ព័ត៌មានជាតិ

ខេត្តបាត់ដំបងទទួលបានវ៉ាក់សាំងកូវីដ១៩ជិត១ម៉ឺនដូស សម្រាប់ចាប់ដល់មន្ត្រីពេទ្យនិងមន្ត្រីនគរបាល

បានផុស

៥ years មុន

នៅ

ថ្ងៃព្រហស្បតិ៍ ២៥ កុម្ភៈ ២០២១

ដោយ

លោកឱសថបណ្ឌិត វឿង ប៊ុនរេត ប្រធានមន្ទីរសុខាភិបាលខេត្តបាត់ដំបងបានឲ្យដឹងថា មន្ទីរសុខាភិបាលខេត្ត បានទទួលវ៉ាក់សាំងកូវីដ១៩ ពីក្រសួងសុខាភិបាលចំនួន៩៦០០ដូស សម្រាប់ចាក់ជួនដល់ក្រុមគោលដៅអាទិភាពមុនគេរួមមានមន្ត្រីសុខាភិបាល បុគ្គលិកពេទ្យ និស្សិតសាលាមធ្យមសិក្សាសុខាភិបាលភូមិភាគបាត់ដំបង និង មន្ត្រីនគរបាលនៃស្នងការដ្ឋាននគរបាលខេត្ត។

ថ្លែងប្រាប់នៅថ្ងៃទី២៥កុម្ភៈ ដែលជាថ្ងៃចាប់ផ្តើមចាក់វ៉ាក់សាំងជាលើកដំបូងនោះ លោកឱសថបណ្ឌិត វឿង ប៊ុនរេត បានបន្តថា ការចាក់វ៉ាក់សាំងនេះធ្វើឡើងនៅតាមទីតាំងចំនួន៥កន្លែងរួមមានមន្ទីរពេទ្យខេត្តបាត់ដំបង, មន្ទីរពេទ្យបង្អែកមោងឫស្សី, មន្ទីរពេទ្យបង្អែកសង្កែរ, មន្ទីរពេទ្យបង្អែកសំពៅលូន និងមន្ទីរពេទ្យបង្អែកថ្មគោល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកសូមអំពាវនាវដល់មន្ត្រីសុខាភិបាល មន្ត្រីនគរបាលនិងនិស្សិតសាលាភូមិភាគខេត្តបាត់ដំបងសូមអញ្ជើញមកចាក់វ៉ាក់សាំងឲ្យបានគ្រប់ៗគ្នាដើម្បីបង្ការទប់ស្កាត់ជំងឺកូវីដ១៩។

បើតាមក្រសួងសុខាភិបាលក្រៅពីខេត្តបាត់ដំបង ក្រសួងបានអនុញ្ញាតឲ្យរាជធានីខេត្តចំនួន៩ទៀតចាក់វ៉ាក់សាំងស៊ីណូហ្វាមរបស់ចិនផងដែររួមមានទី១.រាជធានីភ្នំពេញ ទី២.ខេត្តបន្ទាយមានជ័យ។ទី៣.ខេត្តឧត្តរមានជ័យ។ ទី៤.ខេត្តប៉ៃលិន។ ទី៥.ខេត្តកោះកុង ទី៦.ខេត្តព្រះសីហនុទី៧.ខេត្តស្វាយរៀង ទី៨.ខេត្តពោធិ៍សាត់និងទី៩.ខេត្តកែប៕

ដោយ ៖ សំអឿន