ព័ត៌មានជាតិ
អ្នកនាំពាក្យ ៖ ជិត ២០ ថ្ងៃនេះ ជំនន់ទឹកភ្លៀងប៉ះពាល់ពលរដ្ឋជាង ១ ម៉ឺនគ្រួសារ និងស្រូវជាង ៩ ពាន់ហិតា
លោក សុទ្ធ គឹមកុលមុនី អ្នកនាំពាក្យគណៈកម្មាធិការជាតិគ្រប់គ្រងគ្រោះមហន្តរាយ បានមានប្រសាសន៍នៅព្រឹកថ្ងៃទី ២៤ កញ្ញា នេះថា គិតចាប់ពីថ្ងៃទី ៥-២៣ ខែកញ្ញា ឆ្នាំ ២០២៤ ជំនន់ទឹកភ្លៀងបានប៉ះពាល់ដល់ខេត្តចំនួន ៩ រួមមាន ខេត្តក្រចេះ, ស្ទឹងត្រែង, ព្រះសីហនុ, មណ្ឌលគិរី, សៀមរាប, ត្បូងឃ្មុំ, រតនគិរី, កំពង់ចាម, កំពង់ធំស្មើ ២៦ ក្រុង ស្រុក និង ១០៣ ឃុំ សង្កាត់ ដោយប៉ះពាល់ប្រជាពលរដ្ឋ ១៣,៩៤៤ គ្រួសារ ផ្ទះ ៤,៣៤០ ខ្នង ជម្លៀសពលរដ្ឋទៅរកទីទួលសុវត្ថិភាព ៣៣៣ គ្រួសារ ស្រូវ ៩ ៣៥៥ ហិតា ក្នុងនោះស្រូវខូចខាត ៣៦៧ ហិតា។
លោកបានបន្តថា ក្នុងចំណោមខេត្តដែលរងផលប៉ះពាល់ដោយជំនន់ទឹកភ្លៀង ក្នុងនោះខេត្តក្រចេះ ប៉ះពាល់ច្រើនជាងគេរួមមាន ប្រជាពលរដ្ឋប៉ះពាល់ ១០,៥០៨ គ្រួសារ, ប៉ះពាល់ផ្ទះ ៣,០៥១ ខ្នង, ជម្លៀសប្រជាពលរដ្ឋ ៩៦ គ្រួសារ និង ប៉ះពាល់ស្រូវ ៧៣៦៧ ហិតា ក្នុងនោះ ១៤៧ ហិតា រងការខូចខាត។
យ៉ាងណាក៏ដោយ លោកបានបន្តទៀតថា ស្ថានភាពជំនន់ទឹកភ្លៀងមិនមានអ្វីធ្ងន់ធ្ងរទេ ដោយនៅតាមតំបន់ខាងលើរួមមាន ស្ទឹងត្រែង និងក្រចេះ ត្បូងឃ្មុំ និងកំពង់ចាម ទឹកបានចាប់ផ្តើមស្រកចុះជាបណ្តើរៗ ហើយ បន្ទាប់ទឹកបានហូរចូលទៅតំបន់វាលទំនាប ធ្វើឱ្យលិចតំបន់មួយចំនួននៅផ្នែកខាងលើដោយសារឥទ្ធិពលទឹកមកពីប្រទេសជិតខាងកម្ពុជា ធ្វើឱ្យទឹកទន្លេមេគង្គហក់ឡើងប៉ុន្មានថ្ងៃមុន។
ចំណែកកម្ពស់ទឹកទន្លេមេគង្គ បានឡើងសន្សឹមៗ ជាង ១ តឹក ក្នុង ១ ថ្ងៃ ដែលជារបបទឹកទន្លេមេគង្គ ដោយសារមានភ្លៀងធ្លាក់។ រីឯភ្លៀងធ្លាក់ ក៏មិនបង្កឱ្យមានទឹកជំនន់ធ្ងន់ធ្ងរដែរ។
លោកបានបន្ថែមថា ការងារនេះ គណៈកម្មាធិការជាតិគ្រប់គ្រងគ្រោះមហន្តរាយបាននិងកំពុងតាមដាន និងយកចិត្តទុកដាក់ និងចាត់វិធានការជាបន្តបន្ទាប់ ដោយបានចុះផ្សព្វផ្សាយអប់រំបន្ថែមដល់ប្រជាពលរដ្ឋឱ្យបង្កើនការប្រុងប្រយ័ត្ន និងបានត្រៀមកម្លាំងអន្តរាគមន៍ មធ្យោបាយ ឧបករណ៍នានា ដើម្បីឆ្លើយតបរួចរាល់ហើយក្នុងការជួយសង្គ្រោះដល់ប្រជាពលរដ្ឋពេលមានស្ថានភាពទឹកជំនន់ធ្ងន់ធ្ងរណាមួយ ក្រៅពីការជួយពីអាជ្ញាធរមូលដ្ឋានហើយ ក្រសួងស្ថាប័នពាក់ព័ន្ធ ក៏បានចេញសេចក្ដីជូនដំណឹងពីវិធីបង្ការការពារនៅពេលមានទឹកជន់ដែលបានជួយកាត់បន្ថយផលប៉ះពាល់ នៃគ្រោះទឹកជំនន់ដល់ប្រជាពលរដ្ឋបានច្រើន។
ក្រសួងធនធានទឹក និងឧតុនិយម បានឱ្យដឹងថា កម្ពស់ទឹក ម៉ោង ៧ ព្រឹក ថ្ងៃទី ២៤ ខែកញ្ញា ឆ្នាំ ២០២៤ នៅតាមបណ្ដាស្ថានីយជលសាស្ត្រស្ថានភាពទឹកទន្លេ ៖ ស្ថានីយជលសាស្ត្រទន្លេមេគង្គ ទន្លេសាប និងទន្លេបាសាក់ ទឹកបាននិងកំពុងឡើងជាបន្តបន្ទាប់។ ទឹកទន្លេមេគង្គក្នុងខេត្តស្ទឹងត្រែង ក្រចេះ កំពង់ចាម និងទន្លេបាសាក់-កោះខែល អាចនឹងឡើងដល់កម្ពស់ប្រុងប្រយ័ត្ន អាស្រ័យហេតុនេះ សូមក្រសួង-ស្ថាប័ន អាជ្ញាធរដែនដីពាក់ព័ន្ធ និងប្រជាពលរដ្ឋដែលរស់នៅតាមដងទន្លេមេគង្គ និងទន្លេបាសាក់ ជ្រាបជាព័ត៌មាន និងបង្កើនការយកចិត្តទុកដាក់ប្រុងប្រយ័ត្នខ្ពស់ ដើម្បីជៀសវាងគ្រោះថ្នាក់ផ្សេងៗ អាចកើតមានឡើងជាយថាហេតុ។
ចំណែកស្ថានភាពធាតុអាកាសនៅព្រះរាជាណាចក្រកម្ពុជាសម្រាប់ថ្ងៃទី ២៤ ខែកញ្ញា ឆ្នាំ ២០២៤ ខ្យល់មូសុងនិរតី ដែលបក់លើសមុទ្រអានដាមម៉ែន ឈូងសមុទ្រថៃ សមុទ្រចិនខាងត្បូង នៅបន្តមានឥទ្ធិពល ខណៈសម្ពាធទាបនៅបន្តគ្របដណ្ដប់លើភាគកណ្ដាល នៃអាងទន្លេមេគង្គ និងលើព្រះរាជាណាចក្រកម្ពុជា។ ស្ថានភាពបែបនេះ នឹងធ្វើឱ្យ ៖ ចាប់ពីថ្ងៃទី ២៤ ដល់ថ្ងៃទី ២៦ ខែកញ្ញា ឆ្នាំ ២០២៤ មានភ្លៀង ផ្គរ រន្ទះ និងខ្យល់កន្ត្រាក់ គ្របដណ្ដប់ផ្ទៃដី ៥៥% នៅទំនាបកណ្ដាល ៥០% នៅតំបន់ខ្ពង់រាប និង ១៥% នៅតំបន់មាត់សមុទ្រ៕
អត្ថបទ ៖ សំអឿន
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
កសិករចិញ្ចឹមគោបាយជិត ៣០០ក្បាល ផ្ដាំកសិករផ្សេងឱ្យងាកមកចិញ្ចឹមគោប្រភេទនេះ ព្រោះងាយស្រួលចិញ្ចឹម
១៧ ខេត្តក្នុងចំណោម ២៥ រាជធានីខេត្ត បញ្ចប់ចុះតាមដានការអនុវត្តយានយន្តកែច្នៃខុសលក្ខណៈបច្ចេកទេស
អ៊ីស្រាអែលសម្លាប់មនុស្សជិត ៩០០នាក់ ចាប់តាំងពីលែងអនុវត្តបទឈប់បាញ់នៅតំបន់ហ្គាហ្សា
វេទិកា JASTIP របស់ជប៉ុននឹងជួយកម្ពស់វិស័យវិទ្យាសាស្ត្រ បច្ចេកវិទ្យា និងនវានុវត្តន៍នៅកម្ពុជា
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
-
ព័ត៌មានអន្ដរជាតិ២០ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?
-
សន្តិសុខសង្គម១៩ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ