កីឡា

វៀតណាម ស្ទាក់ស្ទើរក្នុងការទិញសិទ្ធិផ្សាយ FIFA World Cup 2022 ដែលមានតម្លៃដល់ទៅ ១៥លានដុល្លារ

បានផុស

២ ខែ មុន

នៅ

ថ្ងៃព្រហស្បតិ៍ ២៨ កក្កដា ២០២២

ដោយ

ការទិញសិទ្ធិក្នុងការផ្សាយបន្តផ្ទាល់ការប្រកួតបាល់ទាត់ពិភពលោក (FIFA World Cup 2022) សម្រាប់ទស្សនាក្នុងប្រទេសវៀតណាម បានកើនឡើងដល់ ១៥លានដុល្លារអាមេរិក (ច្រើនជាង ៣៥០ពាន់លានដុង) បើប្រៀបធៀបទៅនឹងការប្រកួត កាលពីឆ្នាំ២០១៨។

សិទ្ធិក្នុងការផ្សាយបន្តផ្ទាល់ ឆ្នាំ២០២២ ការប្រកួតបាល់ទាត់ពិភពលោក ចាប់ផ្តើម “ក្តៅ” នៅពេលដែលការប្រកួតដ៏ធំបំផុតនៅលើផែនដីមួយនេះ នៅសល់ពេលជាង៤ខែទៀតនឹងចាប់ផ្តើម នាប្រទេសកាតា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកជំនាញការចរចាទិញសិទ្ធិទូរទស្សន៍កីឡាបានប្រាប់សារព័ត៌មានវៀតណាមថា «ចំនួននេះគឺខ្ពស់ជាងកាលពីបួនឆ្នាំមុន មុនពេលការរីករាលដាលនៃកូវីដ-១៩។ សូម្បីតែប្រសិនបើមិនមានអ្នកឧបត្ថម្ភធំពីរចូលរួមទេ វៀតណាមមិនអាចទិញបានឡើយ។ តម្លៃកើនឡើងនៅឆ្នាំនេះ ៣០ភាគរយ បើប្រៀបធៀបទៅនឹងពេលមុន»។

ការទិញសិទ្ធិផ្សាយបន្តផ្ទាល់ពានរង្វាន់ (FIFA World Cup 2018) សម្រាប់ប្រទេសវៀតណាម ត្រូវបានទិញក្នុងតម្លៃជិត ១២លានដុល្លារ។ ការកើនឡើងតម្លៃនេះនៅក្នុងការប្រកួតបាល់ទាត់ពិភពលោក គឺជារឿងធម្មតា។ ទោះបីជាយ៉ាងណាក៏ដោយ វាត្រូវបានដឹងថាគឺបន្ទាប់ពីរយៈពេល ២ឆ្នាំនៃផលប៉ះពាល់ការរីករាលដាលជំងឺកូវីដ-១៩។

តម្លៃទិញសិទ្ធិផ្សាយគឺប្រែប្រួលពីប្រទេសមួយទៅប្រទេសមួយ។ បច្ចុប្បន្នកម្ពុជា បានទិញសិទ្ធិក្នុងផ្សាយបន្តផ្ទាល់ការប្រកួត FIFA World Cup 2022 ដោយក្រុមហ៊ុន CBS។ ចំពោះតម្លៃគឺមិនត្រូវបានគេបង្ហើបឱ្យដឹងទេ។

គេបាននិយាយថា ប្រសិនបើវៀតណាម មិនអាចទិញសិទ្ធិក្នុងការប្រកួត FIFA World Cup 2022 ទេ ក៏ការប្រកួតនៅតែអាចចាក់ផ្សាយតាមរយៈស្ថាប័នអន្តរជាតិផ្សេងទៀតបាន ប៉ុន្តែមិនមានការអត្ថាធិប្បាយជាភាសាវៀតណាមឡើយ ហើយនឹងមិនអាចទាញយកសិទ្ធិផ្សាយពាណិជ្ជកម្មបានដែរ៕

អត្ថបទ ៖ មន្នីរ័ត្ន