សុទ្ធ​តែ​ខ្លាំង​ ៥​ប្រទេស​នេះ​ដាក់​គ្រប់​វិញ្ញាសា​ឃីក​បុក​ស៊ីង​​​ក្នុង​ស៊ីហ្គេម​នៅ​កម្ពុជា

ប្រភេទ​កីឡា​ឃីក​បុក​ស៊ី​ត្រូវ​បាន​ដាក់​ចំនួន​១៧​វិញ្ញាសា​ដែល​នឹង​ត្រូវ​ប្រកួត​ចាប់​ពី​ថ្ងៃ​ទី​១០ ដល់​ទី​១៦ ខែ​ឧសភា ក្នុង​ព្រឹត្តិការណ៍​កីឡា​ស៊ីហ្គេម លើក​ទី​៣២ ឆ្នាំ​២០២៣ នៅ​ប្រទេស​កម្ពុជា។

កីឡា​ឃីក​បុក​ស៊ីង​ដាក់​ឲ្យ​ប្រកួត​នៅ​​ស៊ីហ្គេម លើក​ទី​៣២​នេះ​គឺមាន​ប្រភេទ Full Contact, Low Kick, K1, Light Contact និង Kick Light ដែល​សរុប​ជា​វិញ្ញាសា​ចំនួន​១៧ (១២​វិញ្ញាសា​សម្រាប់​បុរស និង​៥​វិញ្ញាសា​សម្រាប់​នារី) ប្រៀប​ធៀប​នឹង​ស៊ីហ្គេម លើក​ទី​៣១ នៅ​ប្រទេស​វៀតណាម​មាន​១២​វិញ្ញាសា។

​ប្រទេស​៨​បាន​ចុះ​ឈ្មោះ​ចូល​រួម​ប្រកួត ក្នុង​នោះ​មាន​៥​ប្រទេស​បាន​ចុះ​ឈ្មោះ​គ្រប់​​វិញ្ញាសា​ទាំង​១៧​គឺ ម្ចាស់​ផ្ទះ​កម្ពុជា ថៃ វៀតណាម ហ្វីលីពីន និងឥណ្ឌូណេស៊ី និង​មាន​៣​ប្រទេស​ចុះ​ឈ្មោះ​មិន​បាន​គ្រប់​វិញ្ញាសា​​​គឺ ម៉ាឡេស៊ី​ ១០​វិញ្ញសា ឡាវ​ ៩​វិញ្ញាសា និង​សិង្ហបុរី ១វិញ្ញាសា។ ថៃ វៀតណាម ឥណ្ឌូណេស៊ី និងហ្វីលីពីនសុទ្ធ​តែ​ល្អ​លើ​កីឡា​ឃីក​បុក​ស៊ីង​នេះ។

វិញ្ញាសា​ទាំង​១៧​មាន

• បុរស​ទម្ងន់ -៥១​គក (Full Contact)
• បុរស​ទម្ងន់​ -៥៤​គក (Full Contact)
• បុរសទម្ងន់​ -៥៧​គក (Low Kick)
• បុរស​ទម្ងន់ ​-៦០គក (Full Contact)
• បុរសទម្ងន់​ -៦៣​គក (Kick Light)
• បុរសទម្ងន់ -៦៣​គក (Light Contact)
• បុរស​ទម្ងន់ -៦៣.៥គក (Low Kick)
• បុរស​ទម្ងន់​ -៦៧គក (Full Contact)
• បុរស​ទម្ងន់ -៦៩​គក (Kick Light)
• បុរស​ទម្ងន់ -៧១​គក (Low Kick)
• បុរសទម្ងន់ -៥១គក (K1)
• បុរសទម្ងន់ -៦៧គក (K1)
• នារី​ទម្ងន់ -៥២គក (K1)
• នារី​ទម្ងន់ -៤៨គក (Full Contact)
• នារី​ទម្ងន់ -៥០គក (Light Contact)
• នារី​ទម្ងន់ -៥៥គក (Kick Light)
• នារី​ទម្ងន់ -៥៦គក (Low Kick)

អត្ថបទ៖ វីរបុត្រ