លោក គីម រិទ្ធី ណែនាំអភិបាលក្រុង-ស្រុក ត្រូវជំរុញការទប់ស្កាត់ការកាប់រានទន្ទ្រានយកដីដោយខុសច្បាប់

លោក គីម រិទ្ធី អភិបាលថ្មី នៃគណៈអភិបាលខេត្តព្រះវិហារ បាន​ណែនាំដល់អភិបាលក្រុង-ស្រុកចំ​ណុះ​ឲ្យរដ្ឋបាលខេត្តព្រះវិហារ ត្រូវជំរុញការទប់ស្កាត់ការកាប់រានទន្ទ្រានយកដីដោយខុសច្បាប់ នៅក្នុងតំបន់ការពារធម្មជាតិ និងគម្របព្រៃ ឈើ ក្នុងភូមិសាស្រ្ដខេត្តព្រះវិហារ។

ក្នុងលិខិតជម្រាបជូនអភិបាលក្រុង-ស្រុក ចុះថ្ងៃទី ១៥ ខែសីហា ឆ្នាំ ២០២២ លោក គីម​ រិទ្ធី បានលើកឡើងថា ដើម្បីជំរុញក្នុងការទប់ស្កាត់ ការកាប់ទន្ទ្រានយកដីដោយខុសច្បាប់ នៅក្នុងតំបន់ការពារធម្មជាតិ និងគម្របព្រៃឈើ នៅក្នុងភូមិសាស្រ្ដខេត្តព្រះវិហារ និងការកាត់ឆ្វៀលដីផ្ដល់កម្មសិទ្ធិជូនប្រជាពលរដ្ឋ ដែលបានកាន់កាប់ និងអាស្រ័យផលជាក់ស្ដែងយូរឆ្នាំហើយ លើទីតាំងដីដែលស្ថិតក្នុងផែនទីតំបន់ការពារធម្មជាតិ និងគម្របព្រៃឈើ ប្រកបដោយតម្លាភាព ប្រសិទ្ធភាព និងឲ្យទទួលបានលទ្ធផលល្អប្រសើរ រដ្ឋបាលខេត្តព្រះវិហារ សូមធ្វើការណែនាំដល់លោកអភិបាលក្រុង-ស្រុក ដូចខាងក្រោម៖