គណៈកម្មាធិការអភិវឌ្ឍ​តំបន់ឆ្នេរ ប្រជុំ​​លើក​យក​របៀបវារៈ​ចំនួន ៨ ដើម្បី​​តាមដាន​ជំរុញការ​អភិវឌ្ឍ

លោក ប៉ែន សុផល រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ និងជាអគ្គលេខាធិការ នៃអគ្គលេខាធិការដ្ឋានគណៈកម្មាធិការជាតិគ្រប់គ្រងនិងអភិវឌ្ឍតំបន់ឆ្នេរសមុទ្រកម្ពុជា កាលពីថ្ងៃ ៣០ ខែ​មករា បានដឹកនាំកិច្ចប្រជុំតាមដាន និងជំរុញ​វឌ្ឍនភាពការងាររបស់អគ្គលេខាធិការដ្ឋានណៈកម្មាធិការជាតិគ្រប់គ្រង និងអភិវឌ្ឍតំបន់ឆ្នេរសមុទ្រកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុង​កិច្ច​ប្រជុំ​មាន​ការ​ចូលរួមពីអគ្គលេខាធិការរងគណៈកម្មាធិការជាតិគ្រប់គ្រង និងអភិវឌ្ឍតំបន់ឆ្នេរសមុទ្រកម្ពុជា, ប្រធានផ្នែកនិងអនុប្រធានផ្នែកនៃអគ្គលេខាធិការដ្ឋាន គណៈកម្មាធិការជាតិគ្រប់គ្រង និងអភិវឌ្ឍតំបន់ឆ្នេរសមុទ្រកម្ពុជា មន្ត្រីជាប់កិច្ចសន្យា និងអ្នកស្ម័គ្រចិត្តនៃអគ្គលេខាធិការដ្ឋានគណៈកម្មាធិការជាតិគ្រប់គ្រង និងអភិវឌ្ឍតំបន់ឆ្នេរសមុទ្រកម្ពុជា។

កិច្ចប្រជុំបានលើកយក​របៀបវារៈ​ចំនួន ៨ ដើម្បី​តាមដាន​ពី​វឌ្ឍនភាព​សម្រាប់​​ជំរុញ​ការ​អភិវឌ្ឍ​ក្នុង​នោះ​មាន​៖

១). ពិនិត្យគម្រោងអភិវឌ្ឍភ្នំទឹកធំ ស្ថិតនៅស្រុកកំពង់ត្រាច ខេត្តកំពត
២).ពិនិត្យការងារការដ្ឋានសាងសង់គម្រោងអភិវឌ្ឍរមណីយដ្ឋានឆ្នេរខ្សាច់កម្សាន្តសាធារណៈកម្រិតខ្ពស់ “ឆ្នេរតេជោសន្តិភាពកែប”
៣).ពិនិត្យការដាក់ឱ្យអនុវត្តគម្រោងអភិវឌ្ឍរមណីយដ្ឋានឆ្នេរខ្សាច់កម្សាន្តសាធារណៈកម្រិតខ្ពស់ “ឆ្នេរព្រែកត្រែង” សម្រាប់សាធារណជននិងទេសចរ
៤).ពិនិត្យគម្រោងអភិវឌ្ឍផ្លូវជិះកង់ទេសចរណ៍ តាមបណ្ដោយឆ្នេរសមុទ្រកម្ពុជា
៥).ពិនិត្យគម្រោងអភិវឌ្ឍ និងអភិរក្សឆ្នេរសមុទ្រនិងព្រែក
៦).ពិនិត្យទៅលើការងារគណៈកម្មាធិការបច្ចេកទេសអន្តរក្រសួង រៀបចំគោលនយោបាយពហុបំណង និងក្រុមការងារលេខាធិការ
៧).ពិនិត្យលើការងារកសាងប្លង់គោលប្រើប្រាស់ដីតំបន់កោះកុងក្រៅ
៨).ការងាររៀបចំអភិវឌ្ឍកោះស្ដេច។