សន្តិសុខសង្គម

ឆ្មក់បង្ក្រាបទីតាំងខារ៉ាអូខេ ៣ កន្លែង នៅខេត្តកណ្ដាល សង្ស័យបង្កប់សេវាកម្មផ្លូវភេទ ឃាត់ខ្លួនមនុស្ស ៣៩ នាក់

បានផុស

៩ ខែ មុន

នៅ

ថ្ងៃសុក្រ ១៧ តុលា ២០២៥

ដោយ

កាលពីយប់ថ្ងៃទី ១៦ ខែតុលា ឆ្នាំ ២០២៥ កម្លាំងសមត្ថកិច្ចខេត្តកណ្ដាល បានបើកប្រតិបត្តិការឆ្មក់បង្ក្រាបទីតាំងខារ៉ាអូខេចំនួន ៣ កន្លែង ផ្សេងគ្នា ក្នុងខេត្តកណ្ដាល ដោយសង្ស័យលួចលាក់ធ្វើអាជីវកម្មផ្លូវភេទ កេងប្រវ័ញ្ចលើស្ត្រី និង កុមារ ព្រមទាំងឃាត់ខ្លួនមនុស្ស ៣៩ នាក់ យកទៅសួរនាំនៅនាយកដ្ឋានប្រឆាំងការជួញដូរមនុស្ស និងការពារអនីតិជន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្ដែងប្រតិបត្តិការនេះ កម្លាំងជំនាញបានធ្វើការស្រាវជ្រាវឆ្មក់បង្ក្រាបទីតាំងចំនួន ៣ កន្លែង ផ្សេងគ្នា ក្នុងភូមិសាស្ត្រខេត្តកណ្ដាល ដោយទីតាំងទី ១-ដឹកនាំដោយលោកឧត្ដមសេនីយ៍ទោ ងួន សុខចេង អនុប្រធាននាយកដ្ឋានប្រឆាំងការជួញដូរមនុស្ស និងការពារអនីតិជន នៅហាង KTV ត្រជាក់ចិត្ត II ស្ថិតក្នុងភូមិកំពង់ស្វាយក្រោម ឃុំព្រែកថ្មី ស្រុកកោះធំ ខេត្តកណ្តាល រកឃើញមានស្រោមអនាម័យមួយចំនួនធំនៅបន្ទប់រួមភេទគ្មានលេខ ដោយបានឃាត់ខ្លួនមនុស្សចំនួន ៨ នាក់។ ទីតាំងទី ២-ដឹកនាំដោយលោកវរសេនីយ៍ឯក ទេព សុភា អនុប្រធាននាយកដ្ឋានប្រឆាំងការជួញដូរមនុស្ស និងការពារអនីតិជន នៅចំណុចហាង KTV ម្លប់ដូងពូរ៉េត ស្ថិតក្នុងភូមិកំពង់ស្វាយក្រោម ឃុំព្រែកថ្មី ស្រុកកោះធំ ខេត្តកណ្តាល រកឃើញមានស្រោមអនាម័យមួយចំនួន ដោយឃាត់ខ្លួនមនុស្ស ១០ នាក់។ ចំណែកទីតាំងទី ៣ -ដឹកនាំដោយលោកឧត្ដមសេនីយ៍ទោ សុក សំបូរ ប្រធាននាយកដ្ឋានប្រឆាំងការជួញដូរមនុស្ស និងការពារអនីតិជន ឃាត់ខ្លួនមនុស្សចំនួន ២១ នាក់។