង្គភាពស្ថាប័នពាក់ព័ន្ធនានា ចូលរួមបរិច្ចាគឈាម​ដោយស្ម័គ្រចិត្តដើម្បីបំពេញតម្រូវស្តុកឈាមដល់អ្នកជងឺដែលកំពុងត្រូវការឈាមជាចាំបាច់នៅតាមមន្ទីរពេទ្យនានា៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម