ក្លិបអ្នកកាសែត រៀបចំវេទិកាពិភាក្សាជាមួយក្រសួងអភិវឌ្ឍន៍ជនបទ

នៅព្រឹកថ្ងៃទី៤ ខែមិថុនា ឆ្នាំ២០២៤នេះ ក្លិបអ្នកកាសែតកម្ពុជា សហការជាមួយក្រសួងអភិវឌ្ឍន៍ជនបទ បានរៀបចំវេទិកាពិភាក្សា ក្រោមប្រធានបទ អ្វីទៅជាកិច្ចការអភិវឌ្ឍន៍ជនបទនៅកម្ពុជា។

វេទិកាពិភាក្សានេះ គឺដើម្បីផ្តល់ឱកាសដល់ អ្នកសារព័ត៌មាន បានស្វែងយល់បន្ថែមទៀតលើការងារជាអទិភាព រួមទាំងសមិទ្ធផលសំខាន់ៗរបស់ក្រសួងអភិវឌ្ឍន៍ជនបទ សម្រេចបានក្នុងរយៈពេលជិត ៩ខែ នៃរាជរដ្ឋាភិបាលអាណត្តិថ្មី។

លោក ឆាយ ឬទ្ធិសែន រដ្ឋមន្ត្រីក្រសួងអភិវឌ្ឍន៍ជនបទបានអញ្ជើញជាវាគ្មិនក្នុងវេទិកាដ៏មានសារសំខាន់នេះ។ តាមរយៈវេទិកានេះ អ្នកសារព័ត៌ ក៏ត្រូវបានបើកឱកាសឱ្យជាលើកជាសំណួរផ្សេងៗទាក់ទងនឹងតួនាទីភារកិច្ច ភាពប្រឈម និងចក្ខុវិស័យរបស់ក្រសួងអភិវឌ្ឍន៍ ជនបទ ដើម្បីធានាការលើកកម្ពស់ជីវភាពរបស់ប្រជាជននៅជនបទ។

ក្លិបអ្នកកាសែតកម្ពុជា ចាត់ទុកវេទិកានេះមានសារសំខាន់ណាស់សម្រាប់អ្នកសារព័ត៌មានក្នុងការទទួលនូវព័ត៌មានច្បាស់លាស់ និងជឿទុកចិត្តសម្រាប់ផ្សព្វផ្សាយដល់សាធារណជនបានដឹងពីបេសកកម្ម និងទិសដៅការងារជាអទិភាពរបស់ក្រសួងអភិវឌ្ឍន៍ជនបទ៕

ដោយ៖ ធឿន វ៉ាន់សុង