កីឡា

គ្រូអ៊ីរ៉ាក់ និង ប៉ាគីស្ថាន អរគុណចំពោះកម្ពុជាទទួលបដិសណ្ឋារកិច្ចក្រុមយ៉ាងល្អ

បានផុស

១០ ខែ មុន

នៅ

ថ្ងៃពុធ ១០ កញ្ញា ២០២៥

ដោយ

គ្រូបង្វឹកក្រុមបាល់ទាត់ប៉ាគីស្ថាន និង អ៉ីរ៉ាក់ បានថ្លែងអំណរគុណដល់ម្ចាស់ផ្ទះកម្ពុជា សម្រាប់បដិសណ្ឋារកិច្ចដល់ក្រុមលោកបានយ៉ាងល្អរយៈពេលប៉ុន្មានថ្ងៃនៃការប្រកួតជម្រុះ AFC Asian Cup 2026 នៅកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គ្រូរបស់អ៉ីរ៉ាក់

ក្រោយចុងបញ្ចប់នៃសន្និសីទសារព័ត៌មានយប់មិញនេះគ្រូបង្វឹករបស់ក្រុមបាល់ទាត់អ៉ីរ៉ាក់ លោក Emad Mohammed បានថ្លែងអំណរគុណដល់ម្ចាស់ផ្ទះកម្ពុជាដែលបានទទួលបដិសណ្ឋារកិច្ចក្រុមលោកបានយ៉ាងល្អ។ ការទទួលស្វាគមន និងអ្នកគាំទ្ររបស់កម្ពុជាពិតជាផ្ដល់ភាពកក់ក្ដៅដល់ក្រុមរបស់លោក ហើយសង្ឃឹមថា នឹងបានមកកម្ពុជាជាថ្មីទៀតនៅការប្រកួតក្រោយៗ។

ទិដ្ឋភាពក្រោយបញ្ចប់ការប្រកួត

ចំណែកខាងក្រុមប៉ាគីស្ថាន វិញក៏បានឆ្លើយតបជាមួយសំនួររបស់ កម្ពុជាថ្មី តើអ្នកយល់យ៉ាងណាចំពោះការរៀបចំការប្រកួតរបស់ប្រទេសកម្ពុជាប៉ុន្មានថ្ងៃនេះ? ពួកគេឆ្លើយយ៉ាងរីករាយថា ម្ចាស់ផ្ទះកម្ពុជាគឺពិតជារៀបចំបានល្អ។ ពិសេសនោះគឺបដិសណ្ឋារកិច្ចដល់ក្រុមភ្ញៀវមិនមានចោទជាបញ្ហាអ្វីនោះទេ។ ទាំងការទទួលចេញពីព្រលានយន្តហោះ និងការស្នាក់នៅសណ្ឋាគារគឺកម្ពុជាធ្វើបានល្អ។

គ្រូខាងប៉ាគីស្ថាន

បញ្ជាក់ដែរថា ការប្រកួតជម្រុះចុងក្រោយក្នុងពូល G នៃដំណើរឆ្ពោះទៅការប្រកួតពានរង្វាន់ AFC Asian Cup 2026 កន្លងទៅនេះគឺកម្ពុជាជាម្ចាស់ផ្ទះទទួលស្វាគមនប្រទេសទាំង ៣មកប្រកួតរួមមាន ប៉ាគីស្ថាន អ៉ីរ៉ាក់ និងអូម៉ង់។ ការប្រកួតជាផ្លូវការចាប់ពីថ្ងៃទី៣ ខែកញ្ញា ២០២៥ បានបិទបញ្ចប់ហើយកាលពីយប់ថ្ងៃទី៩ ខែកញ្ញា ឆ្នាំ២០២៥ ក្រោយក្រុមនីមួយៗប្រកួតបាន ៣ប្រកួតរួចមក៕

អត្ថបទដោយ៖ នួន ស៊ីណា