ការវាយលុករបស់ តាលីបង់ ទៅខេត្តចលនាប្រដាប់អាវុធ អាហ្វហ្គានីស្ថាន ត្រូវជាប់ផុង ដោយសារការបង្កប់មីន

សារព័ត៌មាន Al Jazeera បានរាយការណ៍កាលពីថ្ងៃសៅរ៍ថា ការវាយលុករបស់ក្រុមតាលីបង់ប្រឆាំងនឹងរដ្ឋធានីនៃខេត្ត Panjshir ភាគឦសាននៃប្រទេសអាហ្វហ្គានីស្ថាន ត្រូវបានកាត់បន្ថយដោយសារគ្រាប់មីន ។

គ្រាប់មីនត្រូវបានដាក់នៅលើផ្លូវទៅកាន់រដ្ឋធានី Bazarak ក៏ដូចជាគេហដ្ឋានរបស់អភិបាលខេត្តផងដែរ ។

យោងតាមប្រភពរបស់សារព័ត៌មាននោះបានឲ្យដឹងថា ក្រុមតាលីបង់កំពុងធ្វើការវាយលុកផង និងដោះមីនផងក្នុងពេលតែមួយ ជាហេតុធ្វើឲ្យមានភាពយឺតយ៉ាវក្នុងការឆ្ពោះទៅមុខ ។

គួរបញ្ជាក់ថា ខេត្ត Panjshir គឺជាបន្ទាយនៃរណសិរ្សតស៊ូជាតិ (NRF) ដែលដឹកនាំដោយលោក Ahmad Massoud កូនប្រុសរបស់អតីតមេបញ្ជាការទ័ពព្រៃអាហ្វហ្កានីស្ថានលោក Ahmad Shah Massoud ។ លោក Massoud បានសន្យាថានឹងចុះចេញពីតំណែង ឬចុះចាញ់ក្នុងករណីដែលក្រុមនេះបង្កើតរដ្ឋាភិបាលរួមបញ្ចូលគ្នា និងធានាសិទ្ធិស្មើគ្នាសម្រាប់ជនជាតិអាហ្វហ្កានីស្ថានទាំងអស់ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ ឆ្នាំ ២០០១-២០២១ គឺជា “សង្គ្រាមប្រឆាំងភេរវកម្ម” នៅ អាហ្វហ្គានីស្ថាន