កីឡា
ឥណ្ឌូណេស៊ី កោះហៅកីឡាករ ២៨ នាក់ ត្រៀម AFF Cup 2022 ទល់នឹង កម្ពុជា
ក្រុមជម្រើសជាតិឥណ្ឌូណេស៊ី ដែលស្ថិតនៅរួមពូលជាមួយជម្រើសជាតិកម្ពុជា ក្នុងព្រឹត្តិការណ៍ជើងឯកអាស៊ាន AFF Mitsubishi Electric Cup 2022 បានកោះហៅកីឡាករ ២៨ នាក់ ដើម្បីត្រៀមខ្លួនសម្រាប់ពានរង្វាន់ដដែលនេះ។
យោងតាមការប្រកាសដោយសហព័ន្ធកីឡាបាល់ទាត់ហ្វីលីពីន កីឡាករទាំង ២៨ នាក់នេះ នឹងត្រូវចាប់ផ្ដើមប្រមូលផ្ដុំហ្វឹកហាត់ពីថ្ងៃទី ២៨ ខែវិច្ឆិកា ខាងមុខនេះតទៅ ដើម្បីធ្វើការជម្រុះមកនៅត្រឹម ២៣ នាក់។
ប្រធានសហព័ន្ធកីឡាបាល់ទាត់ឥណ្ឌូណេស៊ី លោក Mochamad Iriawan បាននិយាយថា “ក្រុមជម្រើសជាតិឥណ្ឌូណេស៊ី បានចាប់ផ្ដើមការត្រៀមសម្រាប់ AFF Cup 2022 នៅកោះបាលី នៅថ្ងៃទី ២៨ ខែវិច្ឆិកា។ ក្រោយមកនៅពេលដែលការប្រកួតដំបូងនៅថ្ងៃទី ២៣ ខែធ្នូ ជិតមកដល់ ពួកគេនឹងផ្លាស់ទៅទីក្រុង Jakarta ដើម្បីហ្វឹកហាត់”។
លោកបានបន្ថែមថា “នៅក្នុងជំរំហ្វឹកហាត់នេះ កីឡាករដែលទើបតែចូលសញ្ជាតិពីររូប គឺ Jordi Amat និង Sandy Walsh អាចចូលរួមបាន។ យើងមានសុទិដ្ឋិនិយមចំពោះកីឡាករដែលមាន ហើយឆន្ទៈ យើងនឹងឈ្នះពានរង្វាន់ AFF Cup ឆ្នាំ 2022″។
ក្នុងបញ្ជីឈ្មោះ ឥណ្ឌូណេស៊ី បានកោះហៅកីឡាករសញ្ជាតិដើមដែលកំពុងលេងនៅក្រៅប្រទេស ៨ រូបផងដែរ ក្នុងនោះមានលេងនៅលីគអឺរ៉ុប ៤ នាក់ (មានលីគទី ៤ អង់គ្លេស, លីគកំពូលស្លូវ៉ាគី, លីគប៊ែលហ្ស៊ីក) លេងលីគជប៉ុន ១ នាក់, លីគកូរ៉េខាងត្បូង ១ នាក់ និងលេងលីគម៉ាឡេស៊ី ២ នាក់។
នៅក្នុងជំរំហ្វឹកហាត់នេះផងដែរ កីឡាករក្រុម U-20 ឥណ្ឌូណេស៊ី ៣ នាក់ ត្រូវបានរួមបញ្ចូល គឺ Muhammad Ferarri, Marselino Ferdinand និង Dzaky Asraf។ ក្រៅពីនោះឈ្មោះកីឡាកររៀមច្បងនៅតែបន្តមានឈ្មោះ ដូចជា Nadeo Arga Winata, Ricky Kambuaya និង Fachruddin Aryanto។
ឥណ្ឌូណេស៊ី គឺជាក្រុមរួមពូល A ដែលមាន កម្ពុជា , ថៃ , ហ្វីលីពីន និងព្រុយណេ។ គេនឹងជួប កម្ពុជា នៅប្រកួតទី ២ ត្រូវនឹងថ្ងៃទី ២៣ ខែធ្នូ ឆ្នាំ ២០២២ នៅប្រទេសឥណ្ឌូណេស៊ី៕
អត្ថបទ ៖ មន្នីរ័ត្ន
-
សេចក្ដីជូនដំណឹង៤ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៣ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៥ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៦ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សេដ្ឋកិច្ច១ សប្តាហ៍ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ១ សប្តាហ៍ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព
-
ព័ត៌មានអន្ដរជាតិ១ សប្តាហ៍ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត
-
សន្តិសុខសង្គម៤ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម