អាជីព

គន្លឹះខ្លឹម ជួយពង្រឹងយុទ្ធនាការទីផ្សារកាន់តែជោគជ័យ មានអតិថិជនស្គាល់ច្រើន

បានផុស

៤ years មុន

នៅ

ថ្ងៃព្រហស្បតិ៍ ២៣ ធ្នូ ២០២១

ដោយ

ទីផ្សារដើរតួនាទីយ៉ាងសំខាន់ សម្រាប់អាជីវកម្ម មិនថាធំ ឬតូចប៉ុណ្ណានោះទេ។ អត្ថបទនេះ នឹងចែករំលែកគន្លឹះសំខាន់ៗ មួយចំនួន ដែលអាចពង្រឹងយុទ្ធនាការទីផ្សារជាបន្តបន្ទាប់ សម្រាប់អាជីវកម្ម។

១ ស្វែងរកអតិថិជនដ៏ល្អ បើចង់ឲ្យយុទ្ធនាការទីផ្សារនាបច្ចុប្បន្ននេះ ទៅដល់ដៃទស្សនិកជនគោលដៅ ត្រូវតែស្វែងរកអតិថិជនដ៏ល្អ។ គោលបំណងរួមនៃយុទ្ធនាការ គួរតែជាការផ្សព្វផ្សាយផលិតផល ដោយជោគជ័យ ទៅកាន់មូលដ្ឋានអតិថិជន បង្កើនការយល់ដឹងអំពីម៉ាកយីហោ និងជំរុញការលក់។ ដើម្បីសម្រេចបាននូវចំណុចនេះ ដំបូង ក្នុងនាមជាអ្នកលក់ ត្រូវស្វែងយល់ឲ្យច្បាស់ថា អ្នកណាជាអតិថិជនដ៏ល្អ។ អតិថិជនដ៏ល្អ គួរមានបញ្ហាដែលផលិតផល ឬសេវាកម្មយើងអាចជួយដោះស្រាយបាន។ ពួកគេក៏គួរតែមានមធ្យោបាយទិញ និងលក់ផលិតផលរបស់យើងបានផងដែរ។ ឧទាហរណ៍ ប្រសិនបើអាជីវកម្មយើង លក់របស់ក្មេងលេង នោះអតិថិជនដ៏ល្អ អាចនឹងក្លាយជាឪពុកម្ដាយ។

ការកំណត់អត្តសញ្ញាណអតិថិជនដ៏ល្អ អាចជាដំណើរការដ៏ស្មុគស្មាញមួយ។ ប៉ុន្តែនៅពេលដែលយើងអាចកំណត់អត្តសញ្ញាណបានហើយ នោះនឹងជួយក្នុងការបង្កើតយុទ្ធនាការទីផ្សារបានល្អ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២ វាស់ស្ទង់លទ្ធផលនៃយុទ្ធនាការ បើគ្មានការវាស់ស្ទង់លទ្ធផល នៃយុទ្ធនាការដោយជោគជ័យទេ តើអ្នកនឹងកំណត់ថាអ្វីដែលដំណើរការល្អ ជាមួយទស្សនិកជនដោយរបៀបណា បើប្រៀបធៀបទៅនឹងអ្វីដែលមិនមាន?

នៅពេលដែលយើងអាចបង្កើតរូបមន្ត សម្រាប់វាស់ស្ទង់យុទ្ធនាការបាន យើងក៏អាចកែសម្រួលព័ត៌មានលម្អិតតូចបំផុត នៃយុទ្ធនាការ ដោយធ្វើឲ្យប្រាកដថា យើងកំពុងចំណាយថវិកាដោយប្រាជ្ញា។

៣ ការកំណត់គោលដៅអាកប្បកិរិយា គឺជាយុទ្ធសាស្ត្រមួយ ដែលត្រូវបានប្រើប្រាស់ក្នុងយុទ្ធនាការទីផ្សារ អស់រយៈពេលជាច្រើនឆ្នាំ។ ថ្វីត្បិតតែវាស្ដាប់ទៅដូចជាស្មុគស្មាញក៏ដោយ តែយ៉ាងណា វាក៏នៅតែសាមញ្ញក្នុងការយល់ និងអនុវត្តបានដដែល។ ដំណើរការនៃការកំណត់គោលដៅ អាកប្បកិរិយារួម មានការប្រមូលព័ត៌មានគេហទំព័រ ដើម្បីពង្រឹងយុទ្ធនាការផ្សាយពាណិជ្ជកម្ម។

៤ រៀនពីការបរាជ័យ យុទ្ធនាការទីផ្សារ គឺពោរពេញទៅដោយការសាកល្បង និងកំហុសរាប់មិនអស់។ មិនមែនគ្រប់យុទ្ធនាការទីផ្សារទាំងអស់ សុទ្ធតែទៅរៀបចំផែនការនោះទេ។ ផ្ទុយទៅវិញ នេះជារឿងសំខាន់ ដែលត្រូវយល់ថាពេលណាត្រូវដករបស់ដែលមិនដំណើរការ។ ជំនួសឲ្យការស្ដីបន្ទោសក្រុម ឬធ្វើឲ្យពួកគេខកចិត្ត ។ ការបរាជ័យអាចបង្រៀនយើងច្រើន អំពីអតិជនរបស់យើង និងអ្វីដែលពួកគេចូលចិត្ត។ ប្រើវាដើម្បីផលប្រយោជន៍ ហើយអនុញ្ញាតឲ្យវាលើកទឹកចិត្តយើង ខិតខំឆ្ពោះទៅរកភាពជោគជ័យ ជាមួយនឹងយុទ្ធនាការបន្ទាប់ ។

៥ បង្កើតមាតិកាដែលអាចចែករំលែកបាន យុទ្ធនាការទីផ្សារ មិនមែនជាអ្វីដែលអាចបង្កើតបានតែមួយយប់នោះទេ។ វាគឺជាដំណើរការដ៏វែងមួយ ដែលទាមទារការខិតខំប្រឹងប្រែង និងផែនការជាច្រើនពីក្រុមទីផ្សារ។ ដូច្នេះហើយ វាជារឿងសំខាន់ ដែលយុទ្ធនាការទៅដល់មនុស្សឲ្យបានច្រើន តាមដែលអាចធ្វើទៅបាន ដើម្បីធ្វើឲ្យកិច្ចខិតខំប្រឹងប្រែងទាំងអស់មានតម្លៃ។

វិធីមួយដែលអ្នកអាចសម្រេចបាន នោះគឺតាមរយៈការបង្កើតមាតិកា ដែលអាចចែករំលែកបាន។ ខ្លឹមសារដែលអាចចែករំលែកបាន គឺជាខ្លឹមសារដែលទស្សនិកជន អាចធ្វើអន្តរកម្មជាមួយ និងចែករំលែកជាមួយអ្នកដទៃ។ វានឹងធ្វើទស្សនិកជនយើង មិនត្រឹមតែមានទំនាក់ទំនងជាមួយម៉ាកនៃផលិតផលប៉ុណ្ណោះទេ ថែមទាំងនិយាយអំពីម៉ាកផងដែរ។

តាមរយៈប្រព័ន្ធផ្សព្វផ្សាយសង្គម ផ្សេងៗគ្នាដូចជា Facebook , Instagram និង Twitter អ្នកប្រើប្រាស់អាចចែករំលែកការបង្ហោះ។ ចូរកុំខ្លាច ក្នុងការរកមើលនូវអ្វីដែលគូប្រជែងយើងកំពុងធ្វើ ដើម្បីកំណត់ប្រភេទនៃមាតិកាដែលដំណើរការល្អជាមួយអតិថិជន បើប្រៀបធៀបទៅនឹងអ្វីដែលមិនមាន៕

ប្រែសម្រួល៖ សាង ស្រីល័ក្ខ

ចុចអាន៖ជំនាញទីផ្សារ ៨ នេះ មានឱកាសបានប្រាក់ខែខ្ពស់ ក្នុងពេលបច្ចុប្បន្ន

ចុចអាន៖រឿងទាំង ១២ យើងអាចធ្វើបាន សម្រាប់អាជីព មុនចូលឆ្នាំ ២០២២