ព័ត៌មានជាតិ

ជនជាតិខ្មែរនៅរដ្ឋកាលីហ្វ័រញ៉ាមានជាង៣០ម៉ឺននាក់

បានផុស

២ years មុន

នៅ

ថ្ងៃសៅរ៍ ១១ មករា ២០២៥

ដោយ

សហគមន៍ខ្មែរនៅរដ្ឋកាលីហ្វ័រញ៉ា សហរដ្ឋអាមេរិក បានឱ្យដឹងថាមានជនជាតិខ្មែរដែលកំពុងរស់នៅរដ្ឋនោះជាង៣០ម៉ឺននាក់ ក្នុងនោះជាង៨ម៉ឺននាក់រស់នៅទីក្រុងឡុងប៊ិច។ រដ្ឋកាលីហ្វ័រញ៉ាគឹជារដ្ឋមួយកំពុងរងគ្រោះពីភ្លើងឆេះព្រៃដ៏សកម្ម។

ពលរដ្ឋខ្មែររស់នៅទីក្រុង San Franciso រដ្ឋកាលីហ្វ័រញ៉ាលោក អ៊ុក ចន្ថា បានឱ្យដឹងថារដ្ឋកាលីហ្វ័រញ៉ាចែកជាភាគខាងត្បូង និងភាគខាងជើង។ តាមរបាយការណ៍ពីស្ថានទូតខ្មែរប្រចាំសហរដ្ឋអាមេរិកថានៅភាគខាងត្បូងមានជនជាតិខ្មែរជាង២០ម៉ឺននាក់ និងខាងជើងមានប្រមាណ១០ម៉ឺននាក់។ ទាក់ទងនឹងភ្លើងឆាបឆេះវិញលោកបានឱ្យដឹងថាពុំទាន់មានពលរដ្ឋខ្មែរណាម្នាក់ត្រូវបានរាយការណ៍ថាជួបគ្រោះថ្នាក់នោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាំពាក្យក្រសួងការបរទេសលោក ជុំ សន្ទរី បានឱ្យកម្ពុជាថ្មីដឹងទីក្រុង Long Beach ដែលមានប្រជាជនខ្មែរ-អាមេរិកកំពុងរស់នៅកុះករមិនទាន់មានផលប៉ះពាល់ពីភ្លើងព្រៃនោះទេ។

ភ្លើងឆេះព្រៃនៅទីក្រុង Los Angeles នៃរដ្ឋកាលីហ្វ័រញ៉ា បានកើតឡើងក្នុងទីតាំងចំនួន៥ ដូចជា Palisades, Eaton, Kenneth, Hurst និង Lidia រីឯតួលេខមនុស្សស្លាប់ កើនដល់១១នាក់ ចំណែកមនុស្សជិត២០ម៉ឺននាក់ ត្រូវបង្ខំជម្លៀសចាកចេញពីផ្ទះសម្បែង៕