ព័ត៌មានជាតិ

ក្រសួងសង្គមកិច្ច សូមគាំទ្រចំពោះ អង្គការស្បៀងអាហារពិភពលោក ដែលជួយសិស្សក្រីក្រតាមជនបទ

បានផុស

៥ years មុន

នៅ

ថ្ងៃពុធ ៣ កុម្ភៈ ២០២១

ដោយ

លោក ឈួរ សុបញ្ញា ប្រធាននាយកដ្ឋានសុខុមាលភាពសង្គម បានថ្លែងនូវការគាំទ្រនិងអរគុណចំពោះសកម្មភាពមនុស្សធម៌របស់អង្គការ ស្បៀងអាហារពិភពលោក ដែលបានចូលរួមជាមួយរាជរដ្ឋាភិបាលកម្ពុជាជួយដល់សិស្សក្រីក្រ នៅតាមទីជនបទនិងជួយពលរដ្ឋ ដែលជួបបញ្ហាគ្រោះមហន្តរាយផ្សេងៗទៀតកន្លងមកជាហូរហែក៏ដូចថ្មីៗនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកប្រធាននាយកដ្ឋានថ្លែងបែបនេះនៅរសៀលថ្ងៃពុធទី៣ ខែកុម្ភៈ ឆ្នាំ២០២១ លេខាធិការដ្ឋានជំនួយសង្គម នៃអនុគណៈកម្មាធិការជំនួយសង្គម ក្នុងពេលជួបពិភាក្សាជាមួយអង្គការ ស្បៀងអាហារពិភពលោក លើការអនុវត្តកម្មវិធីឆ្លើយតបគ្រោះមហន្តរាយ ដែលពិធីនេះធ្វើឡើងនៅនាយកដ្ឋានសុខុមាលភាពសង្គមតែម្ដង។

លោក ឈួរ សុបញ្ញា ប្រធាននាយកដ្ឋានសុខុមាលភាពសង្គម បានថ្លែងថា អង្គការកម្មវិធីស្បៀងអាហារពិភពលោកតែងតែបានសហការជាមួយរាជរដ្ឋាភិបាលកម្ពុជា ចុះជួយដល់ប្រជាជនកម្ពុជា ខណៈពេលជួបគ្រោះមហន្តរាយផ្សេងៗពិសេសជួយដល់សិស្សក្រីក្រនិងពលរដ្ឋក្រីក្រតាមទីជនបទតែម្ដង។

ជាក់ស្ដែងថ្មីៗនេះឯកអគ្គរាជទូតជប៉ុនប្រចាំកម្ពុជាចុះទស្សនកិច្ចគម្រោងរបស់អង្គការកម្មវិធីស្បៀងអាហារពិភពលោកប្រចាំកម្ពុជា កាលពីចុងខែមករាឆ្នាំ២០២១កន្លងមកនេះ លោក មិកាមិ ម៉ាសាហ៊ីរ៉ូ ឯកអគ្គរាជទូតជប៉ុនបានធ្វើទស្សនកិច្ចនៅទីតាំងគម្រោងរបស់អង្គការកម្មវិធីស្បៀងអាហារពិភពលោកប្រចាំកម្ពុជានៅក្នុងខេត្តកំពង់ធំ។

នៅពេលព្រឹកលោក ក៏បានអញ្ជើញចុះទៅសាលាបឋមសិក្សាជីមាក់ ដើម្បីទស្សនាកម្មវិធីអាហារសាលា។ នៅក្នុងកម្មវិធីនេះ រដ្ឋាភិបាលជប៉ុនបានផ្តល់ជាត្រីកំប៉ុង ហើយអង្គការកម្មវិធីស្បៀងអាហារពិភពលោកបានយកមកធ្វើជាស៊ុបត្រី។ ឯកអគ្គរាជទូតជប៉ុនប្រចាំកម្ពុជា បានសម្ដែងនូវការរីករាយនិងមានអារម្មណ៍រំភើប នៅពេលឃើញស្នាមញញឹមរបស់ក្មេងៗជាច្រើននៅពេលពួកគេទទួលទានអាហារ។ ពេលរសៀលថ្ងៃដដែលនោះ ឯកអគ្គរាជទូតបានទៅទស្សនាការដ្ឋានសាងសង់អគារទីទួលសុវត្ថិភាព ក្នុងវត្តខ្សាច់ជីរស់ ដែលជាជំនួយឥតសំណងរបស់រដ្ឋាភិបាលជប៉ុន។

អគារទីទួលសុវត្ថិភាពនេះ នឹងក្លាយជាកន្លែងមានសុវត្ថិភាពសម្រាប់ប្រជាជនរងគ្រោះដោយគ្រោះមហន្តរាយដូចជាទឹកជំនន់និងគ្រោះរាំងស្ងួត។ លោកសង្ឃឹមថា គម្រោងទាំងនេះនឹងចូលរួមកាត់បន្ថយភាពក្រីក្រ ព្រមទាំងជួយសង្គ្រោះ និងផ្លាស់ប្តូរជីវិតប្រជាជននៅក្នុងប្រទេសកម្ពុជា៕

អត្ថបទ៖ វិមាន

ព័ត៌មានអន្ដរជាតិ២ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា