កីឡា​គុន​ល្បុក្កតោ​ មាន​គោលដៅ​ពង្រីក​ក្លិប​ នៅ​គ្រប់​ទីវ​ត្ត​អារាម​ ដែល​មាន​ជាង ២​ម៉ឺន​វត្ត​ក្នុង​ទូទាំងប្រទេស
Connect with us
Helistar Cambodia - Helicopter Charter Services

កីឡា

កីឡា​គុន​ល្បុក្កតោ​ មាន​គោលដៅ​ពង្រីក​ក្លិប​ នៅ​គ្រប់​ទីវ​ត្ត​អារាម​ ដែល​មាន​ជាង ២​ម៉ឺន​វត្ត​ក្នុង​ទូទាំងប្រទេស

Published

on

​លោក វ៉ា​ត់ ចំរើន អគ្គលេខាធិការ​គណៈកម្មាធិកា​រ​ជាតិ​អូឡាំពិក​កម្ពុជា និង​ជា​អនុប្រធាន​សហព័ន្ធ​កីឡា​ល្បុក្កតោ​កម្ពុជា បាន​មានប្រសាសន៍​ឲ្យ​ដឹងថា សហព័ន្ធ​កីឡា​ល្បុក្កតោ​គោលដៅ​សំខាន់​មួយនោះ ​គឺ​មាន​បំណង​ពង្រីក​ក្លឹប​គុន​របស់​ល្បុក្កតោ​ នៅ​តាម​ទីវ​ត្ត​អារាម​ទាំងអស់​នៅ​ទូទាំង​ប្រទេស ដែល​មាន​ជាង ២ ម៉ឺន​វត្ត​អារាម​នោះ។

​លោក​បាន​បញ្ជាក់​ថា ទី​វត្ត​អារាម​ទាំងនោះ​សុទ្ធ​តែ​ជា​ទីកន្លែង​ធ្លាប់​ហ្វឹកហាត់​ជាទី​កន្លែង​ ដែល​ធ្លាប់​មាន​សកម្មភាព​ហាត់​ក្បាច់គុន ហើយ​ការ​ហ្វឹកហាត់​នេះ ក៏​មិន​ជា​ការ​ខុស​អ្វី​ទេ ព្រោះ​មិនមែនជា​ការ​បង្ហាត់ ដើម្បី​វ៉ៃតប់​គ្នា ដែល​ផ្ទុយទៅវិញ​ គឺជា​ការហ្វឹកហាត់​គុន​ល្បុក្កតោ ក្នុង​ន័យ​អប់រំ​ផ្លូវចិត្ត អប់រំ​ផ្លូវកាយ ឲ្យ​ស្មារតី​ស្រលាញ់​ជាតិ ស្រលាញ់​ទឹកដី ស្រឡាញ់​អរិយធម៌​របស់​ខ្លួន។ នេះ​ជា​បំណង​ធំ​របស់​សហព័ន្ធ​នា​ពេល​អនាគត​ដ៏​ឆាប់​ខាងមុខ។ ក្នុងនាម​ជា​អ្នក​ស្រឡាញ់​ក្បាច់គុន​ល្បុក្កតោ ដែល​យើង​ហៅថា ​ជា​ក្បាច់គុន​ព្រលឹង​ជាតិ​អត្តសញ្ញាណ​ជាតិ ឬ​ជា​កេរដំណែល​របស់​បុព្វបុរស​យើង ដែល​យើង​រស់នៅ​ដល់​សព្វថ្ងៃ មាន​អត្តសញ្ញាណ មាន​មនុស្ស មាន​ជាតិ មកដល់​សព្វថ្ងៃនេះ ក៏​ដោយសារ​ក្បាច់គុន​នេះ​ដែរ លោក វ៉ា​ត់ ចំរើន បញ្ជាក់​បែបនេះ។

​​លោក​បាន​រំលឹក​ថា កាលពី​សម័យ​អង្គរ​យើង​រុងរឿង គឺ​ដោយសារ​ខ្មែរ​យើង​នៅ​ពេល​នោះ សុទ្ធតែ​ចេះ​ក្បាច់គុន សុទ្ធតែជា​អ្នក​ហាត់រៀន​នូវ​ក្បាច់គុន ហើយ​អង្គរ​រុងរឿង​សម័យ​នោះ​បាន​យក​ក្បាច់គុន​ជាធំ ក្នុង​ការ​ការពារជាតិ ការពារ​ទឹកដី ការពង្រីក​ឥទ្ធិពល ហើយ​បើ​តាម​ប្រវត្តិសាស្ត្រ​យើង​ដឹង​ហើយ​ថា ក្បាច់គុន​នេះ​ គឺជា​ព្រលឹង​របស់​បុព្វបុរស​ខ្មែរ​យើង។ ដូច្នេះហើយ​ព្រលឹង​របស់​បុព្វបុរស​ខ្មែរ​យើង គឺ​ទាមទារ​ឲ្យ​យើងទាំងអស់គ្នា​ពី​ជំនាន់​មួយ​ទៅ​ជំនាន់​មួយ រួមគ្នា​ការពារ​អភិរក្ស និង អភិវឌ្ឍ​ក្បាច់គុន​ល្បុក្កតោ ហើយ​ធ្វើការ​ផ្សព្វផ្សាយ​នៅ​ក្នុង​ថ្នាក់​ជាតិ​ក៏ដូចជា​នៅ​លើ​ឆាក​អន្តរជាតិ​។

​លោក វ៉ា​ត់ ចំរើន បាន​បញ្ជាក់​ឲ្យ​ដឹង​ថា ក្បាច់គុន​ល្បុក្កតោ​របស់​យើង បាន​ចូល​ដល់​កម្រិត​ជាតិ​ហើយ ដោយ​ត្រូវ​បាន​ក្រសួង​វប្បធម៌​និង​វិចិត្រសិល្បៈ បាន​ដាក់​ចូល​ជា​បេតិកភណ្ឌ​អរូបី​នៃ​មនុស្សជាតិ នៅ​ក្នុង​កម្រិត​ជាតិ ហើយ​ពេលនេះ​យើង​កំពុងតែ​តស៊ូ​មតិ ក្នុង​ការ​ដាក់​ចូល​បញ្ជី​បេតិកភណ្ឌ​អ​រូបិយ​មនុស្សជាតិ​ នៅ​អង្គការ​យូណេស្កូ​។ លោក​បន្ត​ថា យើង​បាន​ខិតខំ​ប្រឹងប្រែង​រយៈពេល​៤-៥ ឆ្នាំ​មក​ហើយ ក្នុង​ការ​ចងក្រង​រៀបចំ​ឯកសារ ក៏ដូចជា​សិក្សា​ស្រាវជ្រាវ​ជា​មួយនឹង​ក្រសួង​វប្បធម៌​និង​វិចិត្រសិល្បៈ និង​ការ​ដាក់​បញ្ចូល​គុន​ល្បុក្កតោ​ក្នុង​បញ្ជី​បេតិកភណ្ឌ​ពិភពលោក ហើយ​លោក​សង្ឃឹមថា នៅ​ថ្ងៃ​ណាមួយ​នា​ពេល​ខាង​មុខ យើង​នឹង​ទទួល​បាន​ជោគជ័យ​៕​

អត្ថបទ៖ វិ​សិទ្ធ

សូមចុចអាន៖ ​CAMSOC​បើក​សន្និបាត​ប្រចាំឆ្នាំ និង​សិក្ខាសាលា​ថ្នាក់ជាតិ ស្ដីពី​យុទ្ធនា​ការអប់រំ​សង្គម​ឆ្ពោះទៅ​ស៊ី​ហ្គេម​-២០២៣

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ2 hours ago

ថ្ងៃនេះ​រក​ឃើញ​អ្នក​ពាក់ព័ន្ធ​៤០០នាក់ ជាមួយ​ជនជាតិចិន​ដែល​ឆ្លង​កូ​វីដ​១៩​នៅ​ខេត្តកោះកុង​

ព័ត៌មានជាតិ2 hours ago

ពលរដ្ឋ​ផ្អើល​នាំគ្នា​ទៅ​មើល​បាតុភូត​ចម្លែក​ទឹកធ្លាក់​ពីលើ​មែកឈើ​មិន​ឈប់​នៅ​វត្ត​ត្បូង​

ព័ត៌មានជាតិ2 hours ago

លោក ហ៊ុន ម៉ា​ណែ​ត ចុះ​ត្រួត​ពិនិត្យ​សកម្មភាព​ហ្វឹកហ្វឺន​កង​កម្លាំង​ត្រៀម​ចូលរួម​ទប់ស្កាត់​ការរីក​រាលដាល​នៃ​ជំងឺ​កូ​វីដ​-១៩

ព័ត៌មានជាតិ3 hours ago

មកលេង​ផ្ទះ​២​ថ្ងៃ​នៅ​តាកែវ ត្រឡប់​ទៅ​កំពង់សោម​វិញ ធ្វើតេស្ត​ឃើញ​វិជ្ជមាន​កូ​វីដ​-១៩

ព័ត៌មានជាតិ3 hours ago

អ្នកជំនាញ​អះអាង​ថា តម្លៃ​ដំឡូង​មី​នៅ​ឆ្នាំនេះ​ខ្ពស់​ជាង​ឆ្នាំមុន

Sokha Hotels

ព័ត៌មានពេញនិយម

Helistar Cambodia - Helicopter Charter Services