ព័ត៌មានជាតិ

ថ្នាក់ដឹកនាំនឹងបុគ្គលិកក្រុមហ៊ុន ធីភីម៉ូរ៉ាល់គ្រុប បានស្ម័គ្រចិត្តផ្តល់ឈាមដើម្បីសង្គ្រោះអ្នកជំងឺទូទៅ

បានផុស

៤ years មុន

នៅ

ថ្ងៃសុក្រ ៣០ កញ្ញា ២០២២

ដោយ

ភ្នំពេញ ៖ ថ្នាក់ដឹកនាំនឹងបុគ្គលិករបស់ក្រុមហ៊ុន ធីភីម៉ូរ៉ាល់គ្រុប ដែលមានទីតាំងស្ថិតក្នុងខណ្ឌដូនពេញរាជធានីភ្នំពេញបានស្ម័គ្រចិត្តបរិច្ចាគឈាម ជូនមជ្ឈមណ្ឌលជាតិផ្តល់ឈាមដើម្បីទុកសម្រាប់តម្រូវការរបស់គ្រូពេទ្យជួយសង្គ្រោះដល់អ្នកជំងឺទូទៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រភពពីលោក ជួន រ៉ូស្សាកឌីន ជាបុគ្គលិកក្រុមហ៊ុន ធីភីម៉ូរ៉ាល់គ្រុប បានឲ្យដឹងថា នៅព្រឹកថ្ងៃទី៣០ខែកញ្ញានេះថ្នាក់ដឹកនាំរួមនឹងបុគ្គលិករបស់ក្រុមហ៊ុន បានស្ម័គ្របរិច្ចាគឈាមជូនដល់មជ្ឈមណ្ឌលជាតិផ្តល់ឈាមនៃក្រសួងសុខាភិបាលប្រកបដោយទឹកចិត្តស្មោះស្ម័គ្រ ដោយគ្មានការបង្ខិតបង្ខំពីថ្នាក់លើរបស់ក្រុមហ៊ុនឡើយ។

លោក ជួន រ៉ូស្សាកឌីន បានបញ្ជាក់ទៀតថា កន្លងមកថ្នាក់ដឹកនាំក្រុមហ៊ុនលោកបានជួយឧបត្ថម្ភជាអំណោយផ្សេងៗជូនអ្នកជួបការលំបាកដោយពុំរើសអើងឲ្យតែលោកប្រធានក្រុមហ៊ុនបានដឹងគឺជួយភ្លាមៗ។ដោយឡែកថ្ងៃនេះថ្នាក់ដឹកនាំក៏ដូចជាបុគ្គលិកក្រុមហ៊ុនបានស្ម័គ្រចិត្តបរិច្ចាគឈាមដែលសរុបចំនួន១៥នាក់ហើយក្នុងនោះក៏មានស្ត្រីជនជាតិបរទេសចំនួន២នាក់ទៀតផង។

ទាក់ទិនទៅនឹងការទទួលស្វាគមន៍របស់សប្បុរសជននៃក្រុមហ៊ុនខាងលើលោកវេជ្ជបណ្ឌិត សុខ ប៉ូ ប្រធានមជ្ឈមណ្ឌលជាតិផ្តល់ឈាមបានថ្លែងអំណរគុណដល់ថ្នាក់ដឹកនាំនិងបុគ្គលិកក្រុមហ៊ុន ធីភី ម៉ូរ៉ាលគ្រុប ដែលបានស្ម័គ្រចិត្តបរិច្ចាគឈាម ខណៈពេលដែលមជ្ឈមណ្ឌលកំពុងខ្វះខាតសម្រាប់ផ្តល់ឈាមសម្រាប់ជួយសង្គ្រោះអាយុជីវិតជនរងគ្រោះនៅតាមបណ្តាមន្ទីរពេទ្យទូទាំងប្រទេស។

លោកវេជ្ជបណ្ឌិត សុខ ប៉ូ បានបញ្ជាក់ទៀតថា ចំពោះឈាមដែលទទួលបានពីសប្បុរសជនរាល់ថ្ងៃនេះគឺសម្រាប់ជួយផ្គត់ផ្គង់នៅតាមមន្ទីរពេទ្យនានាដើម្បីមានលទ្ធភាពគ្រប់គ្រាន់ក្នុងការជួយសង្គ្រោះដល់ជនរងគ្រោះឲ្យបានទាន់ពេលដោយសារជំងឺទាក់ទិននិងការហូរឈាមតាមប្រដាប់រំលាយអាហារ ការវះកាត់ជំងឺបេះដូង គ្រោះថ្នាក់ចរាចរណ៍ ការហូរឈាមមិនប្រក្រតីនៅមុននិងក្រោយពេលសម្រាលកូន ជំងឺខ្សោយតម្រងនោមនិងការព្យាបាលថែទាំជំងឺមហារីកជាដើម៕

ដោយ ៖ នរា