Connect with us

ព័ត៌មានជាតិ

រដ្ឋមន្ត្រីការពារជាតិ៖ សម្ព័ន្ធមេត្រីភាពយោធា នឹងជួយរួមចំណែកដល់ជីវភាពកងទ័ព

បានផុស

នៅ

ប្រមុខការពារជាតិ លោកនាយឧត្តមសេនីយ៍ ទៀ សីហា បានជំរុញឱ្យយកចិត្តទុកដាក់ថែមទៀតលើកិច្ចការចងសម្ព័ន្ធមេត្រីភាពរវាងអង្គភាពយោធាជាមួយអង្គភាពស៊ីវិល សំដៅធានាដល់ចីរភាពនៃការអភិវឌ្ឍវិស័យការពារជាតិ ក៏ដូចជាការរួមចំណែកលើកកម្ពស់ជីវភាពរបស់គ្រួសារកងទ័ព ជាពិសេសយោធិនដែលត្រៀមចូលនិវត្តន៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងពិធីបិទសិក្ខាសាលាដកពិសោធន៍លើការងារសម្ព័ន្ធមេត្រីភាពរវាងអង្គភាពនៃកងយោធពលខេមរភូមិន្ទជាមួយស្ថាប័ន-អង្គភាពស៊ីវិល នារសៀលថ្ងៃទី៦ ខែវិច្ឆិកា ឆ្នាំ២០២៣ លោកនាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានជំរុញឱ្យយកចិត្តទុកដាក់ដល់ការងារសម្ព័ន្ធមេត្រីភាព ដោយផ្តោតលើការអនុវត្តកម្មវិធី គម្រោង និងសកម្មភាពទាំងឡាយ សំដៅឆ្លើយតបនឹងតម្រូវការជាក់ស្ដែងក្នុងរយៈពេលវែង។ បើតាមការថ្លែងរបស់លោករដ្ឋមន្ត្រី ការយកចិត្តទុកដាក់លើការងារសម្ព័ន្ធមេត្រីភាពនេះ នឹងធ្វើឱ្យមានវឌ្ឍនភាពក្នុងទស្សនវិស័យបម្រើដល់សមត្ថភាពវិជ្ជាជីវៈ សហគមន៍គ្រួសារកងទ័ព ជាពិសេសយោធិនត្រៀមចូលនិវត្តន៍ ដើម្បីលើកកម្ពស់ជីវភាពរស់នៅឱ្យកាន់តែប្រសើរឡើង ដែលនឹងអាចជួយរួមចំណែកផ្គត់ផ្គង់ជីវភាពគ្រួសារ ចូលរួមបង្កើនផលិតភាពក្នុងសង្គម ក៏ដូចជាការចូលរួមអភិវឌ្ឍន៍សេដ្ឋកិច្ចជាតិផង។

នាយឧត្តមសេនីយ៍ ទៀ សីហា បានចាត់ទុកការងារចងសម្ព័ន្ធមេត្រីភាពយោធា ពិតជាមានសារៈសំខាន់ដែលឆ្លើយតបទៅនឹងវិធានការយុទ្ធសាស្ត្រនានារបស់រាជរដ្ឋាភិបាល នីតិកាលទី៧ ដែលបានដាក់ចេញក្នុងស្ថានភាពនៃតម្រូវការជាក់ស្តែងរបស់ប្រទេសជាតិ ដោយឈរលើស្មារតីទទួលខុសត្រូវចំពោះឧត្តមប្រយោជន៍ និងសាមគ្គីជាតិខ្ពស់។

លោកនាយឧត្តមសេនីយ៍ បានលើកឡើងថា សម្រាប់សិក្ខាសាលាដកពិសោធន៍លើការងារសម្ព័ន្ធមេត្រីភាពរវាងអង្គភាពយោធាជាមួយស្ថាប័ន-អង្គភាពស៊ីវិល នាពេលនេះ ដែលបានរៀបចំឡើងក្រោមប្រធានបទ «សម្ព័ន្ធមេត្រីភាពរួមចំណែកការពារជាតិ ដើម្បីសន្តិភាព និងអភិវឌ្ឍន៍» ក៏ពិតជានឹងត្រូវយកទៅអនុវត្តជាគំរូនៅទូទាំងប្រទេសឱ្យចំគោលដៅ ដោយលោក សង្ឃឹមថា លទ្ធផលជាផ្លែផ្កានៃអង្គសិក្ខាសាលានេះ នឹងឆ្លើយតបប្រកបដោយភាពស័ក្ដិសិទ្ធិ ដើម្បីធានាដល់ចីរភាពនៃការអភិវឌ្ឍលើវិស័យការពារជាតិ។

ស្ថិតក្នុងឱកាសនោះ លោកនាយឧត្តមសេនីយ៍ ទៀ សីហា ក៏បានថ្លែងអំណរគុណចំពោះដៃគូសម្ព័ន្ធមេត្រីភាព ដែលជានិច្ចកាលនៅតែបន្តយកចិត្តទុកដាក់ចូលរួមសហការជួយឧបត្ថម្ភដល់កងយោធពលខេមរភូមិន្ទ ដែលនេះបង្ហាញឱ្យឃើញពីស្មារតីសាមគ្គីជាតិរឹងមាំ ស្របតាមពាក្យស្លោក «ស្រឡាញ់គ្នាក្នុងគ្រាក្រ ស្គាល់មិត្តល្អក្នុងគ្រាលំបាក»៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៤ ម៉ោង មុន

តើវិបត្តិនៅសមុទ្រក្រហម បង្កឱ្យមានផលប៉ះពាល់អ្វីខ្លះដល់សហភាពអ៊ឺរ៉ុប?

ព័ត៌មានជាតិ៦ ម៉ោង មុន

លោក ហេង សួរ ដឹកនាំ​កិច្ចប្រជុំ​អន្តរក្រសួង​ស្តីពី​វិធាន​ការរួម​ដើម្បី​ទប់ស្កាត់​អគ្គិភ័យ​ក្នុង​វិស័យ​កម្ម​មន្ត​សាល និង​ឧស្សាហកម្ម​ទេសចរណ៍

ចរាចរណ៍៦ ម៉ោង មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

ព័ត៌មានអន្ដរជាតិ៩ ម៉ោង មុន

ជប៉ុន កាត់ទោសប្រហារជីវិតបុរសម្នាក់ ក្នុងករណីដុតស្ទូឌីយូគំនូរជីវចល KyoAni សម្លាប់មនុស្សជាង ៣០នាក់

ព័ត៌មានអន្ដរជាតិ៩ ម៉ោង មុន

សិង្ហបុរី និងចិន ចុះហេត្ថលេខាព្រមព្រៀង ទៅលើការចូលប្រទេសគ្នាទៅវិញទៅមក ដោយមិនមានទិដ្ឋាការរយៈពេល ៣០ ថ្ងៃ

ព័ត៌មានអន្ដរជាតិ៦ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៤ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៦ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម