KPT+
ចង់ដើរលេងនៅរដូវភ្លៀង គប្បីត្រៀមរបស់ ៥នេះតាមខ្លួន
គ្រប់គ្នាពិតជាមានគម្រោងដំណើរកម្សាន្តទៅកាន់ទីជិតឆ្ងាយតាមរមណីយដ្ឋាននានា ក្នុងឱកាសបុណ្យភ្ជុំបិណ្ឌខាងមុខ ឬក្នុងថ្ងៃចុងសប្ដាហ៍ណាមួយ នារដូវវស្សានេះ។ ក្នុងឱកាសដំណើរកម្សាន្តនេះ ជាពិសេសកំលុងពេលមានភ្លៀងធ្លាក់ដែលមនុស្សភាគច្រើន ឧស្សាហ៍ឈឺថ្កាត់ យើងត្រូវចេះបង្ការខ្លួន ដោយមានរបស់ការពារជាប់ខ្លួន ទើបដើរលេងបានសប្បាយ មិនព្រួយរឿងជំងឺ។
ក្រៅពីត្រៀមរបស់របរប្រើប្រាស់ផ្ទាល់ខ្លួន យើងគួរត្រៀមថ្នាំសង្កូវខ្លះ និងសម្ភារចាំបាច់មួយចំនួនទៀតផងដែរ ដែលវារួមមាន៖
១. ស្ព្រៃយ៍ការពារមូស
ស្ព្រៃយ៍បាញ់ស្បែក ឬថ្នាំលាបស្បែកការពារមូសកុំឱ្យខាំ ពិតជាសំខាន់ខ្លាំងណាស់សម្រាប់អ្នកទៅដើរលេងនៅតាមព្រៃ ភ្នំ ហើយស្នាក់នៅទីនោះ។ ពិសេសបើមានកូនតូច វារឹតតែការពារបានល្អ។ យ៉ាងណា ទោះបីមិនមែនទីកម្សាន្តនៅព្រៃភ្នំ ស្ព្រៃយ៍ ឬថ្នាំលាប ក៏ចាំបាច់ចំពោះអ្នកស្នាក់នៅរីសត នៅពេលជួបជុំនៅខាងក្រៅបន្ទប់ឬតង់ ខណៈអាំងសាច់បែបបាប៊ីឃ្យូជាដើម។
២. ថ្នាំពេទ្យ
មិនថាដើរលេងនៅកន្លែងណា ឬពេលណានោះទេ គប្បីមានថ្នាំសង្កូវត្រៀមមួយចំនួនដូចជា ថ្នាំរាក ថ្នាំក្ដៅខ្លួន ឈឺក្បាល ផ្ដាសាយ និងថ្នាំរឹតបំបាត់អាការឈឺចាប់សាច់ដុំជាដើម ព្រោះថាទាំងមនុស្សចាស់ និងកូនក្មេង មិនសុទ្ធតែរឹងមាំរហូតទេ។ ដូច្នេះបើមានត្រៀមទុក ពេលឈឺភ្លាមៗ យើងមិនពិបាករត់រកពេទ្យ។
មួយវិញទៀត បន្ទះត្រជាក់ ក៏ចាំបាច់គួរដាក់តាមខ្លួនផងដែរ បើកាលណាមានអាការឈឺក្បាល ឬក្ដៅខ្លួន អាចបិទវាដើម្បីបន្ថយអាការទាំងនោះបាន។
៣. ឧបករណ៍វាស់កម្ដៅ
ដើម្បីច្បាស់ថាយើងមានអាការក្ដៅខ្លួនមែន ឬមិនមែន ឧបករណ៍វាស់កម្ដៅ គឺជាតម្រូវការចាំមួយទៀតដែលមិនអាចខ្វះបាននោះទេ។ ជាពិសេសសម័យកាលកូវីដ វារឹតតែជួយបញ្ជាក់ស្ថានភាពសុខភាពថាគួរប្រើថ្នាំខ្លួនឯង ឬត្រូវទៅជួបពេទ្យ។
៤. អាល់កុល ឬជែលលាងដៃ
អាល់កុល ឬជែល មានប្រយោជន៍ខ្លាំងណាស់ក្នុងអំឡុងពេលនេះ ព្រោះវាអាចជួយទប់ស្កាត់មេរោគមិនឲ្យឆ្លងពីដៃទៅក្នុងខ្លួន។ ម្យ៉ាងយើងអាចប្រើអាល់កុលទុកសម្រាប់សម្អាតសម្ភារប្រើប្រាស់ ឬវត្ថុដែលសង្ស័យជាប់វីរុសកូវីដ-១៩ទៀតផង។
៥. ឆត្រ ឬអាវភ្លៀង
ដើម្បីការពារភ្លៀងធ្លាក់ ព្រមទាំងកាត់បន្ថយកម្ដៅមិនឱ្យប៉ះលើខ្លួនផងនោះ គួរតែមានឆត្រតាមខ្លួនជានិច្ច។ ក្រៅពីឆត្រ អាវភ្លៀងគប្បីដាក់តាមការបូបដែរ វាមិនមែនការពារតែពេលមានភ្លៀងធ្លាក់ប៉ុណ្ណោះ នៅអាចការពារមិនឲ្យយើងសើមខ្លួន ព្រមទាំងបន្ថយជំងឺផ្ដាសាយបានទៀតផង៕
ប្រែសម្រួល៖ សន្យា
ប្រភព៖ Bright Side
ចុចអាន៖ ដើរលេងហើយ ចេះតែឈឺ ចេះតិចនិកទាំង៥នេះ លែងបារម្ភ
ចុចអាន៖ ការដើរកម្សាន្តផ្តល់ភាពរីករាយបានយូរជាង ការទិញសម្ភារពេញនិយម
ចុចអាន៖ គុណសម្បត្តិទាំង ៦ បានមកពីការធ្វើដំណើរកម្សាន្តនៅរដូវភ្លៀង
-
ព័ត៌មានជាតិ៥ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៤ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ២ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៦ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានជាតិ៥ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានជាតិ៧ ថ្ងៃ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានអន្ដរជាតិ៧ ថ្ងៃ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានអន្ដរជាតិ៤ ថ្ងៃ agoអាមេរិក រឹបយកកប៉ាល់ដឹកទំនិញអ៊ីរ៉ង់ នៅឈូងសមុទ្រអូម៉ង់ ខណៈទីក្រុងតេហេរ៉ង់ គំរាមសងសឹក