កម្ពុជា បញ្ជូនកីឡាករ កីឡាការិនី ១៨នាក់ ទៅប្រកួត​កីឡា ជឺជីត​ស៊ូជើងឯកអាស៊ីអាគ្នេយ៍

កីឡាករ កីឡាការិនីជម្រើសជាតិកម្ពុជា ចំនួន១៨រូប នឹងទៅ​ចូលរួមប្រកួតព្រឹត្តិការណ៍ជើងឯកអាស៊ីអាគ្នេយ៍ 𝗦𝗘𝗔 𝗝𝘂-𝗝𝗶𝘁𝘀𝘂 𝗖𝗵𝗮𝗺𝗽𝗶𝗼𝗻𝘀𝗵𝗶𝗽 ចាប់ពីថ្ងៃទី១២ ដល់ទី១៣ ខែកក្កដា ឆ្នាំ២០២៥ នៅទីក្រុងម៉ានីល ប្រទេសហ្វីលីពីន។

កាលពីថ្ងៃទី ៩ ខែ កក្កដា ឆ្នាំ ២០២៥ ម្សិលមិញ ប្រតិភូ គ្រូបង្វឹក និងកីឡាករ កីឡាការិនីកីឡាជឺជីតស៊ូកម្ពុជាសរុប ២១ រូបបានចាកចេញពីអាកាសយានដ្ឋានអន្តរជាតិភ្នំពេញឆ្ពោះទៅកាន់រដ្ឋធានីម៉ានីល ប្រទេសហ្វីលីពីនហើយ ដើម្បីចូលរួមការប្រកួតព្រឹត្តិការណ៍កម្រិតតំបន់អាស៊ីអាគ្នេយ៍មួយនេះ។

គួរបញ្ជាក់ថា ព្រឹត្តិការណ៍ជើងឯកអាស៊ីអាគ្នេយ៍ 𝗦𝗘𝗔 𝗝𝘂-𝗝𝗶𝘁𝘀𝘂 𝗖𝗵𝗮𝗺𝗽𝗶𝗼𝗻𝘀𝗵𝗶𝗽 នេះ មានការចូលរួមពីអត្តពលិកជាង ៤០០ នាក់មកពីទូទាំងអាស៊ីអាគ្នេយ៍ ហើយការប្រកួតនេះនឹងក្លាយជាព្រឹត្តិការណ៍ ដែលមានឧបសគ្គច្រើន បូកផ្សំជាមួយការប្រកួតប្រជែងខ្ពស់ ដើម្បីឈានទៅដល់ការដណ្តើមមេដាយជូនជាតិ និងមានកិត្យានុភាពបំផុតប្រចាំឆ្នាំ៕

អត្ថបទ៖ កុសល