ក្រសួងការពារជាតិស្នើសុំការរើសទ័ពបន្ថែមជាង២ពាន់នាក់

ឧបនាយករដ្ឋមន្ត្រី រដ្ឋមន្ត្រីការពារជាតិ​នាយឧត្តមសេនីយ៍ ទៀ សីហា បានគោរពស្នើសុំការអនុញ្ញាតពីនាយករដ្ឋមន្ត្រីក្នុងការរើសទ័ពជាង២ពាន់នាក់បន្ថែម ដើម្បីបំពេញក្របខ័ណ្ឌឱ្យកងឯកភាពចំណុះអគ្គបញ្ជាការ និងនាយកដ្ឋានវិស្វកម្មក្រសួងការពារជាតិ។

ក្នុងលិខិតគោរពជូនសម្ដេចធិបតី ហ៊ុន ម៉ាណែត ចុះថ្ងៃទី៨ ខែមករា ឆ្នាំ២០២៥ ឧបនាយករដ្ឋមន្ត្រី ទៀ សីហា បានស្នើសុំអនុញ្ញាតជ្រើសរើសពលទាហានថ្មីសម្រាប់ឆ្នាំ២០២៥ចំនួន ២ ០០២នាក់ ដែលក្នុងនោះយកទៅបំពេញយោធភូមិភាគទី៥ច្រើនជាងគេដែលមានចំនួន ១ ១៧៤នាក់។

លោកឧបនាយករដ្ឋមន្ត្រី ទៀ សីហា បញ្ជាក់ថាការរើសបន្ថែមនេះជាតម្រូវការចាំបាច់ក្នុងពេលដែលយោធិនជិត៨ពាន់នាក់ដែលចូលនិវត្តន៍ របួស-ពិការ ត្រូវបានផ្ទេរចេញពីការគ្រប់គ្រងរបស់កងយោធពលខេមរភូមិន្ទទៅឱ្យក្រសួងសង្គមកិច្ច៕

អត្ថបទដោយ ហ៊ុន សិរីវឌ្ឍន៍