ព័ត៌មានជាតិ
សម្ដេចតេជោ ហ៊ុន សែន សម្ដែងការសោកស្ដាយចំពោះសោកនាដកម្មលិចទូកចម្លងមួយគ្រឿង នៅស្រុកលើកដែក
សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានសម្ដែងការសោកស្ដាយ ចំពោះសោកនាដកម្មលិចទូកចម្លងមួយគ្រឿង បណ្ដាលឲ្យកុមារា-កុមារីចំនួន ១១នាក់បានស្លាប់ លើដៃទន្លេមេគង្គពីភូមិអំពិលទឹក ទៅកាន់ភូមិកោះចំរើន ឃុំកំពង់ភ្នំ ស្រុកលើកដែក ខេត្តកណ្ដាល កាលពីព្រលប់ថ្ងៃទី ១៣ ខែតុលា ឆ្នាំ ២០២២កន្លងទៅនេះ។
នៅក្នុងពិធីប្រគល់សញ្ញាបត្រដល់និស្សិត នៃសាកលវិទ្យាល័យជាតិគ្រប់គ្រងចំនួន ៦,៤១១នាក់ នាព្រឹកថ្ងៃទី ១៧ ខែតុលានេះ សម្ដេចតេជោ ហ៊ុន សែន បានថ្លែងថា កាលពីពេលថ្មីៗនេះ មានសោកនាដកម្មមួយ បានកើតឡើងនៅស្រុកលើកដែក នៃខេត្តកណ្ដាល នោះគឺការលិចទូកចម្លងមួយគ្រឿង ដោយបានបណ្ដាលឲ្យកុមារា-កុមារី ១១នាក់ បានរងគ្រោះ។
សម្ដេចតេជោនាយករដ្ឋមន្ត្រី បានថ្លែងបន្តថា «ដូច្នេះ សូមសម្ដេច ឯកឧត្ដម លោកជំទាវ អស់លោក-លោកស្រី បងប្អូនដែលចូលរួមនៅទីនេះ អញ្ជើញក្រោកឈរឡើង រួមជាមួយខ្ញុំ ដើម្បីស្មឹងស្មាធគោរពនូវវិញ្ញាណក្ខន្ធចំពោះកុមារា-កុមារី ដែលបានបាត់បង់ជីវិត សូមគោរព»។
សម្ដេចតេជោ ហ៊ុន សែន បានថ្លែងបន្តថា នេះជាឧបទ្ទវហេតុ ដែលគួរឲ្យសោកស្ដាយនៅក្នុងឆ្នាំ ២០២២នេះ បន្ទាប់ពីមានយុទ្ធជន ២រូប សុខចិត្តពលីកម្មខ្លួនឯង ដើម្បីជួយសង្រ្គោះជីវិតកុមារ ២រូប។ សម្ដេចតេជោ ហ៊ុន សែន បានថ្លែងទៀតថា «រឿងនេះ តម្រូវឲ្យយើងយកចិត្តទុកដាក់បន្ថែមទៀត ទៅលើសុវត្ថិភាពរបស់ពលរដ្ឋ»៕
អត្ថបទ៖ ឃួន សុភ័ក្រ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង