ជីវិតកម្សាន្ដ

នាយ ក្រិន បានទទួលអំណោយពីសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន

បានផុស

៤ years មុន

នៅ

ថ្ងៃព្រហស្បតិ៍ ២៧ ឧសភា ២០២១

ដោយ

ដោយមើលឃើញពីក្តីអាណិតអាសូរនោះ តារាកំប្លែងលោក ទេស សុជុន ហៅនាយ ក្រិន ដែលមានជំងឺនិងចិញ្ចឹមកូនតូច៣នាក់ ទទួលបានអំណោយឧបត្ថម្ភពីសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដើម្បីជួយសម្រួលជីវភាពនិងការលំបាកគ្រួសារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អំណោយដ៏ថ្លៃថ្លារបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជានេះ ធ្វើឡើងតាមរយៈលោក ប៊ុត គឹមស៊ាន ជាប្រធានគណៈកម្មាធិការសាខាកាកបាទក្រហមកម្ពុជាខេត្តបាត់ដំបង ដោយចុះសំណេះសំណាលសួរសុខ ទុក្ខពីស្ថានភាពរស់នៅសុខភាព។

ក្នុងឱកាសនោះលោក ប៊ុត គឹមស៊ាន ក៏បានពាំនាំប្រសាសន៍របស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលផ្តាំផ្ញើសួរសុខទុក្ខដោយក្តីអាណិតអាសូរនិងលើកទឹកចិត្តដល់នាយ ក្រិន សូមប្រឹងប្រែងប្រកបរបរចិញ្ចឹមជីវិត ដើម្បីជីវភាពគ្រួសារនិងត្រូវថែទាំសុខភាពឲ្យបានល្អ អនុវត្តតាមវិធានការនានារបស់ក្រសួងសុខាភិបាល ដោយអនុវត្តវិធីកាត់បន្ថយហានិភ័យពីការឆ្លងជំងឺកូវីដ-១៩ ៣កុំ ៣ការពារ។

អំណោយដែលនាយ ក្រិន ទទួលបានរួមមាន៖ អង្ករ១០០គីឡូក្រាម, ទឹកសុទ្ធ១០កេស, នំធុង៣ធុង និងថវិកា៥លានរៀល។លោក ទេស សុជុន ហៅនាយ ក្រិន អាយុ ៤២ឆ្នាំជាតារាកំប្លែងមានមាឌតូចល្អិត កំពុងមានជំងឺប្រចាំកាយនិងមានកូនតូចៗប្រុស-ស្រីចំនួន៣នាក់ក្ នុងបន្ទុកកំពុងស្នាក់នៅជាមួយក្រុមគ្រួសារ ស្ថិតនៅភូមិស្លាក្រាមឃុំវត្តតាមិម ស្រុកសង្កែ ខេត្តបាត់ដំបង៕

អត្ថបទ៖ ចាន់រ៉ា