ព័ត៌មានអន្ដរជាតិ
ចិន បើកដំណើរការវេបសាយការពារកុមារកុំឲ្យញៀនហ្គេមអនឡាញ មួយសប្ដាហ៍ឲ្យលេងតែ ៣ ម៉ោងប៉ុណ្ណោះ
ការិយាល័យព័ត៌មានក្រុមប្រឹក្សារដ្ឋចិនបានបើកដំណើរការគេហទំព័រពិសេសមួយ ដែលប្រជាពលរដ្ឋអាចដាក់ពាក្យបណ្តឹងប្រឆាំងនឹងក្រុមផ្តល់សេវាកម្មអ៊ីនធឺណិត ដែលរំលោភលើច្បាប់យុទ្ធនាការទូទាំងប្រទេស ដែលបង្កើតឡើងដើម្បីការពារកុមារពីការញៀនលេងហ្គេម ។
នៅចុងខែសីហាទីភ្នាក់ងារព័ត៌មានចិនបានប្រកាសថា ចាប់ពីថ្ងៃទី ១ ខែកញ្ញា កុមារនឹងត្រូវបានអនុញ្ញាតឲ្យចូលលេងហ្គេមអនឡាញតែ ៣ ម៉ោងប៉ុណ្ណោះក្នុងមួយសប្តាហ៍ ។
លើសពីនេះក្រុមហ៊ុនផ្តល់សេវាកម្មត្រូវហាមឃាត់អ្នកប្រើប្រាស់ដែលព្យាយាមចុះឈ្មោះ ឬចូលលេងដោយប្រើឈ្មោះក្លែងក្លាយមិនឲ្យចូលលេងហ្គេមអនឡាញ ហើយអ្វីៗទាំងអស់នេះកំពុងត្រូវបានធ្វើឡើងក្នុងគោលបំណង ការពារសុខភាពផ្លូវកាយ និងផ្លូវចិត្តរបស់កុមារ ។
គោលបំណងសំខាន់របស់វេបសាយថ្មីនេះគឺ អ្នកប្រើប្រាស់នឹងអាចរាយការណ៍អំពីការបំពានច្បាប់ថ្មីដែលបានណែនាំរបស់ក្រុមហ៊ុនផ្តល់សេវាកម្មគេហទំព័រ ។ ទំព័រមុខមានប៊ូតុងចំនួន ៣ សម្រាប់ការការប្ដឹងនេះ ទី ១ គឺការជូនដំណឹងថា អ្នកផ្តល់គេហទំព័រអនុញ្ញាតឲ្យអ្នកប្រើប្រាស់មិនទាន់គ្រប់អាយុចូលលេងដោយប្រើឈ្មោះក្លែងក្លាយ ។ ទី ២ ប្រាប់ថា អ្នកផ្តល់គេហទំព័រអនុញ្ញាតឲ្យកុមារបន្តនៅក្នុងប្រព័ន្ធនេះបានយូរជាងរយៈពេលដែលបានកំណត់ដោយអាជ្ញាធរ និងប៊ូតុងទី ៣ គឺជូនដំណឹងដល់អាជ្ញាធររបស់ប្រទេសថា អ្នកផ្តល់សេវាកម្មគិតថ្លៃសេវាលើស ។
កាលពីសប្តាហ៍មុនដោយដកស្រង់សម្តីពីក្រុមប្រឹក្សារដ្ឋ ប្រព័ន្ធផ្សព្វផ្សាយចិនបានរាយការណ៍ថា ប្រព័ន្ធកំណត់អត្តសញ្ញាណអេឡិចត្រូនិកទូទាំងប្រទេស នឹងត្រូវបង្កើតឡើង ។
វាត្រូវបានគេរាយការណ៍ថា ប្រទេសចិនគ្រោងនឹងណែនាំប្រព័ន្ធផ្ទៀងផ្ទាត់អត្តសញ្ញាណអេឡិចត្រូនិកទូទាំងប្រទេស ដែលនឹងត្រូវបង្កើតឡើងដើម្បីត្រួតពិនិត្យការចូលប្រើ និងលេងហ្គេមអនឡាញរបស់កុមារ ។
គួរបញ្ជាក់ថា នៅឆ្នាំ ២០២០ ប្រាក់ចំណូលឧស្សាហកម្មហ្គេមរបស់ចិនបានកើនឡើងជាង ២០ ភាគរយពោលស្មើនឹង ២៧៨.៧ ពាន់លានយ័ន (៤៣.២ ពាន់លានដុល្លារ) ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ ចិន ពិចារណាចាក់វ៉ាក់សាំងកូវីដដូសទី ៣ ដល់ក្រុមមនុស្សសំខាន់ៗ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ