កីឡា

កុំភ្លេច កម្ពុជា ប៉ះ ហ្វីលីពីន ម៉ោង៧យប់នេះដើម្បីបន្តឈរកំពូលតារាងរឹងមាំ

បានផុស

៤ years មុន

នៅ

ថ្ងៃព្រហស្បតិ៍ ១៧ កុម្ភៈ ២០២២

ដោយ

ក្រុមបាល់ទាត់យុវជនកម្ពុជាអាយុក្រោម២៣ឆ្នាំនឹងប្រកួតជាមួយក្រុមបាល់ទាត់យុវជនហ្វីលីពីនអាយុក្រោម២៣ឆ្នាំ វេលាម៉ោង៧យប់នេះ សម្រាប់ការប្រកួតសន្សំពិន្ទុលើកទី២ក្នុងពូល A ជើងឯក AFF U23 Championship 2022 នៅពហុកីឡដ្ឋានជាតិមរតកតេជោ។

សម្រាប់ការប្រកួតបើកឆាក ក្រុមយុវជនហ្វីលីពីនរកបាន១ពិន្ទុប៉ុណ្ណោះ បន្ទាប់ពីស្មើគ្នាជាមួយទីម័រខាងកើតដោយលទ្ធផល ២-២ សម្រាប់ការប្រកួត៩០នាទីពេញ។

ជាមួយគ្នានេះ កម្ពុជា ក្នុងនាមជាម្ចាស់ផ្ទះរកបាន៣ពិន្ទុពេញ បន្ទាប់ពីទទួលបានជ័យជម្នះលើក្រុមព្រុយណេយ៉ាងអស្ចារ្យក្នុងលទ្ធផលបច្ចេកទេស ៦-០។

ក្រុមហ្វីលពីនត្រូវបានដៃគូស៊ុតចូល២គ្រាប់ និងស៊ុតចូលដៃគូវិញ២គ្រាប់ ខណៈកម្ពុជាស៊ុតចូលដៃគូ៦គ្រាប់ដោយដៃគូមិនអាចតដៃរួច។ ដូច្នេះកម្ពុជាមាន៣ពិន្ទុកំពុងឈរលើកំពូលតារាង ខណៈហ្វីលីពីនស្ថិតនៅលេខ២ក្នុងតារាងជាមួយ១ពិន្ទុ។

ការប្រកួតលើកទី២សំខាន់រៀងៗខ្លួន។ ក្រុមនីមួយៗសុទ្ធតែប្តេជ្ញាស្វែងរកចំណាត់ថ្នាក់កំពូលតារាងដូចគ្នា ពីព្រោះមានតែក្រុមឈរលេខ១ក្នុងពូលទេដែលឡើងទៅវគ្គពាក់កណ្តាលផ្តាច់ព្រ័ត្រដោយស្វ័យប្រវត្តិ។

ទោះជាយ៉ាងណា ពូលមាន៣ ពីក្រុមឈរលេខ១ក្នុងពូលទាំង៣ឡើងទៅវគ្គពាក់កណ្តាលផ្តាច់ព្រ័ត្រដោយស្វ័យប្រវត្តិ ប៉ុន្តែមួយក្រុមទៀតនឹងជ្រើសរើសជាក្រុមលេខ២ល្អបំផុតក្នុងពូលក្នុងចំណោមពូលទាំង៣។

ប្រសិនបើ កម្ពុជាទទួលបានជ័យជម្នះយប់នេះនឹងកាន់តែមានភាគរយខ្ពស់ដើម្បីសង្ឃឹមឡើងទៅវគ្គពាក់កណ្តាលផ្តាច់ព្រ័ត្រ ប៉ុន្តែហ្វីលីពី និងទីម័រខាងកើតក៏កំពុងប្រជែងដូចគ្នា ពីព្រោះក្រុមទាំងពីរមិនទាន់ចាញ់ដូចគ្នា។ វេលាម៉ោង៤រសៀល ថ្ថៃនេះ ទីម័រខាងកើត នឹងប្រកួតជាមួយ ព្រុយណេ៕