ព័ត៌មានជាតិ
អាជ្ញាធរមីន និងក្រុមហ៊ុនមេធាវី ចុះអនុស្សរណៈ ប្រតិបត្តិការផ្នែកច្បាប់ សម្រាប់សកម្មភាពមីន
ថ្ងៃទី២២ ខែកុម្ភៈ ឆ្នាំ២០២៣ នៅទីស្នាក់ការអាជ្ញាធរមីន ទេសរដ្ឋមន្រ្តី លី ធុជ អនុប្រធានទី១ អាជ្ញាធរមីន បានអញ្ជើញជាអធិបតីក្នុង ពិធីចុះហត្ថលេខាលើអនុស្សរណៈ នៃការយោគយល់គ្នារវាងអាជ្ញាធរមីន និងក្រុមហ៊ុនមេធាវី លឹម អាន & សាអ៊ឹម ស្តីពីភាពដៃគូ និងកិច្ចសហប្រតិបត្តិការផ្នែកច្បាប់រវាងវិស័យឯកជន សម្រាប់ការងារសកម្មភាពមីននៅកម្ពុជា។
លោក អាន សុវឌ្ឍនា តំណាងក្រុមហ៊ុនក្រុមហ៊ុនមេធាវី លឹម អាន & សាអ៊ឹម បានវាយតម្លៃខ្ពស់ចំពោះកិច្ចខិតខំប្រឹងប្រែងរបស់អាជ្ញាធរមីន ក្នុងការងារគ្រប់គ្រង និងសម្របសម្រួលសកម្មភាពមីននៅកម្ពុជា ព្រមទាំងទទួលបាននូវសមិទ្ធផលយ៉ាងច្រើក្នុងកាងារបោសសម្អាតមីនកន្លងមក ជាពិសេសបានប្រកាសភូមិ ឃុំ ស្រុក និងខេត្តអស់មីន ជាបន្តបន្ទាប់។
ក្រុមហ៊ុនមេធាវី លឹម អាន & សាអ៊ឹម នឹងចូលរួមផ្តល់ការពីគ្រោះយោបល់ផ្នែកច្បាប់ និងចូលរួមផ្សព្វផ្សាយអំពីសមិទ្ធផលសំខាន់ៗរបស់អាជ្ញាធរមីន ទៅគ្រប់វិស័យឯកជន និងក្រុមមេធាវីនៅកម្ពុជា ព្រមទាំងល់ការបណ្តុះបណ្តាលផ្នែកច្បាប់លើប្រធានបទខ្លីៗ ជូនដល់មន្រ្តីបុគ្គលិករបស់អាជ្ញាធរមីន។
លោកទេសរដ្ឋមន្រ្តី លី ធុជ បានថ្លែងអំណរគុណ ក្រុមហ៊ុនមេធាវី លឹម អាន & សាអ៊ឹម ចំពោះការចូលរួមប្រកបដោយទឹកចិត្តសប្បុរស និងលើកកម្ពស់សកម្មភាពមីននៅកម្ពុជា ដែលជាការងារបោសសម្អាតមីន គឹជាការងារមួយមានហានិភ័យខ្ពស់ និងប្រឈមនឹងគ្រោះថ្នាក់គ្រប់ពេលវេលា។ ការចងមេត្រីភាពរវាងអជ្ញាធរមីន និងក្រុមហ៊ុនមេធាវី លឹម អាន & សាអ៊ឹម នេះ ពិតជាមានសារៈសំខាន់ណាស់ និងត្រូវការធាតុចូលបន្ថែមផ្នែកច្បាប់សម្រាប់សកម្មភាពមីននៅកម្ពុជា ក្នុងករណីចាំបាច់ណាមួយ។
លោកទេសរដ្ឋមន្រ្តី បន្តទៀតថា ការចូលរួមដោយទឹកចិត្ត អត់មានតួលេខកំណត់ទេ គឺជាការចែករំលែកសេចក្តីស្រឡាញ់ជូនអ្នកដទៃ ដែលកំពុងរស់នៅក្នុងតំបន់រងផលប៉ះពាល់ដែលសារគ្រាប់មីន និងសំណល់ជាតិផ្ទុះពីសង្រ្គាម ហើយអ្វីដែលយើងកំពុងធ្វើ គឺសុទ្ធតែដើម្បីប្រយោជន៍ជាតិមាតុភូមិរបស់យើង ផងដែរ។ ក្រោមម្លប់សន្តិភាព ប្រជាពលរដ្ឋកម្ពុជា ទទួលបានអនាគតល្អ និងមានការរីកចំរើនទៅមុខជានិច្ច ហើយឱកាសរបស់យើងទាំងអស់គ្នា គ្មានដែនកំណត់ឡើយ៕
អត្ថបទ៖ ឡាង កុសល
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ