Connect with us

ព័ត៌មានជាតិ

ពលករ​ខ្មែរ​ម្នាក់​បាន​ស្លាប់ ​ពេល​ត្រ​ឡប់​មកពីប្រទេសថៃ​

បានផុស

នៅ

​ពលករ​ខ្មែរ​ម្នាក់​​វិល​ត្រ​ឡប់​ពី​ប្រទេស​ថៃ​តាម​ព្រំដែន​ស្រុក​ម៉ា​ឡៃបាន​ស្លាប់​នៅមុនពេល​ចូល​មណ្ឌល​ច​ត្តា​ឡី​ស័ក ដោ​យដួល​ប៉ះ​ទង្គិ​ច​នឹង​ថ្ម​ បណ្តា​ល​ឲ្យ​បែក​ក្បា​លហើ​យ​បាន​ស្លាប់ពេលបញ្ជូន​ទៅ​សង្គ្រោះ​បន្ត។ ​នេះ​បើ​តាម​ការ​អះ​អាងពី​លោក ​អ៊ុំ​ រាត្រី​ អភិបាលខេត្ត​បន្ទាយមានជ័យនិង​មន្ត្រី​ជំនាញ​ នៅ​យប់ ថ្ងៃ​ទី​១៨ ខែមករា ឆ្នាំ២០២១។​

លោក​ អ៊ុំ​ រាត្រី ​បាន​ឲ្យ​ដឹង​បន្តទៀតថា ​ពលករ​ដែល​ស្លាប់​នោះ​ពុំទាន់​ស្គាល់ឈ្មោះទេ ភេទ​ប្រុស អាយុ​៣៨​ឆ្នាំ មាន​ទីលំនៅ​ភូមិ ដុង​អារញ្ញ សង្កាត់​និមិត្ត ក្រុង​ប៉ោយប៉ែត ​ខេត្តបន្ទាយមានជ័យ ។​លោក​បា​នបញ្ជាក់​ឲ្យ​ដឹង​បន្តទៀតថា ​នៅ​ពេល​យប់នោះ​មាន​ពលករ​ខ្មែរ​១​ក្រុម​បា​ន​ធ្វើ​ដំណើរ​ចេញ​ប្រ​ទេស​ថៃ មក​កម្ពុជា​តាម​ច្រក​ចំបក់ ​ឃុំ​បឹងបេង ស្រុក​ម៉ាឡៃ​កាលពី​វេលាម៉ោង១១​និង​២០​នាទី​យប់ ថ្ងៃ​ទី​១៧​ខែ​មករា​ ឆ្នាំ​២០២១ ក្រោយពី​ក្រុមការងារ​បាន​សួរនាំ ​ពលករ​បាន​ឲ្យ​ដឹង​ថា​ក្រុម​គាត់​បាន​វិល​មកពី​ប្រទេស​ថៃ​ តាម​ច្រក របៀង​ព្រំដែន​ចំបក់ ​ឃុំ​បឹងបេង ស្រុក​ម៉ាឡៃ ហើយក្រុមការងារ​ឲ្យ​យក​ឥ​វ៉ាន់​ឡើង​ឡាន​កងទ័ព​ឆ្ពោះទៅ​កន្លែង​មណ្ឌល​ច​ត្តា​ឡី​ស័ក ​ពេល​ឡាន​កំពុង​ត្រៀម​ចេញ​ដំណើរ​​ជនរង​គ្រោះ​បាន​ដើរ​ទៅ​បត់ជើងតូច ​ហើយ​បាន​ជំពប់​ជើង​ដួល​បោក​ក្បាល​នឹង​ថ្ម​បណ្ដាលឲ្យ​បែកក្បាល​។​ភ្លាមៗ​នោះ​ពលករ​ម្នាក់ទៀត បានទៅ​ជួយ​គ្រា​ឲ្យ​អង្គុយ​និង​សួរនាំ​ទើប​ដឹង​ថា ជនរង​គ្រោះ​ដួល​ព្រោះ​គាត់​អស់កម្លាំង​ខ្លាំងពេក ​ហើយ​ហូប​ស្រា​បៀរ​លី​អូ​អស់​២​ដប​រួចមកហើយ ។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក​បា​នបញ្ជាក់​ឲ្យ​ដឹង​ទៀតថា​ ស្របពេលនោះ​កម្លាំង​នគរបាល​ការពារ​ព្រំដែន​នៅ​ប៉ុស្តិ៍​ចំបក់​បាន​ជួយ​ចងក្រមា​ទប់​ឈាម​និង​ហៅ​ឡានពេទ្យ​ដឹក​ទៅ​មន្ទីរពេទ្យបង្អែក​ស្រុក​ម៉ាឡៃ ដើម្បី​ធ្វើការ​ព្យាបាល មុខរបួសដោយដេចំនួន​៥​ថ្នេរ ហើយ​បន្ត​តាមដាន​សុខភាព។ លុះដល់​ម៉ោង​៥​ទៀបភ្លឺ ​ជនរង​គ្រោះ​មាន​អក្ការៈឈឺ​ក្បាល វិលមុខ ក្អូ​ត រួច​សន្លប់​បាត់ស្មារតី​តែម្តង ក្រុមគ្រូពេទ្យ បានសម្រេច​ដឹកបញ្ជូន​អ្នក​ជំងឺ​ទៅ​មន្ទីរ​ពេទ្យ​បង្អែក​ក្រុង​ប៉ោយប៉ែត ​តែ​អ្នក​ជនរងគ្រោះបាន​ស្លាប់​បាត់​ទៅហើយ​មុន​ទៅដល់​មន្ទីរពេទ្យ ។

​លោក​ អ៊ុំ​ រាត្រី ​បា​នបញ្ជាក់​ឲ្យ​ដឹងថា ពលករ​ខ្មែរ​ខាងលើ​ស្លាប់​នេះ ​គឺ​មិន​ទាន់បាន​ចូ​លទៅ​មណ្ឌល​ចត្តា​ឡី​ស័ក​ណាមួយ​នោះ​ទេ ​គឺ​ស្លាប់​ដោយសារ​ឧបទ្ទវហេតុ​ដួល​បោក​ក្បាល​នឹង​ថ្ម​មិនមែន​ស្លាប់​ដោយ​ការប៉ះទង្គិច វាយដំ​ហឹ​ង្សា ​រឺ​ដោយសារ​ជំងឺកូ​វីត១៩​នោះដែរ ៕

អត្ថបទ ៖ វ៉ាន់ ណា​ង​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៤ នាទី មុន

ជប៉ុន ផ្តល់ថវិកាជិត៤ម៉ឺនដុល្លារ សម្រាប់កែលម្អឧបករណ៍​តន្ត្រីបុរាណនៅសាលាមធ្យមវិចិត្រសិល្បៈ

ជីវិតកម្សាន្ដ២៦ នាទី មុន

យីហោល្បីៗសម្រុកផ្ដាច់កុងត្រាពាណិជ្ជកម្មគ្មានសល់ ​ក្រោយ Han So Hee ចម្រូងចម្រាសស្នេហាត្រីកោណ

ព័ត៌មានជាតិ៤៤ នាទី មុន

ឯកឧត្ដម ហ៊ុន ម៉ានី អញ្ជើញបើកវគ្គបណ្ដុះបណ្ដាលស្ដីពី «ភាពជាអ្នកដឹកនាំ និងនវានុវត្តន៍ ជំនាន់ទី ៦»

ព័ត៌មានអន្ដរជាតិ៤៩ នាទី មុន

ថៃ មិនទាន់មានលុយគ្រប់ ៤៧០ លានដុល្លារទិញនាវាមុជទឹក

ព័ត៌មានជាតិ២ ម៉ោង មុន

រដ្ឋមន្ត្រីក្រសួងសាធារណការ​ចេញយន្តការ ៥ ចំណុច ទប់ស្កាត់សកម្មភាពអនាធិបតេយ្យតាម​ដងផ្លូវ

Sokha Hotels

ព័ត៌មានពេញនិយម