ព័ត៌មានអន្ដរជាតិ

តំណាងលោក Trump បដិសេធការចោទប្រកាន់ថា ឲ្យលុយតារារ៉េប 50 Cent មកច្រៀងឃោសនាបោះឆ្នោត

បានផុស

១ year មុន

នៅ

ថ្ងៃសុក្រ ១ វិច្ឆិកា ២០២៤

ដោយ

កាលពីថ្ងៃទី ៣០ ខែតុលា អ្នកតំណាងយុទ្ធនាការរបស់លោក Donald Trump បានបដិសេធថា អតីតប្រធានាធិបតីអាមេរិកមិនបានចំណាយប្រាក់ណាមួយ ដើម្បីអញ្ជើញតារាចម្រៀងឲ្យមកច្រៀងនៅឯការជួបជុំយុទ្ធនាការចុងសប្តាហ៍នោះទេ។ ការអះអាងបស់ 50 Cent អំពីការទទួលបានប្រាក់ចំនួន ៣លានដុល្លារដើម្បីច្រៀងគាំទ្រលោក Trump គឺមិនពិតនោះទេ។

យោងតាម Variety បញ្ចាក់ថា នៅឯក្លឹបអាហារពេលព្រឹក 50 Cent បាននិយាយថា គាត់បានបដិសេធសំណើរចំនួន ៣លានដុល្លារដើម្បីច្រៀងនៅឯការជួបជុំយុទ្ធនាការឃោសនាបោះឆ្នោតរបស់អតីតប្រធានាធិបតី Donald Trump នៅ Madison Square Garden ក្នុងទីក្រុង New York សហរដ្ឋអាមេរិក។

តារារ៉េបប្រុសរូបនេះក៏និយាយថា គាត់បានទទួលការផ្តល់ជូនដើម្បីច្រៀងគាំទ្រលោក Trump នៅសន្និបាតជាតិនៃសាធារណរដ្ឋក្នុងខែកក្កដា ប៉ុន្មានថ្ងៃបន្ទាប់ពីការប៉ុនប៉ងធ្វើឃាតរបស់អតីតប្រធានាធិបតីអាមេរិក។

មិនត្រឹមតែប៉ុណ្ណឹងទេ តារារ៉េបវ័យ ៤៩ឆ្នាំរូបនេះ នោតែរក្សាអាកប្បកិរិយាមិនប្រកាន់នយោបាយដោយផ្តោតលើអាជីពចម្រៀងរបស់គាត់ថា «មានមនុស្សជាច្រើនដែលជំទាស់ប្រសិនបើខ្ញុំចូលរួមក្នុងឆាកនយោបាយ។ ខ្ញុំមិនហ៊ានទៅឆ្ងាយទេ។ ខ្ញុំខ្លាចនិយាយរឿងបែបនេះ។ ខ្ញុំខ្លាចនយោបាយ»!

50 Cent ថែមទាំងគូសបញ្ជាក់ទៀតថា Kanye West ត្រូវបានហាមប្រាមមិនឲ្យសម្តែងក្នុងរដ្ឋជាច្រើនក្នុងសហរដ្ឋអាមេរិក បន្ទាប់ពីមហាសេដ្ឋីស្បែកខ្មៅរូបនេះត្រូវបានចោទប្រកាន់ពីបទរើសអើងជាតិសាសន៍ ស្របពេលដែលកម្មវិធីដ៏ធំរបស់ Kanye West នៅសហរដ្ឋអាមេរិក គឺនៅខែធ្នូ ឆ្នាំ ២០២៣ នៅ LIV Miami។

ទោះបីជាយ៉ាងណា សិល្បករជាច្រើននៅហូលីវូដត្រូវបានបែងចែកនៅមុនការបោះឆ្នោតជ្រើសរើសប្រធានាធិបតីអាមេរិកនៅថ្ងៃទី ៥ ខែវិច្ឆិកា។ Beyoncé, Eminem, Megan Thee Stallion, Taylor Swift បាននិយាយគាំទ្រ លោកស្រី Kamala Harris ខណៈដែល Zachary Levi, Kid Rock, រូបតំណាងកីឡាចំបាប់ Hulk Hogan បានប្រកាសការបោះឆ្នោតរបស់ពួកគេ សម្រាប់អតីតប្រធានាធិបតី Donald Trump ។

ទន្ទឹមគ្នានោះថែមទៀត ការស្រាវជ្រាវដោយមជ្ឈមណ្ឌល Ash សម្រាប់អភិបាលកិច្ចប្រជាធិបតេយ្យ និងការបង្កើតថ្មី សាកលវិទ្យាល័យ Harvard បង្ហាញថា តារាល្បីៗបានបង្កើតភាពរស់រវើក និងមានឥទ្ធិពលលើការបោះឆ្នោតនៅសហរដ្ឋអាមេរិក។ អ្នកជំនាញនិយាយថា សំឡេងតារាកម្សាន្តលើកកម្ពស់ការចូលរួមរបស់ពលរដ្ឋ និងផ្លាស់ប្តូរតួលេខបោះឆ្នោត៕