ព័ត៌មានជាតិ
អារ៉ាប៊ីសាអូឌីត នឹងបើកស្ថានទូតក្នុងប្រទេសកម្ពុជា ដើម្បីជំរុញទំនាក់ទំនងរវាងប្រទេសទាំងពីរ
ក្នុងពេលឆាប់ៗខាងមុខ រដ្ឋាភិបាលអារ៉ាប៊ីសាអូឌីត នឹងបើកស្ថានទូតរបស់ខ្លួនប្រចាំនៅក្នុងប្រទេសកម្ពុជាតែម្ដង ដើម្បីជំរុញទំនាក់ទំនងការទូតរវាងប្រទេសទាំងពីរកាន់តែជិតស្និទ្ធ ខណៈបច្ចុប្បន្ន ស្ថានទូតអារ៉ាប៊ីសាអូឌីតប្រចាំកម្ពុជា មាននិវេសនដ្ឋាននៅទីក្រុងហាណូយ ប្រទេសវៀតណាម។
ដំណឹងបើកស្ថានទូតនេះ ត្រូវបានទម្លាយឱ្យដឹងដោយប្រធានសភាអារ៉ាប៊ីសាអូឌីត នៅក្នុងជំនួបពិភាក្សាការងារទ្វេភាគីជាមួយសម្ដេចតេជោ ហ៊ុន សែន ប្រធានព្រឹទ្ធសភាកម្ពុជា ក្នុងឱកាសដែលសម្ដេចតេជោ អញ្ជើញបំពេញទស្សនកិច្ចនៅរាជធានីរីយ៉ាដ កាលពីថ្ងៃទី០៩ ខែធ្នូ ឆ្នាំ២០២៤។ លោក អាប់ឌុលឡា ម៉ូហាម៉េដ អ៊ីប្រាហ៊ីម អាល-សេក្ខ (Abdullah Mohammed Ibrahim Al-Sheikh) ប្រធានសភាអារ៉ាប៊ីសាអូឌីត បានប្រាប់សម្ដេចតេជោ ថា អារ៉ាប៊ីសាអូឌីត នឹងបើកស្ថានទូតនៅកម្ពុជាក្នុងពេលដ៏ខ្លីខាងមុខនេះ ហើយលោក ថា ការបើកស្ថានទូតទូតនេះ នឹងបង្កភាពងាយស្រួលដល់ការជំរុញ និងពង្រឹងបន្ថែមទៀតនូវទំនាក់ទំនងទ្វេភាគីរវាងប្រទេសប្រទេសទាំងពីរ។
លោកប្រធានសភា គូសបញ្ជាក់ថា អារ៉ាប៊ីសាអូឌីត បានយកចិត្តទុកដាក់ខ្លាំងលើការលើកកម្ពស់វិស័យសេដ្ឋកិច្ច វិស័យសាសនា និងការធ្វើកិច្ចសហប្រតិបត្តិការលើវិស័យផ្សេងៗទៀត ជាពិសេសវិស័យប្រេងដែលជាវិស័យសំខាន់បំផុតរបស់អារ៉ាប៊ីសាអូឌីត ខណៈប្រទេសជាច្រើនមានទំនាក់ទនងជាមួយអារ៉ាប៊ីសាអូឌីត តាមរយៈការផ្សាភ្ជាប់វិស័យសេដ្ឋកិច្ច។
សម្រាប់ទំនាក់ទំនងជាទ្វេភាគីជាមួយកម្ពុជា លោក បានបញ្ជាក់ជូនសម្ដេចតេជោ ថា ក្នុងរដ្ឋសភារបស់អារ៉ាប៊ីសាអូឌីត មានគណៈកម្មការមួយទទួលបន្ទុកជាមួយនឹងកម្ពុជា ក៏ប៉ុន្តែ ទំនាក់ទំនងមិនទាន់ស៊ីជម្រៅនៅឡើយទេ។ ដូច្នេះ លោក ចង់ឃើញគណៈកម្មការទាំងសងខាងធ្វើកិច្ចសហប្រតិបត្តិការជាមួយគ្នាឱ្យបានច្រើននៅពេលអនាគត ហើយលោក ក៏រីករាយនឹងធ្វើការជាមួយសម្តេចតេជោ ប្រធានព្រឹទ្ធសភា ដោយផ្ទាល់។
ភ្ជាប់ជាមួយគ្នានេះ តបតាមការអញ្ជើញរបស់សម្ដេចតេជោ លោកប្រធានសភាអារ៉ាប៊ីសាអូឌីត នឹងមកបំពេញទស្សនកិច្ចនៅកម្ពុជា នាពេលសមស្រមខាងមុខ។
គួរជម្រាបថា ដំណើរទស្សនកិច្ចរបស់សម្ដេចតេជោ ហ៊ុន សែន ទៅកាន់អារ៉ាប៊ីសាអូឌីត ពេលនេះ នឹងជំរុញទំនាក់ទំនងទ្វេភាគីរវាងប្រទេសទាំងពីរបន្ថែមទៀត ពិសេសការជំរុញការផ្លាស់ប្តូរប្រជាជន និងប្រជាជន ទេសចរណ៍ និងកីឡា ព្រមទាំងទំនាក់ទំនងពាណិជ្ជកម្ម និងវិនិយោគ។ សម្តេចតេជោ បានគូសបញ្ជាក់ទៅកាន់ភាគីអារ៉ាប៊ីសាអូឌីត ថា ប្រទេសទាំងពីរ ដែលជាប្រទេសប្រកាន់របបរាជាធិបតេយ្យដូចគ្នា ត្រូវតែរឹតចំណងមេត្រីភាពជាមួយគ្នាឱ្យបានរឹងមាំ៕
-
សន្តិសុខសង្គម៣ ថ្ងៃ agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
សេដ្ឋកិច្ច១ ថ្ងៃ agoរដ្ឋាភិបាលហាមឃាត់ក្រុមហ៊ុនផលិតស្រា និងភេសជ្ជៈផ្ដល់រង្វាន់តាមក្រវិលកំប៉ុង ចាប់ពីដើមខែតុលា ឆ្នាំនេះ
-
ព័ត៌មានជាតិ៦ ថ្ងៃ agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ១ សប្តាហ៍ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
ព័ត៌មានអន្ដរជាតិ៥ ថ្ងៃ agoរដ្ឋបាលលោក ត្រាំ បកស្រាយថា «សង្គ្រាមចប់ហើយ» ដើម្បីគេចពីការសុំច្បាប់សភា
-
ព័ត៌មានជាតិ៦ ថ្ងៃ agoកុលបុត្រកុលធីតា ៣២៨រូប ចូលរួមពិធីបួសនៅវត្តព្រះឥន្ទទេព ដើម្បីតបស្នងសងគុណ និងអបអរសាទរវិសាខបូជា
-
ព័ត៌មានជាតិ៦ ម៉ោង agoក្រសួងវប្បធម៌ ព្រមានចាត់វិធានការច្បាប់លើជនដែលនៅតែបន្តកែច្នៃ ប្រើគ្រឿងលម្អយកគំរូគ្រឿងឥស្សរិយយស«ព្រះរាជមហាកណ្ឋាភណ្ឌគ្រងរាជសម្បត្តិ»
-
ព័ត៌មានជាតិ២ ថ្ងៃ agoអ្នកជំនាញ ទាញសញ្ញាបន្ទាត់ក្រហម វិបត្តិនយោបាយផ្ទៃក្នុងថៃអាចផ្ទេរមកជម្លោះព្រំដែនសារជាថ្មី