Connect with us

ព័ត៌មានជាតិ

បណ្ឌិត សុខ ទូច រំពឹងថា អភិបាលខេត្តព្រះវិហារថ្មី នឹងជួយរក្សាព្រៃឈើនៅឧទ្យាន តេជោសែនឫស្សីត្រឹប

បានផុស

នៅ

ប្រធានរាជបណ្ឌិត្យសភាកម្ពុជា លោកបណ្ឌិត សុខ ទូច នៅថ្ងៃចន្ទម្សិលមិញនេះ បានដឹកនាំក្រុមការងារទៅល្បាតនៅឧទ្យានរាជបណ្ឌិត្យសភាកម្ពុជា តេជោសែនឫស្សីត្រឹប ក្នុងខេត្តព្រះវិហារ ហើយបានរកឃើញថា មានការកាប់បំផ្លាញដើមឈើសុក្រំចំនួន៧ទីតាំង និងដើមផ្ចឹកចំនួនមួយទីតាំង។ ចំពោះបញ្ហានេះ លោកបណ្ឌិត សុខ ទូច បានបង្ហាញការរំពឹងថា អភិបាលខេត្តព្រះវិហារថ្មី លោក គឹម រិទ្ធី នឹងជួយចាត់វិធានការ ដើម្បីធ្វើយ៉ាងណាទប់ស្កាត់ការមកតាំងទីលំនៅថ្មីដែលនាំឲ្យមានការកាប់បំផ្លាញព្រៃឈើនៅក្នុងឧទ្យាន តេជោសែនឫស្សីត្រឹបនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាក៏ដោយ ចំពោះការកាប់បំផ្លាញព្រៃឈើនេះ លោកបណ្ឌិត សុខ ទូច បានអះអាងថា ក្រោយការតាមដានយ៉ាងយកចិត្តទុកដាក់ ក្រុមការងាររបស់លោកបានកំណត់មុខសញ្ញាអ្នកដែលបានចូលកាប់ឈើនោះ គឺជាអ្នកដែលមកតាំងទីលំនៅថ្មី ក្រោយព្រះរាជ្យក្រឹត្យដាក់ឧទ្យានរាជបណ្ឌិត្យសភាកម្ពុជា ជាតំបន់អភិរក្ស ក្នុងឆ្នាំ២០១៤។

លោកបណ្ឌិត សុខ ទូច បានបញ្ជាក់ថា៖ «កន្លងមក យើងបានរៀបចំទីតាំងថ្មីសម្រាប់ប្រជាពលរដ្ឋទាំងអស់នោះ ទៅរស់នៅទីតាំងថ្មីដែលមានទំហំ 30 X 50m នៅជិតនឹងសាលារៀន វត្តអារាម និងមានអណ្តូងទឹកសម្រាប់ប្រើប្រាស់ និងបានអនុញ្ញាតដល់ពួកគាត់អាចមកអាស្រ័យផលនៅក្នុងឧទ្យានរាជបណ្ឌិត្យសភាកម្ពុជាបានជាធម្មតា ប៉ុន្តែពួកគាត់មួយចំនួនធំនៅបន្តរស់នៅក្នុងដែនឧទ្យានរាជបណ្ឌិត្យសភាកម្ពុជាដដែល ហើយពេលខ្លះ គាត់បានចូលទៅកាប់ឈើនៅពេលយប់»។

តែទោះជាយ៉ាងណាក៏ដោយ លោកប្រធានរាជបណ្ឌិត្យសភាកម្ពុជា បានថ្លែងអំណរគុណដល់អាជ្ញាធរដែលពាក់ព័ន្ធ ដែលតែងជួយសហការ និងសម្របសម្រួលការងារជាមួយក្រុមការងារលោកកន្លងមក។ ក៏ប៉ុន្តែ លោ​​កថា ហាក់នៅមិនទាន់មានប្រសិទ្ធភាពនៅឡើយ ត្បិតកន្លងមកក្រុមការងារបានប្រមូលនូវវត្ថុតាងជាច្រើ​ន ដូចជាអាវុធកែច្នៃ និងឈើដែលបានរក្សាទុក ព្រមទាំងបានរាយការណ៍ដល់ថ្នាក់ដឹកនាំស្រុកជារឿយៗ។ ដូច្នេះហើយ លោកជំនឿយ៉ាងមុតមាំថា នៅក្រោមការដឹកនាំ និងគ្រប់គ្រងរបស់គណអភិបាលខេត្តព្រះវិហារថ្មី ព្រមទាំងលោកអភិបាលស្រុកឆែប នឹងបន្តជួយគាំទ្រសហការដល់ក្រុមការងាររបស់លោក ក្នុងការពន្លឿននីតិវិធីដែលនៅសេសសល់ទាំងឡាយ សំដៅរក្សាធនធានព្រៃឈើសម្រាប់មនុស្សជំនាន់ក្រោយ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៦ ម៉ោង មុន

តើវិបត្តិនៅសមុទ្រក្រហម បង្កឱ្យមានផលប៉ះពាល់អ្វីខ្លះដល់សហភាពអ៊ឺរ៉ុប?

ព័ត៌មានជាតិ៧ ម៉ោង មុន

លោក ហេង សួរ ដឹកនាំ​កិច្ចប្រជុំ​អន្តរក្រសួង​ស្តីពី​វិធាន​ការរួម​ដើម្បី​ទប់ស្កាត់​អគ្គិភ័យ​ក្នុង​វិស័យ​កម្ម​មន្ត​សាល និង​ឧស្សាហកម្ម​ទេសចរណ៍

ចរាចរណ៍៨ ម៉ោង មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

ព័ត៌មានអន្ដរជាតិ១០ ម៉ោង មុន

ជប៉ុន កាត់ទោសប្រហារជីវិតបុរសម្នាក់ ក្នុងករណីដុតស្ទូឌីយូគំនូរជីវចល KyoAni សម្លាប់មនុស្សជាង ៣០នាក់

ព័ត៌មានអន្ដរជាតិ១១ ម៉ោង មុន

សិង្ហបុរី និងចិន ចុះហេត្ថលេខាព្រមព្រៀង ទៅលើការចូលប្រទេសគ្នាទៅវិញទៅមក ដោយមិនមានទិដ្ឋាការរយៈពេល ៣០ ថ្ងៃ

ព័ត៌មានអន្ដរជាតិ៦ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៤ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៦ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម