Connect with us

ព័ត៌មានជាតិ

ខែមិថុនា នេះ គ្រោះធម្មជាតិបានបណ្តាលឱ្យមនុស្សស្លាប់និងរបួសជាង២០នាក់ខូចខាតលំនៅដ្ឋានជាង៨០០ខ្នង

បានផុស

នៅ

នៅក្នុងខែមិថុនា ឆ្នាំ២០២២នេះ គ្រោះធម្មជាតិរួមមានខ្យល់កន្ត្រាក់ រន្ទះបាញ់ និងគ្រោះអគ្គិភ័យបានបណ្តាលឱ្យមនុស្សស្លាប់ និងរងរបួសប្រមាណជាង២០នាក់ ខូចខាតលំនៅដ្ឋានជាង៨០០ខ្នង និងឆេះតូបលក់ដូររោងចក្រកាត់ដេរ និងឃ្លាំងស្តុកទំនិញមួយចំនួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សុទ្ធ គឹមកុលមុនី អ្នកនាំពាក្យគណៈកម្មាធិការជាតិគ្រប់គ្រងគ្រោះមហន្តរាយបានមានប្រសាសន៍នៅព្រឹកថ្ងៃទី០៥ ខែកក្កដា នេះថា នៅក្នុងខែមិថុនា នេះ គ្រោះធម្មជាតិបានបណ្តាលឱ្យមនុស្សស្លាប់និងរបួសចំនួន២៣នាក់ ក្នុងនោះស្លាប់ដោយរន្ទះបាញ់ចំនួន១០នាក់ និងរបួស៩នាក់ និងស្លាប់ដោយគ្រោះអគ្គិភ័យ១នាក់ រងរបួស៣នាក់។

លោកបានលើកឡើងរបាយការណ៍មកបញ្ជាក់ថា នៅក្នុងខែមិថុនា ខ្យល់កន្ត្រាក់បានកើតឡើងចំនួន៣១លើកនៅរាជធានីខេត្តចំនួន១៨ បណ្តាលឱ្យផ្ទះរលំ និងខូចធ្ងន់ធ្ងរ១៤៨ខ្នងផ្ទះ របើកដំបូល និងខូចមធ្យម៥៨៥ខ្នង ដើមឈើរលំបាក់ ១២ដើម ប៉ះពាល់ប្រាសាទបេងមាលាដួលរលំដំបូលទីលានបាល់ទាត់១កន្លែង បាក់បង្គោលភ្លើង១បង្គោលអង់តែនទូរស័ព្ទ១ ដួលរលំផ្ទាំងប៉ាណូផ្សាយពាណិជ្ជកម្ម១របើកដំបូលការិយាល័យអាវុធហត្ថ ១កន្លែង រលំដើមឈើសង្កត់រថយន្ត ៣គ្រឿងដួលរលំរោងចញ្ចឹមមាន់១ និងតូបលក់ដូរ២ និងរបួស ១២នាក់ ។

លោកបានបន្តទៀតថា ចំណែករន្ទះបាញ់នៅក្នុងខែមិថុនា មានករណីគ្រោះថ្នាក់កើតមានចំនួន ១៣លើកនៅមូលដ្ឋានខេត្តចំនួន៩បណ្តាលឱ្យមនុស្សស្លាប់ចំនួន១០នាក់(ស្រី៥) របួស ០៩នាក់ និងងាប់គោក្របី១៦ក្បាល។ រីឯគ្រោះអគ្គិភ័យវិញបានកើតឡើងឡើងចំនួន ៣១លើកនៅរាជធានីខេត្តចំនួន ១១បណ្តាលឱ្យ ឆេះផ្ទះខូចខាតចំនួន ៦៩ខ្នងល្វែងឆេះតូបលក់ដូរចំនួន ៣តូប រោងចក្រកាត់ដេរ ១កន្លែង ឃ្លាំងស្តុកទំនិញ ២កន្លែងរងគ្រោះស្លាប់ ១នាក់ និងរបួស ៣នាក់៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម