Moderna ស្នើ FDA អាមេរិក អនុម័តវ៉ាក់សាំងការពារកូវីដរបស់ខ្លួនឲ្យប្រើប្រាស់ពេញលេញ

ក្រុមហ៊ុនផលិតឱសថអាមេរិក Moderna បានដាក់ពាក្យទៅរដ្ឋបាលចំណីអាហារ និងឪសថ (FDA) កាលពីថ្ងៃអង្គារ ដើម្បីទទួលការយល់ព្រមពេញលេញ នៃវ៉ាក់សាំងការពារជំងឺកូវីដ ១៩ របស់ខ្លួន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បច្ចុប្បន្នវ៉ាក់សាំងនេះ កំពុងត្រូវបានចែកចាយក្រោមការប្រើប្រាស់ជាបន្ទាន់ ដូចវ៉ាក់សាំងទាំងបី ដែលកំពុងចរាចរនៅអាមេរិក ។ Moderna គឺជាក្រុមហ៊ុនឱសថទី ២ ដែលបានដាក់ពាក្យសុំអាជ្ញាប័ណ្ណពេញលេញ ទៅកាន់ FDA ។

គួររំឭលថា វ៉ាក់សាំង Pfizer-BioNTech គឺជាវ៉ាក់សាំងដំបូងគេ ដែលបានធ្វើដូច្នេះជាមួយអាជ្ញាធរសុខាភិបាលសហរដ្ឋអាមេរិក នៅថ្ងៃទី ៧ ខែឧសភា ។

ទន្ទឹមនោះ ក្រុមហ៊ុន Moderna ក៏កំពុងស្វែងរកការប្រើប្រាស់អាជ្ញាប័ណ្ណនេះ ដើម្បីចាក់ដល់មនុស្សពេញវ័យចាប់ពី ១៨ ឆ្នាំឡើងទៅផងដែរ ។

សហរដ្ឋអាមេរិកកំពុងស្ថិតនៅក្នុងយុទ្ធនាការ បង្កើនល្បឿនចាក់វ៉ាក់សាំង ក្រោមគំនិតផ្តួចផ្តើមដោយលោកប្រធានាធិបតី ចូ បៃដិន ដើម្បីធានាថា ប្រជាជនអាមេរិក ៧០ ភាគរយទទួលបាន ការចាក់ថ្នាំបង្ការយ៉ាងហោចណាស់ ១ ដូស នៅត្រឹមទិវាឯករាជ្យ ៤ កក្កដា ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ ខ្វះអីខ្វះទៅ ក្រុមហ៊ុនអាមេរិក Pfizer និង Moderna មិនខ្ចីលក់វ៉ាក់សាំងទៅឲ្យឥណ្ឌា

ចុចអាន ៖ ផលិតករ​ថា​ វ៉ាក់សាំង​ Moderna​ មាន​ប្រសិទ្ធភាព​ខ្លាំង​សម្រាប់​ក្មេង​អាយុ​ ១២ ​ឆ្នាំ​ឡើង