Daddy issues វិបត្តិផ្លូវចិត្តរបស់ក្មេងស្រី បណ្ដាលមកពីបុរសជាឪពុក

វិបត្តិផ្លូវចិត្តដែលគេនិយមហៅថា “Daddy issues” កំពុងវាយលុកដល់ផ្លូវចិត្តក្មេងស្រីជាច្រើន នាសម័យបច្ចុប្បន្ន ត្រូវគេស្គាល់ថាជា បញ្ហាផ្លូវចិត្តមួយ បណ្ដាលមកពីកង្វះភាពកក់ក្ដៅពីឪពុក ឬកំព្រាឪពុកតែម្ដង។ ក្មេងស្រីទំាងនោះចូលចិត្តមើលឪពុកកូនអ្នកដទៃស្រលាញ់គ្នា​មានភាពកក់ក្ដៅ ហើយចង់មានសុភមង្គលដូចគេដែរ ប៉ុន្តែខ្លះទៀតបែរជាមិនចូលចិត្តពេលឪពុកប្រឡែងលេងទៅវិញ មិនថានាងចូលចិត្តមើលអ្នកដទៃលេងជាមួយឪពុកដែរក៏ដោយ។ ដើម្បីកត់សម្គាល់ថា ក្មេងស្រីនោះមាន Daddy issues អ្នកអាចសង្កេតមើលតាមចំណុចដូចជា៖

១. ស្រលាញ់បុរសចាស់ជាង

ស្រីៗដែលមានបញ្ហានេះ មិនមានចំណង់ជាមួយបុរសវ័យក្មេងស្រករខ្លួន ឬចាស់ជាងតិចតួចទេ។ នាងតែងតែពេញចិត្តជាពិសេសទៅលើបុរសវ័យពូ ឬឪពុករបស់ខ្លួនទៅវិញ។ ដោយសារតែបុរសចាស់នោះ ធ្វើឲ្យនាងមានអារម្មណ៍កក់ក្ដៅ និងសុវត្ថិភាពខុសពីបុរសវ័យក្មេង ដែលប្រៀបបាននឹងមិត្តភក្តិតែប៉ុណ្ណោះ។

២. តណ្ហាក្រាស់ និងចូលចិត្តហឹង្សា

បុរសដែលនាងចូលចិត្តស្រលាញ់ គឺជាបុរសមានចិត្តកំណាច កាច ពេលខ្លះប្រើអំពើហឹង្សា ពេលខ្លះស្ដី ឬស្រែកកំហក់ រួចមកលួងនាងវិញ។ មនុស្សស្រីបែបនេះមានតណ្ហាក្រាស់សឹងតែគ្រប់ពេល ថែមទាំងមានចំណូលចិត្តទៅលើការចាប់បង្ខំផ្លូវភេទទៀតផង។

៣. ពូកែ​តូចចិត្ត

ទោះបីជាដៃគូ ឬឪពុកស្រលាញ់នាង​ប៉ុណ្ណា​ក៏ដោយ នាងនៅតែមានអារម្មណ៍មួយ​បិទបាំងការ​ស្រលាញ់គឺ មិនជឿថាគេស្រលាញ់។

៤. តោង​គេ​ស្អិត

មនុស្ស​ស្រី​នោះមិនអាចនៅម្នាក់ឯងបានឡើយ នាងស្រលាញ់ ហួងហែងមនុស្ស​ប្រុស​របស់​នាងណាស់​ព្រោះតែសុខភាពផ្លូវចិត្តនាង​មិនស្ងប់តែងតែគិតពីការចាកចេញរបស់មនុស្សជាទីស្រលាញ់។

យ៉ាងណាមិញ ជំងឺផ្លូវចិត្តនេះមិនទាន់ទទួលស្គាល់ថា ជា ជំងឺ ផ្លូវ ចិត្ត​ឡើយ​ព្រោះ​វា​មិន​មាន​ផល​ប៉ះពាល់​ដល់​សុខភាព​ដូច​ជំងឺ​បាក់​ទឹកចិត្ត និង​ជំងឺ​ដទៃទៀត ប៉ុន្តែ​វា​កើត​ឡើង​ច្រើន​លើ​ក្មេង​ស្រីៗ​ច្រើន​មក​ហើយ៕

ប្រែសម្រួល៖ វារី

ចុចអាន៖មនុស្សចរិតខុសគេ ៥ ប្រភេទ គ្មានអ្នកណាចង់រាប់រកឡើយ

ចុចអាន៖៣ វិធី កាត់បន្ថយហានិភ័យនៃជំងឺធ្លាក់ទឹកចិត្ត ចៀសវាងនាំធ្ងន់