កីឡា
ដៃគូផ្តាច់ព្រ័ត្ររបស់ ខាន់ ចេសា យប់មិញលេខ៨លើលោក និងមេដាយមាសអឺរ៉ុប
កីឡាការិនីជឺជីតស៊ូជម្រើសជាតិកម្ពុជា ខាន់ ចេសា បានឈ្នះមេដាយមាសពិភពលោក បន្ទាប់ពីបានប្រកួតឈ្នះកីឡាការិនីអេស្ប៉ាញ Matthews Martin Naiomi វគ្គផ្តាច់ព្រ័ត្រក្នុងការប្រកួតកីឡាជឺជីតស៊ូជើងឯកពិភពលោកនៅប្រទេសអារ៉ាប់រួមកាលពីយប់មិញ។
មុនពេលឈ្នះមេដាយមាសពិភពលោកនេះ កីឡាការិនីខ្មែរ-អាមេរិក ខាន់ ចេសា ត្រូវឆ្លងកាត់ការប្រកួត៥ជុំ។ យ៉ាងណា ជុំទី១ កញ្ញាមិនបានប្រកួតទេដោយឈរចាំការប្រកួតជុំទី២ ដោយសារបេក្ខនារីមាន១៧រូប ដូច្នេះការប្រកួតជុំទី១មានតែមួយគូប៉ុណ្ណោះ។
ការប្រកួតចាប់ពីជុំទី២ដល់ជុំទី៤ ខាន់ ចេសា ទទួលបានជ័យជម្នះទាំងអស់។ ការប្រកួតទី២ជាវគ្គ១៦នាក់ចុងក្រោយ ការប្រកួតវគ្គ៨នាក់ចុងក្រោយ និងការប្រកួតវគ្គពាក់កណ្តាលផ្តាច់ កីឡាការិនីកម្ពុជារូបនេះសុទ្ធតែបញ្ឈប់ដៃគូក្នុងពាក់កណ្តាលទី។ យ៉ាងណា ការប្រកួតវគ្គផ្តាច់ព្រ័ត្រជាមួយកីឡាការិនីអេស្ប៉ាញ ខាន់ ចេសា ទទួលបានជ័យជម្នះដោយពិន្ទុ បន្ទាប់ពីប្រើពេល៦នាទីពេញ។
និយាយពីសមត្ថភាពបេក្ខភាពទាំង១៧រូបសុទ្ធតែជម្រើសខ្លាំងៗក្នុងពិភពលោក ហើយក៏មានចំណាត់ថ្នាក់ជឺជីតស៊ូពិភពលោកក្នុងទម្ងន់ក្រោម៥២គីឡូក្រាមល្អៗ។ ក្នុងចំណោមដៃគូទាំង៤រូបដែលបានប្រកួតកាលពីម្សិលមិញនេះ មានតែកីឡាការិនីហ្វីលីពីនដែលមានចំណាត់ថ្នាក់ទាបជាង ខាន់ ចេសា ខណៈពីរនាក់ទៀតសុទ្ធតែមានចំណាត់ល្អជាង ប៉ុន្តែកីឡាការិនីអ៊ីស្រាអែលមិនមានចំណាត់ថ្នាក់បង្ហាញទេ។
អ្វីដែលគួរឲ្យកត់សំគាល់គឺ Matthews Martin Naiomi ជាជើងខ្លាំងជឺជីតស៊ូប្រចាំទ្វីបអឺរ៉ុប។ កីឡាការិនីអេស្ប៉ាញរូបនេះឈ្នះមេដាយមាសទ្វីបកាលពីខែឧសភា ឆ្នាំ២០២២ និងមានចំណាត់ថ្នាក់ពិភពលោកលេខ៨ ប្រៀបធៀបនឹង ខាន់ ចេសា លេខ៣៦។
សូមមើលចំណាត់ថ្នាក់ជឺជីតស៊ូពិភពលោកដូចខាងក្រោម៖
- កីឡាការិនីខ្មែរ-អាមេរិក ខាន់ ចេសា មានចំណាត់ថ្នាក់លេខ៣៦
- កីឡាករហ្វីលីពីន Baluyot Ashley Jeramine ចំណាត់ថ្នាក់លេខ៣៧
- កីឡាការិនីម្ចាស់ផ្ទះអារ៉ាប់រួម Shraim Maitha ចំណាត់ថ្នាក់លេខ២០
- កីឡាការិនីអ៊ីស្រាអែល Lavion Bokovza Gali មិនបង្ហាញចំណាត់ថ្នាក់
- កីឡាការិនីអេស្ប៉ាញ Matthews Martin Naiomi ចំណាត់ថ្នាក់លេខ៨
សហព័ន្ធជឺជីតស៊ូកម្ពុជាបានចាត់ទុកការប្រកួតនេះ គឺជាឱកាសមួយដ៏ល្អ សម្រាប់កីឡាករ កីឡាការិនីជឺជីតស៊ូកម្ពុជា ធ្វើការវាស់ស្ទង់ ក៏ដូចជាពង្រឹងសមត្ថភាព និងបច្ចេកទេស តាមរយៈការប្រកួតប្រជែងជាមួយដៃគូខ្លាំងៗជុំពិភពលោកដែលចូលរួម ក្នុងន័យសម្រួចគុណផលកម្រិតខ្ពស់ ត្រៀមការប្រកួតកីឡាស៊ីហ្គេម ឆ្នាំ២០២៣ នៅកម្ពុជា៕
អត្ថបទ៖ វីរបុត្រ
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ